سلام من شمر على كل قحطان

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
تقصر قصايدنا عن النذل لو كان = سمو امير ومافرس بالشهامه
الطيب مشري من قديم بلاكفان = وعزاه للي ماحضاه اهتمامه
يجيك رجالٍ عن الفين سلطان = حشيم والحشمه دليل الكرامه
ومدام لنخوه رجاجيل فرسان =نخيت من تزها عليه الزعامه
سلام من شمر على كل قحطان = اهل الوفا والطيب واهل الشهامه
رديهم لامن عطا مد قطعان = وفرسانهم للمجد في كل هامه
وخويهم ماذاق من مر الازمان =يجلون ضيم الوقت حين الندامه
اسود في حرب الوغى يوم الاكوان= احرار في دحر الطغى والظلامه
تاريخهم مسطور في كل ميدان = امجاد بالماضي وحاضر عظامه
واالي تسبب مدحهم شيخ عربان = مرماه للعليا عداه الملامه
تحية مني على صقر سنحان = محمد الرافع زبون النشامه
االي طلع صيته ورى نجد وعمان = جنوب سدني قايمٍ بالتزامه
تكليف من خادم بيوتٍ للايمان = عبدالله الضرغام قايد نظامه
كفوا لها ياليث يانسل شيخان = يلي تحل المعظله والغمامه
يامسندي ظاق الفضا والصبر هان = في دار مابه من يحط العمامه
ماني ياابو بسام للمال طمعان = ابشرك حالي واموري سلامه
امانتك يامحمد تردلي شان = قرار بعثه والهدف من مرامه
وصلاة ربي مسك وريح وريحان=على شفيع الخلق يوم القيامه[/poem]