محاورة جميلة بين حمدان العصيمي وسعيد الفهري

الاخوة الافاضل في شبكة قبيلة قحطان 00
نقدم لكم هذة المحاورة الجميلة التي جرت مؤخرأ بين الشاعرين الكبيرين حمدان العصيمي وسعيد الفهري وارجو ان تنال على رضاكم ولكم خالص تحياتي
[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حمداان العصيمي

سلام الله سلامٍ للجميع امتوّجـه باللـول= وهذا اللول من بحر الخليج ومن بحر جده

ولاياسعيد سامع لي علومٍ مالها مفعـول=سلبتوا بشت شيخ وشيخكم ماهو على قده



سعيد الفهري




هلا يامرحبا ترحيبة ينهض بها المشلول=يقدم ساق رجلة للسبق ولارض ممتده
لك الله ماخذينا غير حق بفعل ولى قول=لاكن انتو عتيبة شيخكم مرضان من مده


حمداااان العصيمي



عليك الصبر لاتعجل بعد بكره يجيك الدول=نعرفك فالرخاء لكـن مانعرفـك فالشـده
علوم الناس في طالع ونازل والجمل معقول=ولاتقدر تجيه أوّسمنـا بيّـن علـى خـده


سعيد الفهري


ليا منك نسيت جهود خلق الله من المسئول =صناديد الرجـال تبيـن والايـام مسـوده
عسى ربي يخلي شعرة في متحف اصطنبول=ولو كثر الشعر في لحية القسيـس ويكـده


حمدااان العصيمي



تحاول تخفي العله وحنا نعرف المعلـول=نحلّل نظرته قـدام لامزحـه ولا جـده
ترى كثر الاماني يالعبيدي دربها مجهول=غدت باللاعب اللي جاته الهجمات مرتده


سعيد الفهري




ترى بعض الجروح مطهره بالشاش والديتول=لكن يحتاج جرح القلـب للدكتـور والعـده
غزونا الغرب في مسجد قبا بالهاتف المحمول=وامـام المسجـد الله يحفظـه وده ولا وده


حمدااان العصيمي


تقولون الرجال أزوال ونقول الرجال فعول=وحنا عزمنا ينزل على أكبر ضلع ويهـده
نصرنا الله عليهم والنصر سيف الله المسلول=ماهو سيف الغشيم اللي بدى اللازم ولاسـده


سعيد الفهري



كفو والله كفو ياهل الركاب وللركاب حمول=ولكـن الزمـان يلـوُع الرجـال ويحـده
بغيتو تدخلون القلعه اللي بابهـا مقفـول=وحالو دونها جن الخلا والريـح مشتـده



حمداااان العصيمي



ليا ثار العسام وراحت الديره صهيل خيول=وحضرتوا سلاح الروم تلقى عندنا ضـده
لقينا القاتل اللي متهـم بجنـازة المقتـول=وصدّقنا على قوله وحكم الشـرع لابـده



سعيد الفهري



لاتذبحك الهقاوي ياعصيمي والرجال عقول=سلاح المومنين ايمانهـم ياوافـي العـده
حكمتو حكم ظالم والظليمه مالها مرسـول=وجنيتو ما زرعتو والرجل يصبر على مده[/poem]

__________________
HASSAN_M_WATAN@HOTMAIL.COM

اخوي


((حسن مسرع الدوسري))


ما اقول الا بيض الله وجهك يالقرم ولد القرم


وصح لسان الشاعرين

((سعيد الفهري))


((حمدان العصيمي))




تقبل مروري واحترامي






دمتم بود

الإعلامي / حسن الدوسري


مشكور على نقل المحاورة الرائعة - ولكن أين مكان المحاورة ومتى ؟

صح لسان الشاعرين

محاوره مميزه وجميله

والله لايهينك يابو سعود على النقل الرائع

لاعدمناك

.