مـــعــــانـــــــاة نـــــاقــــــــه

بسم الله الرحمن الرحيم
كتبت هذه القصيده عندما ذهبت الى مخطط الموسى في خميس مشيط ورأيت شبوك الأباعر داخل المخطط الذي أصبح ملتقى للشباب والتفحيط والسهرات وفي إحدى الشبوك رايت لي ناقه وأقبلت علي والحزن في عينيها
فجسدت حزنها وشكواها في هذه الابيات عسى ان تحوز على رضاكم واستحسانكم


[poem=font="Simplified Arabic,5,black,bold,normal" bkcolor="burlywood" bkimage="" border="double,5,black" type=0 line=1 align=center use=ex num="0,black"]

آبسئلك والفكـر غامـض ومحتـار = والـذود محتـاره وزايـد عجبـهـا
أرض الجزيره كيفها هـات الاخبـار = عن حالها عن وقتها عـن عربهـا
وين البدو كسّابـة الطيـب والكـار= اللي تعز الضيف وتصخـي شببهـا
اللي قنت من قالوا الخلقهـا اسـرار = ثم تفتخر في نسلهـا فـي نسبهـا
مذكـورةٍ فـي كتـاب ربٍ وغفـار = هذي عطايا الله مـا احسـن لقبهـا
تظربّها الامثـال فـي كـل الاقطـار = وفي مجلس اهل الطيب يبقى كتبهـا
ويكتبّها الشعـار جـزلات الاشعـار = وشاقت نفوس وزوّدت فـي طربهـا
وين اللي تاخذ في ابلها الدم والثـار = لا منّهـا سيقـت سريـعٍ هربـهـا
وين اللي تاخذ في ابلها الحق مدرار = لا منّهـا ذمّـت وعـذرب ذربـهـا
وين اللي تحتميها من كـل الاشـرار = ثم تحتميهـا والعـدو مـا سلبهـا
كانت تخاوي البدو في كـل مشـوار = آنشهـد انهـا عـز للـي كسبهـا
وحليبهـا ينمـد للضيـف والجـار = بـه حـزةٍ تحلـب وحـزه جنبهـا
ومن حبها بقلبه يجي عندها امـرار = لا وجّهت ترعـى رعاهـا ورقبهـا
ثم يعتني فيهـا علـى كـل الاقـدار = عالـج مريضتهـا ويطلـي جربهـا
وهي المبـادي والهدايـا والاسفـار = لشيوخ وأمّار العـرب مـع نوبهـا
واليوم هذا الوقت مـا فيـه مغتـار = هانـو عطايـا الله ليتـه جلبـهـا
من غير دستورٍ ومن غيـر معيـار = حبست وسـط شبـكٍ وزوّد تعبهـا
ناضر شبوك النوق بيميـن ويسـار = وسط الشوارع وسط شبـكٍ حجبهـا
في مخطط الموسى وضعها على القار = واعطاهـا مكفولـه وراح وجنبهـا
زولٍ من السودان للـذود قـد بـار = في كل حـزه حاسهـا ثـم حلبهـا
ويبيع طاسات اللبـن ليـل ونهـار = وعمّه فلوسـه كـل يـومٍ حسبهـا
قام ايحلب لقح ومناتيـج واعشـار = ثـم احتلـب دمّانهـا لا اقتربـهـا
ما همّـه الا جمـع قـرشٍ ودينـار = من فعلته يـا قـرب جيّـة عطبهـا
يبيـع طاسـاتٍ صغيـرات وكبـار = يرضي الزبايـن كلهـا فـي طلبهـا
وفي كل ناقه تلقى قيدٍ مـع اهجـار = واليا ارفضت هديه بحبلـه ضربهـا
وفي كل وقت الناس للشبك حضّـار = كل البشـر مـن عايـلات وعزبهـا
كل المواتـر بنـز ددسـن وفكسـار = جوها من اطراف الخميس ومن أبها
ثـم جننوهـا بالبـواري ومزمـار = وشلة شبابٍ ساهـره فـي خربهـا
بالقرب منها دقـت العـود والطـار = حتى السحر تسهـر تولّـع حطبهـا
وتشري الحليب وتنظره عين تنكـار = ورغو الحليب اتبّعـده مـا شربهـا
يالله عسى يمنـاه بالبنـدق اكسـار = باقي الغظـاره بالشـوارع سكبهـا
وفي الليل ما نامت تحت نور الانوار = ازعـاج تفحيـطٍ عسـى الله قلبهـا
يا كم وكم حنت ليا شافـت امطـار = ومنهاجها يـم المطـر يـا صعبهـا
يا وجدها لرمال وطعـوس واقفـار = والشوق لسهول الفيافـي وهظبهـا
ترعى من البران وانـواع الاشجـار = ثم روّحت والشمـس حـزة غربهـا
عند ابـدويٍٍّ لا وظيفـه ولا اضمـار = كود العطايـا ربـي اللـي وهبهـا[/poem]



وسلامة الجميع