الفارس الشيخ / علي بن محمد بن هويج (( ابن مايقه )) أل حثيث الحبابي القحطاني

بسم الله الرحمن الرحيم

السلام عليكم ورحمة الله وبركاته

هذي نبذه مختصره عن جدي الفارس الشيخ شيخ الحباب في قطر الله يرحمه ايام حياته علي بن مايقه الحبابي



هو الشيخ الفارس / علي بن محمد بن هويج بن مفرح بن سالم بن مايق بن حثيث بن سويلم بن شامر بن محمد بن هويج

ويرجع إلى فخيذة الهوجه من الحباب والحباب أحد فروع قبيلة قحطان ولقد أشتهر بلقب ( بن مايقه) فهو ليس بالرجل

اللبسيط بل هو من أؤلئك الرجال الذين صقلتهم حوادث الأيام وتعرضضو لحلوها ومرها ولقد سبق أن غزاء ونزاء وشارك

وعارك وله العديد من الفعايل مع العديد من الرجال مثل قصة دوحان عندما اعاد له حلاله ولقد حظر وقعة (( الوادي

الأسود )) (( وهية نجران )) المعروفه وكان له الصنيع الابرز فيها فلقد أنقذ ربعه فيها وحظر وقعة ((الخواطر)) بين أل بو

فلاح والخواطر .. وهو الذي أخذ ثار الفارس المشهور شديد بن مرعية أخو الفارس/مبارك بن مرعية ولديه العديد من

الغزوات سنوردها لاحقا.. ولقد عاصر العديد من الحكام في عصره مثل الأمير ابن جلوي وعلاقته كانت قويه معه وكان

وجيه قبيلة الحباب لديه وقد أعتق العديد من الرقاب التي حل عليها القصاص عند ابن جلوي .. ولقد كان للشيخ / علي بن

مايقه علاقه وطيدة وقوية كذلك مع الشيخ / حمد بن عبدالله بن جاسم أل ثاني فلقد كان يرسله الشيخ / حمد بن عبدالله

بن جاسم أل ثاني في العديد من المهمات الصعبه فلقد أرسله لبعض شيوخ الامارات والى ساحل عمان فكانت هناك

مشاكل لا يجب ذكرها الان وكان الشيخ / علي بن مايقه بمثابة سفير من ابن ثاني لال بوفلاح وكذلك كان مقرب من

الشيخ / زايد بن سلطان ال نهيان رحمة الله وقد طلب منه الحضور لدولةالامارات والمكوث فيها ولكنه رفض .. ولقد كان

يصلح بين القبايل فقد سن في فرض عند قبيلة عبيدة قحطان الفرض المعروف الذي يسمى حاليا لدى قبيلة عبيدة

(( فرض ابن مايقه )) حتى الان .. وكان رحمه الله تقيا يخاف الله ويوصي بالتواضع قائلا : من تواضع لله درجه واحده رفعه

الله درجات كثيرة وكان يكره الغرور ويقول (( احذروا مزلق الردى وكان رحمه الله شاعر من الطراز الاول ولقد كان يفعل

الخير ...

اما عن منصبه الاجتماعي فهو امير قبيلة الحباب في دولة قطر ولديه من الاخوان اثنان وهم الفارس الشيخ / حمير بن

فارس والفارس /محمد بن فارس وهم اخوان من الام

وكان لديه قصيدة مشهورة وهي في الفخر :


هاضني بالقــول خبــوش الــرخم = حطنا ضان نهير في ضياح


وحن نعشي الذيب سودان الجمم= ننزع العدات ونجيب اللقاح


من عمان الى الحجا ز الى القعم = نلتطم كن حن حرار في فياح


هجمة الحراب ناخذها شمم = ثم نشعاها على سيق صحاح



وانا سوف اختصر لكم غزواته في قصيدة ابنه الشيخ / حامد بن مايقه وهي يذكر فيها بعض فرسان وشيوخ قبيلة (آل

حثيث) وهي ::


