الشدايد محكّ الرجال

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ما يبين الطيب الا في الشدايد=في نهار يصير حملك فيه كايد
يظهر الصنديد في صف الجماعه=وينثبر من يشتري مدح الجرايد
ويسكت اللي بين خلق الله علاقه= ويعرف اللي في سبيل الخير ذايد
والهجوس اللي على الموعد تجيني=عاهدتني ما تجيب الا الجوايد
لو اصوم من رمضان الى الضحيه=ما افطر الامن معاليق الشرايد
كل ما هلت مزون العقربيه=جاد صندوق النوادر والفرايد
والشعر في ذمة الشاعر رساله=تذكره حتى محاريب المسايد
شاعر الرسول حسان بن ثابت=والامام الشافعي في الشعر رايد
ولاتزال معلقات الشعر رايه=للشعر واهله وعشاقه شهايد
واناشعري مثل دمي له فصيله=له علاقه با الفصيلهo+
لانها فصيلة الدم الكريمه= والكريم معان حتى في القصايد
محزم لي في المسره والمضره=ما وقف بي عند وقفات الزهايد
خادمنّي عند عصمان الشوارب=عرفهم طاله وخدمتهم فوايد
واكسب بعرفي بلاد الله اماره=والبس ثياب النواميس الجدايد
وقفة تذكر وتاريخ ومهابه=ومزح راقي مع وسيعين البنايد
وان رجعنا للمطامع والمراجل=مانضريها على نوم الوسايد
وانت يا اللي تحسب ان هرجك مؤثر=وتزرع اشجار النميمه والمكايد
لاجميل ولاسلاح ولا حميه=ولاتمسك با الشريعه والعوايد
غاسل وجهك من اثار المروه=مثل ما يغسل يدك صابون تايد
وتزعم انك مثل شيخان القبايل=وانت صيد للسلق مانته بصايد
ان ترفعنا عن الواطي كرامه=ما مضى من وقتنا ما هو بعايد
ما يمثل شاعر الوقفات نفسه=غيرذخر للقريب وكل نايد
نية الرديان ماهي لي مطيه =البشر ما تفرق الا في العقايد
وكان ثار العج عند ابل الدواسر=يعرف ابن قويد عند اولاد زايد
كل عود ازرق لافاح يجيك طيبه=فال من لايرتجف يوم الطرايد
والحقيقه في البدايه والنهايه=كل شي غير وجه الله بايد[/poem]

وسلامتكم

سعيد الفهري القحطاني

__________________

الأخ الغالي

الشاعر سعيد الفهري


صح لسانك وبيض الله وجهك يالجزل


إبداع لايستغرب على شرواك


والشهاده فيك مجروحه وانت غني عنها


لاعدمتك


أخوك

.

ابو علي


بيض الله وجهك بياضٍ تشيله الركاب

على هذه الرائعه


لاعدمتك وانت غني عن الكلام والشهاده فيك مجروحه


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح والله السانك يابوعلي

قصيده وافيه ولاتحتاج تعليق مدام سعيد قايلها

تعرف رأي فيك وفي قصائدك يالجزل

تقبل تحياتي وتقديري لشخصك الكريم

اخوك بن حيان

جزله من شاعر جزل بيض الله وجهك يا سعيد

سجل اعجابي بك

__________________
[frame="7 80"]
[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله اللي ماغره خط الاقلامـي= اجال وارزاق كل الخلـق قسمهـا
منه واليه الامـر لوطالـت ايامـي= عساه روحي من التعذيب يرحمهـا
غرقان في وسط بحر اذنوب واثامي= اخفيتهـا عالبشـر والله يعلمـهـا
غرتني النفس والشيطان واحلامـي= وفرطت في سالف الايام واعظمهـا
وغفلت عن حفرة ليمـت قدامـي =اكبر عيالي على راسـي يهدمهـا [/poem][/poem]

للمراسله
s.m.m.q123@hotmail.com

[/frame]

الأخ : سعيد الفهري
صـــــــــــــح لســـــــــــــــــانك وعلاء شانك وبيض الله وجهك

واااااااااااافي



صح لساااااااااااااااانك

.


[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لو اصوم من رمضان الى الضحيه=ما افطر الامن معاليق الشرايد
كل ما هلت مزون العقربيه=جاد صندوق النوادر والفرايد
والشعر في ذمة الشاعر رساله=تذكره حتى محاريب المسايد[/poem]




الله ... الله ... الله



صح لسانك .. وبيض الله وجهك ..



جزالة و حكمة و إبداع ..



دام شموخك ياسعيد ودمت بألف خير ..

ارررررررررحب يابو علي بيض الله وجهك


صح لسانك مدد

أخوي ابو علي

صح لسانك وسلم راسك

رايعه ووافيه من راس وافي

لك فائق احترامي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000