اقرااا الوضوع كاااامل وبتموووت ضحك
مسااكم الله بالخير
هذا مقلب الماسنجر حادثة (مقلب رهيــب ) لا يفوتكم
محادثة بين بنت ولد في ألما سنجر من نوع خاص جدا جدا جدا
سالفة حلوه على الماسنجر قصه واحد من الشباب :
السبت ترغب عبير في الانضمام إليك هل تود استضافتها ؟
الدلخ : الله يلعن خيرك من كمبيوتر ما قلتلك اي بنت اقبلها وانت مغمض يالله انك تحييها يا هلا ومرحبا اعوذ بالله قحط فى هالماسنجر ولا بنت يلله نقبل عشان نشوف منهى (مسوي ثقل قدام نفسي )
الأحد : طول اليوم شابك على الماسنجر أشوف منهي ( أنعمت عيوني من الشاشة )
وبعد خمس ساعات : قامت عبير بتسجيل الدخول
والدلخ مسوي ثقل وهو يحترق يبغى يشوف منهي وكم عمرها ومن وين وووو
عبير : سلالالالالالام
الدلخ :هلالالالالالا
عبير: كيفك
الدلخ : كيفك أنتي
عبير : ( انتى ) حركات على بالك لبنانى
الدلخ : انا احلى من اللبنانيين لا تحقرينى
عبير : لا يا شيخ من تشبه
الدلخ : اشبه الشمس فى عز الظهر واشبه القمر ليلة اربع طعش هاي
عبير : اقول يالدلخ
الدلخ : ياعيون الدلخ
عبير : ليه انت بطىء ما ترد بسرعة معك أحد غيري
الدلخ :لا لا لا والله ما معى احد
عبير: ترى بسكر المسنجر
الدلخ : لا تكفين شوى بس شوى خلى نسولف ( ما صدقنا على الله بوحدة تبي تسكر )
عبير : طيب قللى نكته
الدلخ : تبغين نكتة حقت باسكال مشعلانى
عبير : وسخه ولا زينه
الدلخ : يعنى وسط
عبير : لالا ابغى غيرها لان باسكال تقهرنى بدلعها ما احبها
الدلخ : طيب فيه واحد نذل دايم يجى لبيتهم متاخر وطرده ابوه من البيت
راح وكتب على البيت لوحه : سكن امريكان عشان يفجرونه
عبير: لووووووووووول لوووووووول
ياحبي لك يالدلخ انا اموت فيك ..يا خفك
الدلخ : وش تقولين ؟
عبير : قصدى يا خف دمك
الدلخ : اشوى احسبك تقولين شى ثانى
عبير : حبيبى ممكن بوسه
الدلخ : عبير مهوب على طول ياعمرى ما بعد خذنا على بعض
عبير : اوكى بس بكره تعطينى بوسه
الدلخ : ولا يهمك
الدلخ : اه اه اه
عبير: وش فيك سلامات
الدلخ : قلبى قلبى ياعبير بدى يحب
عبير: افاااااااااا بس توه بدا يحب
الدلخ : توه دل دربه بس
عبير : انت وش فيك تتاخر فى الرد
الدلخ : تونى متعلم الكتايه واكتب باصبع واحد كنى القط رز مزه هنديه
الللى كان بعشره ريال وهلحين غلا صار بواحد واربعين ريال
عبير : بعد ما شاء الله تناقش الاسعار !!
الدلخ : لا مالنا ومال السياسه من قال اسعار الله يهديس بس !!
عبير : ما علينا بس اشوى احسبك مشبك مع وحده ثانيه وقاعد تكلمها
الدلخ : تطمنى كان عندى ثنتين من شهر اكلمهن وحده ملت منى تقول بطىء
والثانيه قالت لى: ياثقل دمك ما عندك ذوق لانى قلت لها يا دبه
وقالت ترانى ابحذف اسمك من المسنجر لانك ما عندك ولا كلمه حلوه
تخلينى انجذب لك وقالت بعد اسمك الشين يفشلنى عند زميلاتى
ورازتن اسمك قدام اخواتى فى المسنجر مثل المنظر!
عبير : خلاص انا زعلانه منك ليه كلمت غيرى
الدلخ : يعنى انتى اللى ما كلمتى
عبير : انا كنت اكلم عشره مو واحد
الدلخ : عشره وانا معهم ولا تسعه وانا العاشر
عبير : ياخى يا غبيك( كل الاعداد اللى تقولهم مجموعهم عشره )
الدلخ : قصدى عشره ولا حدعش يعنى
عبير : ممكن تغير الموضوع ياخى
الدلخ : وهلحين كم تكلمين
عبير : واحد يحبنى مرررره ويموت فينى
والثانى غبى مررررره بس خفيف دم
الدلخ : انا الاول ولا الثانى
انا مشبه على الاول بس حاس انى الثاني
ومتاكد انى الاول هاي
اللى تحبينه مرررره وودى أقول انى الثاني
عشان تقولين صح
عبير : دلخوه تراك ضيعتنى
وش فيك انت معد تجمع ولا وش فيك
الدلخ : اه بس اه
عبير : سلامتك من الاه
الدلخ: ياشين الحب
عبير : ليه شين
الدلخ : يضرب الحب شو بيذل
عبير : حبيبى انا استأذن
الدلخ : افاااا بدرى ما اتفقنا على كذا
عبير : يا عمرى امى فوق راسى تبغانى اسكر
عبير : باااى باااى جاء اخوى الكبير
الدلخ : يا سفابك والله حسافه !!
عبير : بكره زى الوقت هذا .. بااااى عمرى
ومن بكره اللى يوافق يوم السبت
عبير : مرحبا
الدلخ : مراحب يا هلا هلالالالالالالالالالالالا
عبير : عمرى وشلونك
الدلخ :هلا والله ومسهلا
عبير : انا زعلانه عليك
الدلخ : ليه بس وش سويت انا
عبير : غن لى اغنيه عشان ارضى عليك ممكن بس لحضه ابحط التحدث وتغنى لى ..
الدلخ : لالا صعبه والله صوتى مهوب حلو
عبير : لا والله صوتك حلو بس بس يالله غنى لى وترى ما راح اسمعك صوتى الين تغنى !!
الدلخ : اه بس امرنا لله ( وحطينا التحدث )
وقلت لها ممكن بس اسمعك تقولين حبيبى .
وكتبت لى لالا مو ممكن !!
وكتبت لى يالله غنى اى اغنيه ..
الدلخ : يبدا يصدح بالصوت العذب ..
هيه يارمانه .. هيه يارمانه
والحلوى زعلانه والحلوى زعلانه
مين يراضيها مين يراضيها
انا اراضيها وبروحى افديها
بس مالاقيها فى يوم زعلانه
ياروحى ياعمرى يا حبى العذرى
مليت من صبرى والروح ولهانه
والروح والهااااااااااااااااااااااانه ..
عبير : تسلم يابعد كل الدنيا
الدلخ : الله يسلمك بس تكفين ودى اسمع صوتك ..ممكن !!
عبير : مره ثانيه انا عندى اخوى الصغير وما اقدر اتكلم بس اكتب لك
الدلخ : يعنى اخوك الصغير سمع صوتى
عبير : ايه سامع صوتك وانت تغنى يقول صوته حلو يحسبه مسجل يقول عيدى الشريط !!
الدلخ : الله يعافيه اللى مدح صوتى .
عبير: ممكن تغنى لى مالى فى هلدنيا سواك حقت راشد الماجد
الدلخ : ما تلاحظين ياعمرى انى عطيتك وجه !!
عبير : نعم نعم عن الغلط بس
الدلخ : امزح امزح لا تزعلين والله امزح
عبير : انا فرحانه انك تغنى لى وانت تهزئنى صحيح انك دلخ ما تصبر
زى ما قالت خويتى اللى عطتنى المسنجر حقك ؟
الدلخ : اسف والله اسف يالله اغنيها لك عشان ما تزعلين
ويللى ياويلى ويلى ياويلى اه ياويلى اه ياويلى
مالى فى هلدنيا سواك مالى فى هلدنيا سواك
كفايه جروح يا روح الروح كفايه جروح
حبه ابى يا ناس ابى قربه وبروحى اشتريه
اسف والله ترى ما حفضتها مررره
الدلخ : اقول صلاة الفجر هلحين وش رايك بكره قبل موعد اليوم بشوى
عبير : لالا نتواعد انا وياك نتغدى سوى بكره
الدلخ : لالالا ما يصير مو معقول الكلام هذا .. احلفي انك صادقه!!
عبير : والله اتغدى انا وياك والوالده سوى
اصلا كل يوم اتغدى انا وياك سوى
الدلخ : يا ويحا قلبى .. من معي
عبير : انا اخوك الصغير يا غبى
والله لاعلم امى عليك
وتحول الحلم الى سراب وتحول الفرح الى قهر وتهديد من صغير ..
وتحول وجه الدلخ الى ( خبزه محترقه ) سواد
علما بان اخى الصغير يبلغ من العمر 15 عاما
يعنى بالعربي طحت من عينه
آه بس لو شفتو ذا الموقف بعد ما رحت له في غرفته وهو يضحك على ويقول !! د لــــــــــــخ
منقوووووووول
أخوكم
ذيابة قحطان
02-04-2006, 12:48 PM
تعليمات المشاركة
العرض المتطور