قصيدة الشاعر المتألق / مشبب بن عشق بن فهم ال عاطف في( حفل ال عاطف تصوير الساحه )

http://www.youtube.com/watch?v=jHjMHaA2-_E


ياهاجسي ذلحين ذلحين ذلحين=ياهاجسي ذلحين بدع الجزيلات
ياهاجسي ماعاد يمديك بعدين=وأن ماوقفت اليوم ولا الوفاء مات
ياهاجسي خاويتك شهور وسنين=واليوم يومك يازبون المهمات
أنحت صخر وأغرف بحر للميامين=أللي نحتو تاريخهم بالبطولات
قصيدةٍ عطرتها بالرياحين= من قدح راس(ن) مايعرف الهزيلات
شوفة بني عمي من يسار ويمين=في ذمتي تشفي الجروح العطيبات
عواطفن(ن) لمن غدى الليل ليلين=ترسي مثل مرسى طويق(ن) وأبانات
ألاد ابن عاطف كعام المعادين=تسكر على ريحة البارود بالذات
حنا العرب وأصل العرب والسلاطين=أقوله وعندي على قولي أثبات
الله خلقنا بين خلقه قحاطين=ساس العرب شبه الجبال المنيفات
حنا المطنخ حن صعوط المجانين=ندك الارض اليا اعتلينا العبيات
لمن زعلنا نثور كن حن براكين=ومنهو يعادينا غدى جمعه شتات
صغيرنا ينطح من القوم تسعين=وكبيرنا تشهد لفعله حكومات
ولمن رضينا ياحياة البساتين=سحابةٍ تمطر وتنبت لها نبات
تنبت وفاء والله خلقنا وفيين=والنايبه نجعل بدلها مسرات
وعاداتنا وسلومنا باقيه لين=يوم تلاقى فيه الاحياء ولاموات
وكل القبايل يامناعير وافين=الطيب مايحصر على حد بالذات
وحنا لبومتعب جيوش(ن) موالين=برواحنا نفديه من وين ماجات
ياخادم البيتين ياناصر الدين=يباني مجد(ن) وصل للسموات
واصل مسيرتنا وحنا المطيعين=دون الوطن حنا الرجال المسمات

__________________