مسري الشعار @ خولان بن عامر (( بدون ردود ))

[frame="9 80"]

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مسري الشعار
كان ياخولان جبت العلم نعطيك البشاره=عن ربيعن تذكره لناس في الحد الشمالي

ياعسى ربي يابن عامر يورينا خضاره=نستريح وترخص الاعلاف ويزين الحلالي
خولان بن عامر

ويش تبغى في ربيعٍ ما ذبحك الا انتظاره=الدير جاها الدهر والماء قضاء والجيب خالي
البداوة خلها بيع الدبش واشتر عمارة=ذي نصيحة واحد جرّب زمانه قالها لي
مسري الشعار
ماعلى الدنيا ضمان ولاعلى المفلس خساره=سرها سر الصدور وحملها حمل الجمالي

المريض اللي علاجه صار من ديس الحماره=اعرف ان در الحماره عندنا ماهو حلالي
خولان بن عامر
التجارة ماتزين الا لرعيان التجاره=ويش عذر اللي يبا يتجر ولابه راس مالي
من حلبها يامسري لايصلي الاستخاره=ماعلينا في الكديش ولاعلينا في البغالي
مسري الشعار
المرور يجود اللي في الضحى يقطع الاشاره=وانت ياخولان وش سويت في العشر التوالي

تستعير البشت وتحسبه من بشوت الاماره=احترم نفسك مدامك محترم عندي وغالي
خولان بن عامر
صاحبك خولان داري بالخبر والعلم شاره=وانت تعرفني وانا عارفك شاعرنا المثالي
علمو لاخوان شما علمو لاخوان ساره=مايشيل الكايدات امن الحمول الا الجمالي
مسري الشعار
ول ياهالعود عودن ماتجنبه العياره=وده يصوم الشهرقدام مايبدا الهلالي

اخو شما في البدي واخوان ساره في الغماره =اخذ اجابه يابوعامر بعدجانا السؤالي
خولان بن عامر
أنت تدري سد مآرب ويش هده غير فاره=ذا مثل يضرب على ماصار في هاذي الليالي
ابتلشنا بين سر الداب واسرار الخباره=الله اعلم كم بقالك والله اعلم كم بقى لي
[/poem]
[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة