القصيدة الوطنيه التي نالت إعجاب الجميع

[
[poem=font="Simplified Arabic,4,darkblue,bold,normal" bkcolor="transparent" bkimage="" border="double,medium,darkred" type=2 line=1 align=center use=ex num="0,black"]
الشعر من هيض القريحه جاد=وحضر معي في محفل النقاد
ركبت مركوبه وجيت بفنه=وفي موسمه جاي على ميعاد
في محفل تراث الجزيره قلته=موروثنا اللي خلفه الاجداد
ونا احمد الله عارف اسلوبه=وانقى سمانه والفكر وقاد
فرايد ما احد وسمها قبلي=شرد ونا للشارده صياد
ولا اقول انا اشعر شاعر في جيلي=توي رجال وللقصيد أسياد
وفي منبر تراث الوطن يلزمني=أصوغ شعر من صميم أفواد
يا موطن الأسلام ياقبلتنا=يا مصدر التاريخ والأمجاد
ياديرة اهل الدين واهل التقوى=يامنبع التوحيد والإسناد
بعث بها خير البريه رحمه=وانقذ به المولى ظلال عباد
جاهد وعز الله به اهل المله=ورفع به وعلابه أهل الضاد
كانوا يعبدون العرب للعزى=ويشاركون عبادته بانداد
فارسل لنا طه شفيع ورحمه=ومعلم للخير والإسعاد
وسار الصحابه سنته من بعده=والدين عم وللبسيطه ساد
وتهاوت عروش الكفر وانزاحت=وقامت خلافه راشده وجهاد
قضوا على كسرى ودولة قيصر=وانهوا سنين الظلم والإلحاد
وبنو حضاره ماسبقها مثلها=من قرطبة قامت إلى بغداد
حضارة في الطب وعلوم الفلك=والهندسه واصبح لها رواد
مثل ابن سينا وابن حيان ابدعوا=وعلم الفرابي وصل كل ابلاد
وتحولت في ظعفهم لاوروبا=منها استفاد الغرب ولها زاد
صارت تدرس في المناهج عندهم=وتفوقوا والعلم فيهم جاد
وحنا دخلنا الجهل مره ثانيه=والعلم الأول والفكر مافاد
ضاعت علينا الأندلس والمشرق=وعاد الصليبين والأوغاد
واحتلت اليهود بيت المقدس=والظلم زاد وزاد الإستعباد
وديارنا هذي غشتها الفوضى=والجهل فيها والتقاتل عاد
اما على الماء والحطب والمرعى=ولاّ لفخر مرمس قد باد
هذا يصبح ذا وذا يهجد ذا=وحوش غاب مالها رداد
حتى بدا فجر وعهد مشرق=للمملكة والله لها قد راد
قام المجدد وابن مقرن ناصره=وتعاهدوا والكل منهم فاد
هذا يحارب للبدع ويحذر=وهذاك سيفه باتع وراد
الدوله الأولى وجات الثانيه=والمنهج المنهج بدون حياد
لاشك عادة فوضت القبايل=والجهل عاد وصار الاستبعاد
ويــومن قــام الـــحظ والله عــزنـــا=والشر ولاّ والصباح انقاد
عاد الأمام ابن سعود ووحد=للمملكة بالشرع ولها قاد
عبد العزيز الله يخلد روحه=خمسين عام يجاهد ولا هاد
حتى توحد كل قطر فيها=وقضى على التمييز والأحقاد
دوله سلفيه وحكم عادل=ومات الإمام وكمل الأولاد
املوكنا ال سعود نعم الأسره=قول صحيح مايبي استشهاد
واليوم في عهد الملك بو متعب=امن ورخى والمكرمه تزداد
جمع بتصريحه لشمل الأمه=وجسر التواصل للعرب قد شاد
هذا الكويت ومؤتمرها يشهد=وفي كل يوم دعوته تنعاد
أدعوا له أن الله يطول عمره=ويشفي ولي العهد من الاجهاد
وحق الوطن على المواطن لازم=ومن لايقوم بواجبه جحاد
والي تنكر للوطن والدوله=هذاك ماقصده سوى الأفساد
الله يهدي الضال ويعز الوطن=ويعزنا بالدين به ننقاد
تمت وصلى الله على خير البشر=مالاح برق ومارعد رعاد[/poem]

__________________
]

الله يحيك يابعيد المدى ألف شكر وتقدير على هذه القصيده العملاقه التي تستحق الإشاده

والثناء على شاعرها الكبير العملاق حامد بن غانم الجذع

الذي لايستغرب منه مثل هذا الطرح الجميل والرائع

وقد أوضح في قصيدته ما مرت به هذه الدوله الغاليه من أحداث

وأوضح الدور الكبير للمؤسس الملك عبد العزيز بن عبد الرحمن طيب الله ثراه ورحمه رحمتا واسعه

خالص شكري لك .........

__________________

بعيد المدى

السلام عليكم ورحمة الله وبركاته

اشكرك على هذه الاطلاله الجميله

والشاعر حامد الجذع جزل في معانيه

وقد اعجبني تقديمه لذاته واقول كفو على هذه الابيات

الشعر من هيض القريحـه جـاد=وحضر معي فـي محفـل النقـاد
ركبـت مركوبـه وجيـت بفنـه=وفي موسمه جاي علـى ميعـاد
في محفل تـراث الجزيـره قلتـه=موروثنـا اللـي خلفـه الاجـداد
ونا احمـد الله عـارف اسلوبـه=وانقـى سمانـه والفكـر وقـاد
فرايد مـا احـد وسمهـا قبلـي=شـرد ونـا للشـارده صـيـاد
ولا اقول انا اشعر شاعر في جيلي=تـوي رجـال وللقصيـد أسيـاد
وفي منبر تراث الوطـن يلزمنـي=أصوغ شعر مـن صميـم أفـواد

تحياتي

لاهنت يابعيد المدى بيض الله وجهك

وصح لسان الشاعر

__________________

قصيدة جزلة واختيار للنقل موفق

__________________
لا يزال لسانك رطبا بذكر الله

صح لسان الشاعر ..

صح لسان ابو راشد

قصيده جزل وحضوره دائماً قوي وممتع


لك جزيل الشكرعلى نقلك المميز النادر


تحياتي

__________________



ممصمنا المبدع
تركي العلياني
ألف شكر لك

بعيد المدى.,.,


دآم انهآ من هجوس جذعي فـ هي قمه.,.,


صح الله لسآنه ولآهنت على نقلهآ.,.,


تقبل مروري مع فآئق الود والتقدير.,.,

__________________



هبشآن .. جعلك تسلم على التوقيع .. والله لآيهينك.,.,



n_q777@hotmail.com

لاهنت يابعيد المدى بيض الله وجهك

وصح لسان الشاعر

__________________

الجزاله ما تستغرب على حامد الجذع


الله يجمل حاله ويبيض وجهك يا بعيد المدى



ولا هنت

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع