وصلني على الاميل وحبيت انقله لكم

الاحداث هاليومين سياسيه بحته
وأهل المحاوره ما يخلون شي الا تدخلوا فيه
طاروق مركب على الرئيسين المخلوعين
صح لسان من قام بذلك
راقت لي كثيرا فقمت بنقلها


حسني مبارك

ياطر جيبي وانا حسني مبارك
الله يصيبك يازيـن العابدينـا
ولعت لك نار وأحرقنا شرارك
وايقضت شعبٍ من اول نايمينا


زين العابدين

يوم انت في دولتك قل اعتبارك
لاتلقي اللوم ياحسنـي علينـا
ان طعتني قبل مايكثر حصارك
أهرب لانامت عيون الحاسدينا


حسني مبارك

ماني بمثلك تجلا مـن ديـارك
الله يعـافـيـك ولا يبتلـيـنـا
هجيت في الليل مدري في نهارك
وتخلي الـدار والحكـم الثمينـا

زين العابدين

لابد تصفق على اليمنى يسـارك
محاصرٍ من يسار ومـن يمينـا
تبغى النصر وانت يابعد أنتصارك
مير أنهزم جعل فالـك مايزينـا

حسني مبارك

احجز لنا غرفتينٍ في جوارك
في شقتك وأعتبرنا واصلينا
بنودع الدار ونسير بمسارك
مادامنا يالسنافـي سالمينـا

زين العابدين


الله يحييـك وانـا بانتظـارك
اللاحق أنتم وحنـا السابقينـا
وكرامتك حين تلفي عند جارك
بطه وديكٍ من المطعم سمينـا