أعوذ بالرحمن مـن كـل شيطـان = ألوذ بـه واتبـع مناهـج سبيلـه

ألوذ به من شر عبثات الأضغـان=وأرغب رضاه وطاعته واهتدي له

نخضع لفضله بالمشاعر والأديـان=ونفوسنـا لـه بالعبـاده ذليـلـه

نسلك سبيل إللي على خمسة أركان=امنت باللـي نزلـه وانتمـي لـه

اجل وافضل دين من كل الاديـان=دين الفضيلـه واجتنـاب الرذيلـه

من فاز بالتوحيد واركان الايمـان=يبشر بجنات الغـروس الضليلـة

والله خلق الانسان له عقل ولسـان=سبحان من فصل مفاصل رجيلـة

والله جعل له سمع وعيون واسنـان=ولا تـرك لـه حاجـة مستحيلـه

كون وشكل لون الانسان والجـان=والخلـق كلـه مجـال وسليـلـه

امنت بالرحمن فـي كـل ماكـان=ابدا بذكره وانتهـي وانثنـي لـه

واليـوم جانـي بالتماثيـل قيفـان=من شاعر ٍطـرش علينـا وكيلـه

مثايـلٍ فيهـا جزيـلات وسمـان=تبعـد هواجيـس القلـوب الغليلـه

ياطارشي من عندنا فـوق سيـدان=بنزً من المصنـع جديـدٍ موديلـه

أسبق من الشيهان لا شاف حفـان=فرخٍ عرف صيد الحباري فصيلـه

أسرحه مـن عندنـا قبـل الاذان=وقت الضحى طاف الرويس ونخيله

ينصى ربوع العين وبلاد الاعيـان=دار المها ذات الخصـور النحيلـه

سلم على غيدان من غيـر حقـران=لربوعنا الباقين من صـف جيلـه

ودي يابو مرزوق ما قول غلطـان=مالـك اتخلـي مقحميـن الدبيلـه

وراك ياغيـدان تنسـى علـيـان=عوق الخصيم وستر بيت الحليلـه

أول شبابه ثار مـن عقـب قـذان=بمشوكٍ يشظـى العظـام الجليلـه

والسبعة اللي فكهـم يـوم نجـران=حول على اللـي يشتغـل بالفتيلـه

طقه براس مشـوكٍ فيـه دخـان=خلا نخاعـه ينتثـر فـي شليلـه

من عقبها خلى مداهيـل قحطـان=عود على غـارب ذلولـه شعيلـه

وعمان زاره فوق زينات الاقـران=ركايـب ينقـل عليهـا صميلـه

ونصر شديد يوم زوغات الاذهـان=من صوبه هالـوا عليـه النثيلـه

وعود لاخو رزنه على بنت ظبيان=شرق من اللي ياسمـون الدخيلـه

واعتق كفوف اثنين وافتك دوحـان=يوم الحسا من سجن راع الكحيلـه

هـذي فعايـل والـدي ياقهيـدان=لا عنك هاك العود مافيـه حيلـه

اخط الخطا ياشوق سحاب الاردان=تنسـى مفرقـة الخليـل وخليلـه

وحمير لطام العدا وبـن صوفـان=ونسيت اخو شعفه وراعي مطيلـه

أنا معك هامان وخصـام سربـان=نار علـى كبـد المعـادي مليلـه

وربوعنا اللي غيرهم تذبح الضـان=كـل يزاحـم بالمراجـل زميلـه

وباقي الرجال رجال وفحول نسوان=والطيب طلاب المراجـل يشيلـه

والهرج له ميدان والصدق ميـزان=وبرق نزح مرعـاه لا تستخيلـه

وأناعلى ماقيـل مانـي بعجـزان=اقرا قرار المنبطـح واحبـي لـه

والخيل ماتقبض بلا لجـم وعنـان=والسيل يجري في مجـر المسيلـه

وسفينة تجري مـع غيـر ربـان=خطر عليهـا بالغـرق والفشيلـه

من دون ذا حنا بني عـم واخـوان=من شك في ربعه عسى الله يزيلـه

يالشاعـر اللـي بالتماثيـل فنـان=ذكرتنـا ذاك الزمـان ورعيـلـه

واليوم زاد الخير والبنـك خـزان=من صادها حط الرطب في زبيلـه

اسهم وهم وطارد المـال خسـران=تغيرت بعـض النفـوس الهبيلـه

زاد الفساد وقالوا حقـوق الانسـان=تفرض على العاقل يراقب عديلـه

ماقـل دل ومثـل ماقـال راكـان=لو كان صعبات المعاني عضيلـه


===============================================


وأخوه الفارس / محمد بن فارس ال حثيث الحبابي ويمدحه الشاعر / راشد بن مشعاب المري في هذه الابيات :

