بيض الله وجه أبوي اللي عرف يختار خالي

المشاركة الأصلية كتبت بواسطة علي البورعي

هذه القصيدة مدح في خالي
الشيخ/علي بن قليل الحبابي
عندما وقف دون خويه
وحصلت هذه القصه عام 1420هــ
وصارت معروفه ومشهوره على
مستوى المنطقه الجنوبيه.
0000000
[poem=font="Simplified Arabic,4,white,bold,normal" bkcolor="transparent" bkimage="backgrounds/3.gif" border="none,4,gray" type=2 line=1 align=center use=sp num="0,black"]
ياالله اني طالبك براق ليل في رفيه=ينتثر وبله على العرقين من جال(ن) لجالي
ديرة(ن)فيها كريم الوجه راعي الحضرميه=راعي الوقفات يوم الضيق حماي التوالي
ياقصيدي هاتها عز وفخر والا حميه=هاتها الى هاتها الى هاتها والقلب سالي
والقصيد اللي يجي من دون فعل ودون هيه=مثل من ياردعلى جال البحر ويقول حالي
هاتهافي اللي نهار الضيق يمنع عن خويه=ساعة(ن)فيها يبان الفعل وتبان الرجالي
ساعة(ن)ماعاد ينفع لا كلام أولا وصيه=غير تبغى وقفة(ن)يرخص لها ماكان غالي
ياتوقف لرصاص ونيتك بالعز نيه=ياتخلي رفق جنبك ينذبح والعلم تالي
نشهد أنها ساعة(ن)ماهي سلام أولا تحيه= غير تبغى وقفة(ن) من دونا بيض السلالي
ياهنوف الصيد يابنت السيوف الصيرميه=غطرفي للي رمى باالروح من دون المصالي
ذاك أبوضافر رفيع الراس راعي المقدريه=لعنبو كل القصيد أن كان مايفخر بخالي
أيه خالي وفتخر ضلع(ن)مراقيبه مديه=تفتخر كل (الحباب) أبفعل حماي التوالي
عادة(ن)فينا الخوي ناقف معه وشمس حيه=ننثني دونه ليا صار الفشق مثل المخالي
بو قليل والله أن حتى الحروف الأبجديه=درهمت مثل الركاب اللي سرت والجو خالي
في عجبك أسوقها ونثر ملفات القضيه=والقضيه يفتخر فيها كريمين السبالي
والله أنك تستحق الفخر وعلومك وفيه=ثبت التاريخ فعلك مثل أبو زيد الهلالي
كل مجلس تقلطه حق(ن)تصب الشاذليه=لك ومثلك من رجال الطيب وافين الفعالي
بيض الله وجه أبوك اللي تخير له صبيه=لين جابت فرخ شيهان شلع من راس عالي
ياهل الطلات ياهل الطيب له حق(ن)عليه=أمدحه مادمت أنا شاعر ولي صيت(ن) مثالي
نحمدالله يوم هو خالي وأنا برضه سميّه= وبيض الله وجه أبوي اللي عرف يختار خالي
******[/poem]وسلامة الجميع