خيول شوقي

[poem=font="times new roman,6,black,normal,normal" bkcolor="transparent" bkimage="backgrounds/6.gif" border="solid,3,gray" type=0 line=0 align=center use=ex num="1,black""]
العشق مجنونٍ ولا هو بصاحي=جنّن مشاكيل الرجال الحكيمه

شفني وانا راعي العلوم الملاحي=ما عاد فيني حاجةٍ مستقيمه

ما عاد فيني حاجةٍ تستباحي=من عقبْ ما كنت العديم الصتيمه

ولا عاد اميّز في المساء والصباحي=لي غاب خلي.. كل ابوها عتيمه

شبّ الهوى فيني.. بكل النواحي=لين اصبحت كل الجوارح رميمه

وخيول شوقي وسط صدري جماحي=كن الضلوع لها حواجز هشيمه

عقبه.. عرفت ان المحبه كفاحي=لو كان ظاهرها علاقه حميمه

وعقبه.. عرفت اني بدونه متاحي=للمسأله.. والمشأمه.. والظليمه

لي صار ظلم اللي نوده مباحي!!=ما عاد في الدنيا مظالم عظيمه

يسجني بكيفه.. ويطلق سراحي=قاضي.. وحكمه ماضيٍ في نديمه

و ش عاد لوّه ما يثمّن كفاحي!؟=يا ويل عمري .. والله انها جريمه

لا واهني اللي سهى واستراحي=ما حب له ريميةٍ من صميمه

همّه فياضٍ كلما ضاق راحي=في روضةٍ مع رفقةٍ له قديمه

تجلي همومه بالمرح والمزاحي=كنّه ملك دنياه من وسط خيمه

والا طريح الحب ما له مراحي=كن الجوارح من فرحها عقيمه

يدرج والى منّه خذا شوي طاحي=مثل الطفل.. وادناة كلمه تضيمه

داروه.. وادروا غلطته بالسماحي=واخْذُوا الأجر يا اهل القلوب الرحيمه[/poem]

__________________
الحمد لله

ولا عاد اميّز في المسـاء والصباحـيلـي غـاب خلـي.. كـل ابـوهـا عتيـمـه
5 شـبّ الهـوى فيـنـي.. بـكـل النـواحـيليـن اصبحـت كـل الجـوارح رميـمـه
6 وخيول شوقي وسط صدري جماحـيكـن الضـلـوع لـهـا حـواجـز هشيـمـه
لاهنت وصح الله لسانك
سعيدين بتواجدك

__________________

صح بدنك يا الشواطي

__________________
الحمد لله