(بشروني)والجائزه 10,000ريال

نسال الله العلي القدير ان يعود خادم الحرمين الشريفين الى بلاده وشعبه سالما معافى وان يديمه ذخرا لنا وعزا لبلادنا وسندا للاسلام والمسلمين .

وهذه القصيدة رسالة وفاء لملك القلوب من شعبة الوفي .

واطرحها هنا كمسابقة للمنشدين علما بان بحر هذه القصيدة له شفره خاصة واي منشد يستطيع انشاد هذه القصيدة سوف يكافاء بجائزة نقدية مقدارها (10.000) والمجال مفتوح للجميع.

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

بشروني ويش حال ابوي ابو متعب ملكنا الغالي= جعل تفداه العمار وكل ما نملك عساه فدى له
يابو متعب ياسنام المجد يارجم شموخه عالي= شعبك الوافي يقول الله لا يحرمنا ذراه وظله
في غيابك غابت الفرحه وليل اللي تحرا طالي=والحزن في غيبتك خيم على الشعب السعودي كله
كل شي صار طعمه مر بغيابك لوانه حالي=وفي غيابك مانبي حتى مجالسنا وكيف الدله
عايشين نفي كد واحزان وهمومٍ وضيقة بالي=غيبتك حمل على شعبك ثقيلٍ ما استطاع يشله
اه ياعبرة فراق دمعها مثل المطر همالي=والله ان فرقاك هم الشعب وان شوفتك تبري العله
نبتهل لله في الثلث الاخير ونرتجي المتعالي= نحمد الله والثناء له والشكر له والسجود ارضا له
ندعي الله يحفظك ياسيدي في الحل والترحالي=كل شعبك رددوها يالله احفظ عزنا واسنادنا عبدالله
المليك العادل اللي حكمته تضربها الامثالي= مثل نجم الجدي في عرض السماء واللي يتيه يدله
في سبيل اسعاد شعبه والله انه ما ذخر مثقالي=من وفاه وحبه لشعبه بمدات الوفاء مرهله
والله انه للمواطن والوطن درع وذرا وظلالي=ومن غلاه وحشمته نبض الخوافق سيدي محتله
في شموخه للوطن هيبه وقوله تثبته الافعالي=سيدي فيه المزايا الطيبه طبع ووفاء وجبله
سطر التاريخ الاول مجد ابو متعب ومجد تالي=يوم طمن في نهار العيد شعبه حي ذيك الطله
قال انا في خير دام الشعب عايش باحسن الاحوالي=لله دره من مليك يستحق نقدره نمجده ونجله
بشروني ويش حال ابوي ابو متعب ملكنا الغالي= جعل تفداه العمار وكل ما نملك عساه فدى له[/poem]

صباح الخير اخوي سعيد لك رساله على الخاص على
شبكة ال ابوديه

ارحب ياسعيد ولاهنت عزالله لو ان صوتي زين اني لااغنيها بلاش

صح لسانك يابو ديه

__________________

صح لسانك وبيض الله وجهك ياشاعرنا سعيد ابو ديه قصيده وافيه

الله يرد ابو متعب بالسلامه , تحياتي

صح الله السانك يابو مبارك مدد بلا عدد ..

جزل يا القرم ..

وعلى قولة ابو محسن لو ان صوت يساعد وفرنا وخدمنا ..

تقبل مروري نفدآك ..

__________________

من الصبح احاول اركب عليها لحون وماتركب

صح الله لسانك يا سعيد

أبو عبد الهادي والله العظيم انك وافي ومن وافين والمطلق الي شرواك ميجي من صوبه الا الطيب .
قصيدة ضافيه وافيه ذهبت لمن يستحقها كيف لا وهي في ملك القلوب

__________________

--------------------------------------------------------------------------------
ارحب يا بو عبدالهادي
قصيدة جزله من رجالٍ جزل صح لسانك وعلا شانك

__________________