المشاركه الأولى وليست الأخيره انشاء الله . وأرجو أن يؤخذ الترتيب بصدر رحب لاني رتبت القبائل عشوائيا وليس تفضيلا لاحد على الآخر فكل قبايل قحطان سوا في عيني

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام يا ساس العرب صلب قحطان = يهل الكرم واهل الظفر والشهامه

سيف الملاقا لا بدا كايد الشان = يوم الردي يتبع طريق السلامه

قحطان حنّا شجرة الطيب يفلان = وفلان تعني من بدت به غشامه

اللي جهل من قطّبو سبعة اركان = من ساحل الشرقي ليا اقصى تهامه

حنّا ( عبيده) مرجّحة كل ميزان = زند قحطان اللي يجلّي العسامه

حكّام فرسانٍ مداغيش ظفران = آصل نسب ياجب عليك احترامه

من عند ابن زيدان لين ابن حيدان = حكّام حقّ مكمّلينٍ تمامه

ساس الضياغم والتواريخ برهان = تجلي عماك وتخبرك بالقرامه

وحنّا (الجحادر) حاكمة كل مازان = سيفٍ على وجه القبايل وسامه

ندّر سلاطينٍ شديدين شجعان = ويكفيك ابن هادي كبير العمامه

فرسانهم سادو المعارك والاكوان = بنجد المسمّى من جنوبه لشامه

انشد ويخبرك العرب ويش قد كان = هامة صغيّرهم علت كل هامه

وحنّا (الحباب) مرزّمة كل ميدان = سقم الحريب وحف بدرٍ ويامه

عرّاف صلفينٍ مهيبين كرمان = صغيرهم في الحرب يثني حزامه

حوض المنايا مخضّعت كل شيطان = اليا لفو جمعٍ تقوم القيامه

وحنّا (ولد عمر) المسمّين سنحان = سبع العرين اللي تعلاّ مقامه

موتٍ حمر واليا اعتزو قلت بركان = وجه المعادي ينصهر من حمامه

الشيخ منهم مرجع لكل من حان = وفي ديرة الاجناب تلقا ضمامه

كم من عقيدٍ قد تدرّع بالاكفان = من وقعهم والاّ رجع بالندامه

وحنّا (شريف) معجّزة كل ديّان = اليا تنازل للخصيم الهلامه

شيخان لا قالو هل العرف شيخان = واهل الحصان اللي طويلٍ لجامه

اليا غدا للشرّ مدخل وبيبان = راس الغريم يبشّرون بصرامه

سنّد على آل دليم اذا ضعت ويبان = علمٍ عن عيونك غدت به جهامه

وحنّا (بشر بن حرب) اهل وقعة الشان = سيف الحروب اللي صعيب انثلامه

ياكم شكا الاتراك وعيال عثمان = من جمعهم لا واجهوه بعدامه

صغيرهم حكمه على فعل ولسان = وكبيرهم هيبه وعلم وفخامه

خيّالهم واليا اعتلى سرج وعنان = تقول ذا متمرّسٍ من فطامه

وحنّا (رفيده) لا ركب راسك الجان = مثل الشهاب معجّلٍ بانعدامه

رعد البنادق لا غلب كلّ دنّان = تلقا الرفيدي ما تزعزع مقامه

يركي كما يركي الجبل تحت الامزان = لو صار عج الحرب مثل الغمامه

هم منبع الحكمه رجا كل حيران = حوتٍ حكم بحر المعرفه وعامه

وحنّا رجال (آل السري) سيل الاوطان = اليا وطا دارٍ جعلها عدامه

خصيمهم منهم شكا لطم الايمان = لطمة سبع ماهيب رفّة حمامه

رح دارهم تلقا بها حيلٍ سمان = مذبوحةٍ للضيف مقدم كرامه

منهم مَعا سنحان دعوا آل حيّان = وطّو على خشم المعادي خزامه

قحطان حنّا يا مجانين قحطان = تدفع لنا كل القبايل غرامه
كل القبائل بين زودٍ ونقصان=وكلٍ وطا سوق المراجل وسامه
من نسل قحطانٍ ومن نسل عدنان=والرابح اللي طال فرقا العلامه
وفي وقتنا الحالي غدا العالم اخوان = وكلٍ كسر عن وجه الآخر سهامه

الله يديم الدين ويعز الاوطان = دام آل اخو نوره براس الزعامه[/poem]

خوي المطاليق

ظافر بن عبدالله ابن لعور



.