[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num=",white""]
البارحه يابوي كثرت طواريك = كنك على ماضي سنينك تعدا

من قو باسك ما تبين شكاويك = جبار مابيح لك الوقت سدا

لو تنهدا الاعمار والله لا اهديك = زهوة شبابي في مشيبك تفدا

الله يطول في حياتك ويبقيك = وتاتي لك ايامك على ما تودا

وانه من صدوف الليالي يعديك = ياللي بطيبك نفتخر وانتقدا

اكبر سعاده يوم ابرك وابديك = وعلي نفسك قبل نفسي تبدا

واكبر سعاده يايبه يوم البيك = لبيه من قلب لصوتك يودا

واكبر سعاده يوم اقبل اياديك = في نشوة منها الرضا مستمدا

واكبر سعاده يايبه يوم اخاويك = للمدن والا خايع مجرهدا

واسمع علومك واتسلى واسليك = وينزاح هم فالحشا مستبدا

واكبر سعاده يوم اصافي مصافيك = واقدر اللي لك رفيق مودا

واعني وازور اللي يزورك وياتيك = واجنب اللي عنك جنب وصدا

واضد عدوانك واعادي معاديك = وآقف على درب العدو واتحدا

لك اعتبرني طوّل الله لياليك = عبد مليك في لزومك يسدا[/poem]

__________________

روعة روعة يا ابو مسفر هذي القصيدة من الشاعر الجزل خليل بن هدلان.

لا هنت يا الطيب على النقل الجميل.

__________________

صح الله لسان شاعرنا الكبير


خليل ابن هدلان



ولاهنت يا بو مسفر على ايراد هذه القصيدة

واكبر سعاده يوم اصافي مصافيك
واقــــدر الــلـــي لـــــك رفــيـــق مـــــودا




واعني وازور اللي يـزورك وياتيـك
واجـنـب الـلـي عـنــك جـنــب وصـــدا




واضــد عـدوانـك واعـــادي مـعـاديـك
وآقـــف عـلــى درب الـعــدو واتـحــدا



الله الله ياخليل صح لسااااااااااااانك وابيات ثقيله ورائعه
ومشكور يابو مسفر على النقل الطيب
لك تحياتي

__________________

صح لسان الشاعر


وبيض الله وجهك يا ابو مسفر على النقل الجميل

__________________