الــفــارس بركي بن مزيد آل تواه الهــــاجري وقصــتة مع آل مرة

مهما ذكرنا من افعال فرساننا فحنا مقصرين ولا يحتاج اطول المقدمه عليكم لاني مهما قلت ماراح اذكر الا القليل من

فعل الفارس ولن اوفي مهما طولت بذكر افعاله .................

هو الفارس بركي بن مزيد ال تواه الهاجري راعي المعطا ..... كان قصير القامه كثيف الشعر ويعرفه

من يشوفه ويشهد لفعله قضى حياته بالغزو ومساعدت ربعه على المغازي واسترداد حلالهم ونذكر احد قصص العقيد

والعذر اذا فيه تقصير ولا غلط في احد اطراف القصه....

سنه من السنين كان فيه هاجري قصير لاحد رجال ال مره وتعاهد هو والمري على الصلح وعدم غزو احدهم للاخر ولا

يذهب احدهم مع قبيلته ضد قبيلة الثاني وكان للمري ولد اسمه حمد وصادف احد الايام ان قبيلة ال مره تتجهز لغزو بني

بني هاجر وتستدعي فرسانها وابنائها للغزو وقام المري الولد وشد على فرسه وحط عليها بندقه الا الهاجري يشوف

وقام وراح لهم قال عسى ماشر وش الموضوع قال الشايب انا وانت على عهدنا وخوتنا اما ذا مري وبيروح مع ال مره

بصره قال الهاجري عند خشمه وعود وسارو ال مره لبني هاجر وكان معهم العقيد المعروف ابن مقارح وكان يشجع

الشباب ويقولهم قصص الفرسان يبي يحفزهم للمعركه وقاله حمد ياعمي ابن مقارح قاله سم قال اريتك الذل ايشهو قايل

ولا وش لونه انا ماعرفه ولاقد مر علي يستهزئ وخبركم الشباب وغروره قاله ابن مقارح بكره الا حولنا على المحلف

وشافوك لابس مجوخ وعلى فرس صفرا بيتنصاك شايب وجهه شين وغزله واجد يقصد شعره كثير ويقصد هنا العقيد

بركي ابن مزيد وبيقول هذا عقيد القوم ولا شيخهم اما صملت وقتلك ولا طقيت وعرفت الذل والوعد باكر يوم اقبلوا على

بني هاجر وشافه بركي صار اللي قاله ابن مقارح تنصاه وخر المري يمين يسار الا الرجال ناصيه ويطق ويرميه بركي

بالشلفا الا هو مصوبه في رقبته ولا قدرت فرس بركي تلحق فرسهه هي كبيره وفرس المري شبب ونشيط وزبنت راعيها

وكسروا بني هاجر ال مره ويوم عودوا شافه ابن مقارح قاله جاك الشايب اللي انا قلت قال ايبالله ياعمي وصار اللي

قلت قال عرفت الذل قال شفته بعينه وعود لهله ولول مابه علاجات ولا ادويه قعدوا يصبون كحل على الجرح وقام يون

وسمعه الهاجري قصيرهم وجاه قاله انا قد قلتلك عند خشمك ياحمد .......
.................................................. .................................................. .................................................. ...................

في احد الغزوات انكسرت ايد بركي ويوم خلصت الهيه عود لهله قامت بنته تبكي على ابوها قال لاتبيكن يبوس

ايدي ذي اللي قد جلدته بها ثلاثين لحيه(يعني ثلاثين رجال)

رحم الله الفارس بركي بن مزيد وغفر له

اررررررررررررررررررررررررررررررحب...


لاهنت على القصه ونعم بربعنا بني هاجر ونعم بال مره والله يرحم بركي بن مزيد وجميع اموات المسلمين وتستاهل السمعه..


تقبل مروري..

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

لا هنت وبيض الله وجهك وقصته ناموس لقحطان كافه

والله يغفر له ويرحمه واموات المسلمين

تحياتي000000اخوك

بيض الله وجهك على إيراد هذه السالفه ..

والله يرحمهم رحمة واسعة ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

البـــــــــــــــــــقـــــــــــاااااا يا السويدااااااني مرحبا بك وماعليك زود ياوجه قحطان شكرا على المرور الجميل

ولانت ووجهك ما يشين

ووجهك أبيــــــض يابن نملااااااان نـــــــتورت الصفحة يا كبيـــــــر

ونعم والله بصبيان بني هاجر كعام المعادين وأكيد ما أتعب صبيان محلف الا انتم يالهواجر والله انكم كفو

__________________

بيض الله وجهك يالهاجري على هذه القصة الطيبة لاحد فرسان بني هاجر وقحطان بركي بن مزيد ولا شك أن تاريخ ربعنا بني هاجر مشرف وينومس قحطان .

وكما تعرف أن بركي بن مزيد يجمع بين الشعر والفروسية وانا بصدد جمع قصائده أن أمكن ومنها :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامن يبشرني عسى الضد حارب=وعسى البرا من عقب الاصلاح مردود
لما لحقنا مقلمين الشوارب=يجب على أن أروي السيف والعود
من فوق صفرى للمنايا تقارب=ان أبتعدت منهم فهذاك منقود[/poem]

انظر المزيد عن فارسنا في كتابنا السيف والسنان عند فرسان قبائل قحطان ص193 .


وتقبل مروري

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

الشاعر بركي بن مزيد

من آل تواه ، عاش ف يالقرن الربع عشر له قصائد كثيرة في مدح قبيلته وهذه ابيات أرسلها إلى بني هاجر عندما سمع ان إحدى القبائل تريد أن تغزوهم فقال:

يا نديبي ترحـل فـوق حايـل
فوق واجنن ردومن عيد هيـه
تسرح الصبح من جو القلايـل
والعصر بك مع خشـم الوزيـه
صوب اخوه صافيه ذرب الفعايل
عيد أهل هجنن مزاهبهم خليـه
ثـم قلـه لا يجينـا بالدغايـل
لا يطاوع من أشـواره رديـه
ما خبر يـوم جانـا بالشلايـل
وابـن هدفـه يقزيهـم جنيـه
وابن حثلين بالمظهور صايـل
والرعد بينهـم نقـزة ضحيـة
ثم جعلنا على قومـه سحايـل
يشبع الذيـب وينـادي خويـه
حن بني هاجر من عصر وايل
مثل درعـن حصيـن للهويـة


منقول