شواهد المجد العريق

اعضاء شبكة قحطان الاوفياء


اعتذر عن انقطاعي الفترة الماضية ... وهذه القصيدة للتواصل


[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
البعد والفرقا على مر الأيام=من سنة الدنيا ولا هي غريبة
الايام دوّارة ولظروفها احكام=والانسان ما يكتب له الا نصيبه
وبعد القلوب اشد من بعد الأجسام=بعض القلوب شتات لو هي قريبة
وبعض القلوب يقودها الود بإخطام=طرقٍ على خشوم الظروف الصعيبة
لو بعدها بعد اليمن عن قرى الشام=من بينها جسور المحبة قطيبة
شرع القلوب البيض من ماض الاعوام=دايم وعرق الطيب ينبض بطيبه
واهل الوفا لاهل الوفا دايم حشام=من خلقت آدم لين يفنون صيبه
في بعضهم ما همهم لوم لوّام=لو كلٍ اله اسمٍ واصل يعتزيبه
ذا من ضنا حام وهذا من ضنا سام=من بينهم قدر النفوس النجيبة
وشلون لو انهم قرابات وارحام=من يجهل شعور القريب لقريبه
قدر وغلا والدم والعرق لزّام=واخوان في الثنتين ما فيه ريبه
اخوةٍ في الاصل واخوة اسلام=هي راس مال اهل الاصول العريبه
وحنا ضنا عودٍ ثرى الارض له ضامّ=لعل مثواه الجنان الرحيبة
عاش وخذا قسمه من خيار الاقسام=وورّث لنا مجدٍ ما زال انهنيبه
ورحل من الدنيا بعد ما ارّث اقوام=قبايلٍ مثل البحور المهيبة
سجوا ثرى شبه الجزيرة بالأقدام=وكل(ن) يهمّه شانه ومشتقيبه
ويدّور لرزقه وفي سيره اهمام=دوّارت اللي غاديٍ له ذهيبة
وان حل في دارٍ وحظه بها قام=تريّح ونزّل شداد النجيبة
وعيّن من الله خير وارتاح واقام=واللي من الله كاتبٍ له رضيبه
وخلّف حرارٍ له معاضيد وحزام=ربوا على عز ومعزه وهيبه
عاشوا بعز وماتوا بعز واكرام=يوم الردي لا ما انفقد ما دريبه
وتوالت الاجيال والخير دوّام=مثل الغروس اللي بالارض الخصيبة
وحنا امتداد اجيال وافين الاذمام=منهاجهم نفخر به ونقتديبه
في كل شبر من الوطن عزّنا دام=(شواهد المجد العريق) تحكي به
وارض الجنوب لمجدنا فيه مرسام=ومنزالنا في نجد راس الرقيبة
جينا واخذنا حقنا وافي وتام=بمواقف(ن) راس الغليّم تشيبه
وعزوم ومصامخ طحاطيح وزحام=ما هو بحب خشوم والا طليبة
صحيح كان الظلم سايد والاوهام=ووقتٍ ظلام الجهل به يندعيبه
حتى شلع نور الفرج ستر الاظلام=ومن الشمال الشرقي اقبل نديبه
بشاير الرفعة مع حكم الامام=عبدالعزيز اللي عسى الله يثيبه
زال الظلام وسيّر الركب قدّام=وحكّم بشرع الله وسنة حبيبه
ولم الشمل والتمت قلوب الاخصام=وساد العدل والظلم عوّد بخيبة
وتوحدت دار الشريعة والاسلام=امن الخليج الين مكة وطيبة
ومن تبوك وما ورى حدها شام=ما رده الخالي وحقل أبو شيبة
وتحولت للواقع آمال وأحلام=وأقفت حناديس الظلام العصيبة
واليوم حنا في رغد عيش وانعام=بفضل من لا يعلم الناس غيبه
وفي ظل حكّام(ن) ما هم بأي حكّام=هم سيفنا اللي في اللقا نحتسيبه
إخوان نورة غدة الضد لا زام=سور البلد من دون طمعة حريبه
ويعيش ابو متعب عسى ايامه اعوام=ولعل ثوب العافية يكتسي به
وجميعنا لأرض الحرمين خدّام=نموت ما نرضى عليها غليبة
وتبت يدين اللي نواها بالإجرام=اللي نسى ثديٍ رضع من حليبه
ما هوب منّا كل خوّان واخمام=ولا له مكان(ن) بيننا وش نبي به
وصل الله وسلم على سيد الأنام=اخير ما نبدابه وننتهي به[/poem]

__________________

الاخ زيد

السلام عليكم ورحمة الله وبركاته

حضور مميز وقصيده جزله

يصعب ان تختار بيت عن ابيات..صح لسانك

وشلون لو انهـم قرابـات وارحـام = من يجهل شعـور القريـب لقريبـه
قـدر وغـلا والـدم والعـرق لـزّام = واخوان في الثنتين مـا فيـه ريبـه

الله الله يا ابن جليغم

صح الله لسانك على هالشامخه واعتلاء شانك وعلى الاخرى عانك


سجل اعجابي بهالقصيده

وننتظر جديدك وتواصلك يا القرم


أخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
وبعد القلوب اشد من بعـد الأجسـام = بعض القلوب شتات لو هـي قريبـة
وبعض القلوب يقودها الود بإخطـام = طرقٍ على خشوم الظروف الصعيبـة
لو بعدها بعد اليمن عن قـرى الشـام = من بينهـا جسـور المحبـة قطيبـة[/poem]


الله الله الله يازيييييد


ابدعت في ذمتي


صح لسانك مليوووووووووون


ولاعاد تغيب وانا اخوك

__________________

لسماع قصائد الشاعر : سعيد بن مانع
اضغط هنا

اسعدني مرورك يا عاشق الوطن


لا هنت بيض الله وجهك



تحياتي

__________________

اررررررررررررررررررررحي يالذيب




لاهنت على القصيده الشامخه بشموخ قائلها


كل بيت بحد ذاته قصيده


صح لسااااااااااانك وعلى شاتك



دمت سالم

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

اسعدك الله يا سعيد



اسعدني مرورك ، وحضورك ، واضاء المتصفح بنورك ، يسر الله امورك



تحياتي لكـ

__________________

حضور قوي بقصيدة قويه جداً


وابداع غير مستغرب يازيد


صح الله لسانك ملالالالالاين الجزل


اخوك

لا هنت يا سعيد


اسعدني مرورك يا واافي



لا هنت يا شوق البنت

__________________

لا هنت يالسيف



اعتز بهذا المرور الشامخ



تحياتي لك اخي الكريم

__________________