((أنا من ورا أبها ))............قصيده لشاعر عبدالله ابن شايق

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أنا من ورا أبها بين ساحل و بين أهضاب = أسوق الركايب بين وديان وا جبالي
ليا جاء عقب العصر عديت با المرقاب= أغني على السمحوب و آجر موالي
قعدت أتذكر يا سعد ربعنا الغياب = و أنا دارين ما مر الأول وطا التالي
لو أحاول ما مضا و أدرك الأسباب = أنا شايفن القلب ما هوب متشالي
أضيع دليل الراي و اخطي طريق الباب = ولا عاد أفكر في خروجي و مدخالي
وأسامر سواد الليل و نجومة السكاب= و أسولف على نفسي وانافي الخلاالخالي
هواجيس نفسي با الدقيقة تجيها أسراب= و أنا ما خبرت العين تبكي على الخالي
الا يا سعد مر الجعيثن وعطة أكتاب = تكرم و سلم سيد الشعر مرسالي
أبا لقبة سيد الشعر سيد الأدااب = أديب الأدب يوم أكثر الناس جهالي
يخاطب رجال العلم ويدرس الطلاب = موازيين شعر و لشعاعير مكيالي
قصيدة عجيب ومعجبن فية أشد أعجاب =وهو شاعر با الشعر تضرب بة امثالي
ولة مجلسن ما حط دونة ذرا و احجاب =مداخن و عود أزرق و كيفات و دلالي
وقلة ترا دنيا أبن شايق شقا و اتعاب = عقب ما فقد ربعن لهم صيت و أفعالي
فقد التواضع و التراحيب و الأداب =وفقدت الثقة من يوم فارقت الأبطالي
قرانيس حرن يشهر الكف و المخلاب = حرارن تخلي صافي الدم شلالي
حرارن هدفها خفة النفس و الرحاب = عليها عيوني دمعها يهمل اهمالي
ولا قد طاح بيتن باقي لة عمد و اطناب= بيوت المعزة عز في كل الأحوالي
أقولة صحيح و حاسبن للرجال أحساب =و انا عارفن منزال غيري و منزالي
الأجواد واجد و المرجال لها كساب =لكن واعد العشرة ليا صرت جمالي
يطير الشرار و كل نارن لها شباب = و من ولع النيران يصبر على الصالي
تجارب حياتي معجزة و الدروب أصعاب =لقيت الرجال أنواع والوان و أشكالي
صديق الشدايد من خذا منك علم و جاب=وسيع الصدر يضحك ولاهوب زعالي
وصديق الشدايد ما ينافق ولا يغتاب = يدلة غريب الدار و يزبن الجالي
و صديق الرخا عقاب و مصادقة عقاب= شجاع الحكي والمدح با القيل و القالي
وصديق الرخا ما غير صورة و لبس ثياب = يا ليتة يبرقع مالة شماغ و عقالي
وعندي نصيحة جد ما قلتها لعاب = أقولة صحيح و نايم القلب يصحا لي
ترا خوة أهل الطيب يا الطيبين أطباب= يطيب السقيم و خوة اللاش سلالي
تغانم شبابك يا أبيض الوجة دامك شاب=ترا البدر لو يطلع قمر عود أهلالي
ولا تهجر المسجد وخلك ورا لمحراب=ترا روضة المسجد لها منزلن عالي
ولا تترك اللي يزهمك خايفن مرتاب= ترا الذل ما نجى الثعل با التحيالي
ولا للندا غير الفدا لو تروح أرقاب =و هيبتك لا تنقص ولا ربع مثقالي
فلا كل رامين طرح شارتة مضراب=ولا كل من قال أركب الخيل خيالي
ولا كل غايب يا سعد نفقدة لا غاب= ولا كل رجالن يعوضك برجالي
سقا الله زمانن فية للطيبين أطباب = وسقا الله مكانن فية لرسومهم تالي
أحب التراب اللي مشوا لو أنة أتراب= و أمر المكان اللي لهم فية منزالي
حياتي بعدهم مثل سعدون عقب عقاب = حياتي بعدهم عندي أرخص من ريالي[/poem]