البلا لا جاني اللي في مقـام أخوانـي...(مصافحة أولى )

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشعر جنة نعيـم أفكـاري المشتوتـه=والخفوق من الزمن ذاق العذاب ألواني
والمحاجر من وراها دمعـةٍ مكبوتـه=ودي أذرفها وعـزة خافقـي تقوانـي
كني أذخرها لنصر المنهـزم أو موتـه=انتصاره فرحه وموتـه يزيـد أكوانـي
ويوم جتني من رفيقي كلمـةٍ مفلوتـه=كنها تشرب من عروقـي ولاتروانـي
والرجل يحكم عليه بمنطقـه وسكوتـه=والسراير ما تبين لكـل مـن خاوانـي
أتوقع مـن عـدوي طعنـةٍ موقوتـه=بس كيف اصدق انها من حدا الأعواني
ومن حسب زلة رفيقه رايتـه ملفوتـه=وانا والله ماحسبت إلا خطـا عدوانـي
يعترض لي في طريقي جاهلٍ وأشوتـه=البلا لا جاني اللي في مقـام أخوانـي
يا رفيقي لاتظـن ان زلتـك منحوتـه=كلها كم يوم وألقى دونهـا السلوانـي
وجمرتك يا صاحبي بااردّهـا ياقوتـه=وبتجمل والجمايل من طبـوع أبوانـي
والزعل من صوبكـم كفنتـه بتابوتـه=والوفاء يبقى على طول الزمن عنواني
والمشاعر هاضها الهاجس بطرق بيوته=والشعر في تالي الدنيا غـدى ديوانـي [/poem]