مسري الشعار وسعيد ابو ديه باختصار

هنا الابداع والشعر الحقيقي

في محاورة مسري الشعار وسعيد ابو ديه


[poem=font="Simplified Arabic,5,darkblue,bold,normal" bkcolor="transparent" bkimage="backgrounds/2.gif" border="solid,medium,gray" type=4 line=0 align=center use=ex num="0,black"]
مسري الشعار


ياسلام الله عليكم وانا ادور سعيد=شاعرن ياخذ علوم الوفاء ويجيبها

ياسعيد احسب حساب ترى المسرى بعيد=ديرتن نصبح بها وديرتن نمسي بها


سعيد ابو ديه
مرحبا بك حشمة(ن)لك وتقديرك يزيد=وانت راعي لوله شاعر(ن) تحريبها
اسر واحصني عزوم(ن) ويطوي كل بيد=والدروب اللي تباها نبا نمشيبها
مسري الشعار
كثر التجار في السـوق عيـى يستفيـد =جامعن قرشيـن لاكـن وش يشريبهـا
وانت وش غيبك في العيد والوضع الجديد =غيبتك نص العرب ماهـو براضيبهـا
سعيد ابو ديه
القناعه كنز ون عشت في الدنيا زهيد=تكسب الثنتين والله علم وش غيبهـا
ما يغيب الهاجس اللي يداعبه القصيد=مير انا صديت عنهـا ولا ودي بهـا
مسري الشعار


ان رقد فكر الذكي اقبلو فكر البليـد = غـن بالقيفـان ياسعيـد ونغيبهـا

لاتعذر وانت في يدك سيف ابن الوليد = السيوف ان عطلت قول وش تبغيبها
سعيد ابو ديه

اقبلوها ياخوينا بـلا شـرط(ن) وقيـد=والنوايف يابـن زايـد عوالـك ذيبـها
حكمة العقل ايش سوت بهارون الرشيد=انتبه واللي يـودي العلـوم يجيبهـا

مسري الشعار
ماقسم لك مانقص ياسعيد ولايزيد=بس خضب لحيتك قبل يظهر شيبها

الذهب يبقى ذهب لوغلب وزن الحديد=وادري انك يابعيد النظر تدريبها
سعيد ابو ديه
بين شك وريب والله على قولي شهيد=واجبرتني دورة الوقت لو مالي بها
اصل الحروه وعدي وانا راسي عنيد=وانت تدري ويش خبث السنين وطيبها
مسري الشعار

ياسعيد اقنعتني في الخيال وفي الوكيد=والبلا في عقربن سمها في ذنيبها

في النقاش وفي الشعر شايبن ماهر تجيد=فاتنن ليلى وتصلح بعد خطيبها
سعيد ابو ديه

ايه ياشهم المبادي عسى عمرك مديد=المراحل يبلش الفكر في ترتيبها
سامحوني ياهل العرف والري السديد=والحقيقه تشرح الصدر يوم ادلي بها

[/poem]

__________________