من نديبي فوق مهضعة الرقابي === فوق هجن لا مشت تهضع رقابه

تطوي البيدا كما طي الكتابي === شيخ علم لا قرا يطوي كتابه

او كما الكنان في طي الخرابي === مثل كنان طوى باقي خرابه

فوقها الما والدليله والزهابي === فوقها كل ابلج كثر زهابه

احمد الله فوقها قرم احبابي === كل ما طال المدى كثرو احبابه

يا ابن فارس ياضميدي سرهابي === سرها واللي تكاود سرها به

================================================== ===


وأخوه الفارس المشهور / حمير بن فارس ال حثيث الحبابي وقصيدته المشهورة :



قال الحبابـي بـادي راس مرقـب =فـي راس حالـول بعينـه يخايـل


هني غـران بعـد فـي مهودهـم =وكبودهـم مـادب فيهـا مـلايـل


ولا ميزوا كثر الخطايا مـن القـدا =ولا ميزوا نوم مـن العيـن زايـل


وانا هاضني يا شيخ من سيف كلمة =فـي قولتـه حنـا هتـوم القبايـل


وحنا حـرار كـل دار زمـت لهـا = صيدها سمان ما تصيـد الهزايـل


والله لـو كنـا ثمانيـن واحــد(ن) = حن نخدمهم بضـرب السلايـل


وحنـا تركنـاهـم وبالله وزيـنـا= الشيخ ابو طحنون وافي الخصايـل


أهل بيـوت ركـزت فـي زبـاره =وأهل السبايـا مدبـة كـل عايـل


يا شيخ انا طالبك بالهجـن سابـق = حمـرا ... مـن كبـار الثمـايـل


عطيتها يـا شيـخ فأقـول تسلـم = من قبلها تعطي المهـار الاصايـل


واللـي يهيضنـي ديـاري بعيـده = من دونهـا تبـرك ردوم الرحايـل


كم دونهـم عـد صراتـه شربتـه = فيه القطا شربه مـن المـا قلايـل


وكم دونهـم مـن خبـة جرهديـه = فيها الظبي هو والوضيحي خلايـل


يفـز قلبـي لا ذكـرت عهودهـم = فز المحبب مـن خشـوم الفتايـل



وسلامتكم

اررررحب يا وجه عبدالله

الله يرحم الشيخ الفارس ابن مايقه ويرحم اموات المسلمين اجمعين

مشاركه جميله عن حياة الفارس المعروف ابن مايقه

تحياتي

__________________

البقاااااااااااااااااااا ياوجه عبدالله لاهنت على مرورك وشرفني مرورك

وانتوا ياعيال عمنا الجحادر والله ان حن نفتخر بكم وجميع قبايل قحطااااااااااااااان

تسلم ياخالد على هذه المشاركة

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

العفو ولاهنت على مرورك يابوشداد

لاهنت يا ابن حمير

والله يعطيك العافية

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ومن يقول تسلم يامشاري على مرورك

ووووونعم الفرسان

مرحبا بطاري ربعنا الهوجه

لاهنت يا بن حمير على طرح هذه النبذه الرائعه

عن فارس الحباب : علي بن مايقة الحبابي

__________________
[frame="10 80"][poem font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لي لابة حولتهم من تهامه=سلاحهم صنع الفرنجي والأورام
حنا كما سيل يطم العدامه=حول على طاش البحر له تلطام
كم شيخ قوم مطلقين حزامه=من عقب لبس الجوخ قدوا له الخام


[/poem] الشيخ/ محمد بن هادي بن قرمله [/frame]

ارحب ياوجة عبدالله

لاهنت وبيض الله وجهك على تسليطك الضوء على الشيخ الفارس علي بن محمد بن مايقة رحمة الله

وربعنا الحباب كفوا .. علمهم يرفع الراس

تقبل تحياتي

حسن بن مرعي الجابري

الضويري


ارحبوا وماعليكم زود ياذياااااابه