[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
ناصر=
مني سلامي للكرم والقوانين=واللي حفظها بين جارٍ وعاني
يبو محمد مالك ايسار ويمين=هات المعاني بعد جات المعاني
عبد الرحمن=
يامرحبا باسم الكرم يردف اثنين=وباسم الليالي الماضيه والزماني
حاضر معك بالفكر والسمع والعين=اقدم الماجوب وابغى السماني
ناصر=
ياللي ترحب لا تغش العناوين=أخاف لا تخدعبها شخص ثاني
احترت أنا لا اسايرك يأم الأذنين =ماحدٍ تهنا في كنفها الأماني
عبد الرحمن=
ان كانها حيله ترى الناس واعين=ياحيله المكسور والحيل واني
ان طول المشوار فالحر بيبين=ماني بمثل اللي يودع وخاني
ناصر=
لا اسمع علومك قلتلك حاكم الصين=مير البلا فيكم عيانٍ بياني
لاطول المشوار طيرك كراوين=بتموت جوع لا نويت تعصاني
عبدالرحمن=
حكيم والحكمه لروس السلاطين =وانا احمد الله يوم ربي عطاني
اجاملك فاحيان وازعلك حين=واحيان اقابلكم بضحك الثماني
ناصر=
يا راشد الماجد وتلعب على مين=حنا نعرفك للعدايل حصاني
على نفاق الطبع تلعب بحبلين=والجدي دايم فانتظار اليماني
عبد الرحمن=
ماني براشد يازبون المجنين =انا ولد هباش ذخر قحطاني
افهم ياذيب الصبح والدين بالدين=ورفع جوابك لا يجي بطماني
ناصر=
ياصاحبي نحضر جميع الميادين=مافيه خصم فالمواقف حداني
اضحك عليك من الغضب دون تأمين=من رمية الهطفا نعرف المكاني[/poem]

__________________

وافين ونتلقي على خير يابوحسين

صح لسانك و لسان من قالها ..

الله يعطيك العافيه أخوي .

ما شاء الله تبارك الله

عسى الله لا يفرق خوتك

ودي امدح خوي ههههههههههه

لكن عز الله انكم كلكم وافين

اساتذتي لا حرمني الله منكم

بالتوفيق يا مطانيخ ،،،،

ارررررررررحب يا ناصر

صح الله لسانك

و صح الله لسان عبدالرحمن

عزالله اني استمتعت

محاورة ممتعة و خفيفه على النفس

لاهنت

__________________

لاهنت ياناصر

وعبدالرحمن

محاوره جميله

__________________

بيض الله وجيهكم وافين ,,

__________________

اخواني الله يحييكم جميعا
والله يسعدكم على الردود المشرفه والحضور الجميل
تحياتي للجميع

__________________

تشرفنا يا شرف

بحضورنا لأن معدنك نوره وأصله شريف

__________________

وافين ونتلقي على خير يابوحسين

__________________