مارأيكم في مثل هذه الرسائل..!!!!!

بسم الله الرحمن الرحيم..


يوم من الايام جاني رساله على جوالي ومكتوب فيها:


صل على النبي ( اللهم صلي وسلم عليك يارسول الله) عشر مرات..

الى حد هنا مافيه مشكله..

البلا يوم اني نزلت بالسهم تحت الا واخونا فالله المرسل كاتب::

واللـــــــــــــــــه يجعلها في ذمتك الى يوم الدين ان ترسلها ل100 واحد..

تراني قلت في ذمتك..!!!!!!!!!

لاتخلى الاجر يتوقف عندك..

بالله وش رايكم يالربع..؟؟

من الناحيه الدينيه؟؟

ومن الناحيه الدنيويه؟؟

طيب ياخي فرضا اللي توصله الرساله كحيااااااااااااان ومنتتتتتتتتف وحطيتها بذمته الين يموت..!!!!!

وش تبيه يسوي الضعييييف..

جعلها ماتجيكم يالربع...!!!!!!!!!!

حبيت اطرح الموضوع للرأي العام..وسلامتكم جميع.

__________________

هؤلاء --مهلوسين --ولايفيدون --لا الدين ولا الوطن --والسجون والمستشفيات النفسيه مملوءه منهم

يعطيك العافيه

تحياتي

__________________
أبشرب من دلتك لو كلها سم .. ما أهز فنجانك و لا أقول كافي

دامها من يمناك و تقول لي سم.0. بسم الله أشرب كل سمك عوافي

من الناحية الدينية : ............. امسح الرسالة من جوالك

من الناحية الدنيوية : .................. امسح راعيها

بسم الله الرحمن الرحيم
السلام عليكم ورحمة الله وبركاته

مرتاح البال ومبارك بن راشد..

الله يحيييكم ويعطيكم العافيه على مروركم الطيب..

__________________

ارحب يالرفيدي

صدقت مثل هذي الرسايل تجي للواحد وتطلب منه نشرها

لكن مسألة 100 مرة ......أشوفها كثير...؟؟؟؟

ومن أرسلها يريد التعجيز.....ولايريد الأجر

أنت مخير..؟؟

وأشوف إنك تكلمه أو ترسل له رسالة نصح أن لايرسل مثل تلك الرسايل وأبواب الأجر والخير كثيرة وليست محصورة

في هذه الرسائل.

والله ياعبدالعزيز إني أشك في شركة الإتصالات لأنها المستفيد الوحيد من هذه الرسائل ....وسلامتك

أخوك / مقبل السحيمي

بسم الله الرحمن الرحيم
السلام عليكم ورحمة الله وبركاته


تبقى وتسلم يامقبل

ارحب ملايييين

اولا اشكرك على مرورك الكريم

والشي الثاني

والله لاتستبعد في هالزمن كل شي جايز..

الله يعطيك العافيه..

تقبل تحياتي..يالغالي..

__________________

اذا قال جعلها في ذمتك بقوله الا جعلها في سلة المهملات

من بغى يصلي على النبي يصلي عليه زي ماهو يبغى الدعوه مهيب تنشيب

وسلامتكم

__________________

أشكر الزميل SAAD على التوقيــع

وعليكم السلام ورحمة الله وبركاته

تحياتي يابو طالع

الظاهر انه يوجد فتوى والله أعلم

__________________

أجمل شي في ألانسان قلب صافي يدعو لك

يا سمي ..

أنا مع الأخون في أن الاتصالات لها يد في ذلك ...

وعن قوله في ذمتك ...

فقل حسبي الله عليه ..

وهو بذلك يكلفك فوق طاقتك ... ولو أرسلتها لكان ذلك رغما عنك ..

وهو يريد الأجر ولن يحصل له ذلك لأنه أكره الناس على غير ما يحبون ..

لاهنت يا ذيب ...

__________________

أسلوب غير جيد في الدعوة إلى الله

__________________