هوى النفس

على ماتهتوي النفس أخفي المعنى وأغزل القاف =وأجاري قافـيتـها وأزم العاصـي يجـاريـهـا
وتقبل كـل بيت يـدعـي الثــانـي خـلاف خـلاف =تـجـي مثل الـقـوافل ناصيات صدر راعيها
ويسيل بها نهر فكر بصدري والضلوع ضفاف=بوادي مـثـل وادي الـنـيل صبه يوم يرويها
وأسوق ركـابها في كل وادي والقـلـوب رهاف=تـروم وتـآنـس لـمنطوق فكري لوهـ يغويها
وأقـوم أروي لـهـا مـما وهـبـني خـالـق عـراف =عـرف مافي الصدور وخافي النيات يدريها
ويـروي حاضر عني لمن هـو غـايب مـا شاف=تفاصيل الـقـصـيـد اللي سمع مني ويرويـها
وهـذا مـا دفـعـني أفـتـخر به وأقـطع الأطراف=وأجاهر بالشعور وصفحتي تـآضح لـقاريها
صحيح إن للسـحا وقـفـه وللجرأة ثلاث وقـاف =وكـم مـن مـوهـبـه تـدفـن مـواريها سحاويها
نـعـف ونـسـتحي عند اللزوم ونحترم الأعراف =ونـجـرأ ونـتـجرأ فـي طـريـق قـل مـاشـيها
ومـتى مـاقـلـت الـحـيـلة زبنت لعالي المشراف =وشـكـيـت الـحـال للي يآخـذ الحيلة ويعطيها

صح لسااانك يامطلق

وما من قصور وافي جعلك تحيا

،



«لا إله إلا الله محمد رسول الله»



،

صحت ابدانكم كلكم وما عليكم زود
وانا مكسبي أكبر في عضوية الشبكه ومعرفة ذا الوجيه الطيبه
وأبشروا بالســـــعد وآتشرف وكلي شرف ...
وتقبلوا تحياتي....
مطلق