من روائع الشاعر الأمير / محمد بن احمد السديري ... رحمه الله...

[poem=font="Tahoma,6,green,normal,normal" bkcolor="royalblue" bkimage="http://www.shahrane.com/vb/images/toolbox/backgrounds/5.gif" border="groove,5,orange" type=0 line=0 align=center use=ex num="0,black"]
قالو تتوب وقلت بالطـرف مصيـوب
والله ماتـوب وصافـي الخـد ماتـاب
قالـوا تحملـت المواثـيـم وذنــوب
قلت الذنـوب لهـا موازيـن وحسـاب
قالـوا تـرى مايفعـل العبـد مكتـوب
قلت افهم الـي تذكرونـه يالاصحـاب
قالوا جهلـت وعقلـك اليـوم منهـوب
وكشفت سرك بين ربعـك والاجنـاب
قلت الهوى لقلوب الاحبـاب مرغـوب
ايات حـبٍ صـورت وسـط الالبـاب
قالوا بعقلـك ضايـع الفكـر منكـوب
قلـت المـوده ماتداويهـا الاطـبـاب
عقلي معي ماني مـن العقـل مسلـوب
انا الغريـق وكـل شـيٍ لـه اسبـاب
كان انكم تـدرون بالـي شفـى ايـوب
وجدٍ سطـى بالقلـب والحـب غـلاب
انا غريقٍ مـع هـل الحـب منسـوب
في زمرة العشـاق بالحـب منصـاب
ماطـف لـي زادٍ ولا اريـد مشـروب
الي صفا لي صاحبي عسـل الانيـاب
يغضى بعينـه وافهـم العلـم مقلـوب
واسـري عليـه بليلـةٍ نورهـا غـاب
ويرخص لي الغالي الى حـل ماجـوب
وعن القرايب حط لـي ستـر وحجـاب
وابعدعن الشكه ولا انـوش لـه ثـوب
الا الحديـث وقرعـة النـاب بالنـاب
اخاف يصبح زين الاوصاف معيـوب
وهو عليه مـن الشـرف كـل جلبـاب
وعرضه نضيف ابيض ولا فيه عذروب
ولا حكـوا فيـه البعيديـن واقــراب
عليـه وجـدي فايـقٍ وجـد يعقـوب
وقلبي من اسبابـه بوسـط الحشـا ذاب
يلومنـي مـن لاشكـى حـب نبنـوب
طفـلٍ قرونـه ماتغطيـه الاســلاب
طفلٍ نهب عقلي بضحكـات وعجـوب
فتـان لقلـوب العشاشـيـق نـهـاب
اصبح هو الغالب وانـا منـه مغلـوب
غـدا بعقلـي بيـن شـاري وجـلاب
ان كان شفته صفـق القلـب مرعـوب
بالصـدر كنـه بيـن لاوي وجــذاب
والدمع من مـوق النظيريـن مسكـوب
يخضر ديارٍ ممحلـه عقـب الاجـداب [/poem]

للاستماع للقصيدة بصوت جميل جداً ...

المشاركة الأصلية كتبت بواسطة ابوفهيدالعاطفي بسم الله الرحمن الرحيم السلام عليكم ورحمة الله وبركاته الله................ صح لسان الشاعر محمد الله يرحمة وصح لسانك يابن ضرمان وتقبل مروري...........................

المشاركة الأصلية كتبت بواسطة ابن خضير بسم الله الرحمن الرحيم السلام عليكم ورحمة الله وبركاته الله لا يهينك ورحم الله السديري

المشاركة الأصلية كتبت بواسطة العبدي صح الله لسان الشاعر الكبير السديري .. ولاهنت على النقل .. يا ابن ضرمان .. السديري .. هو قمة الجزالة بثقلها .. تحياتي ..

المشاركة الأصلية كتبت بواسطة آل معمر الله يرحمه ويغفر له قصيدة جزلة وصوت المنشد جميل لاهنت يا بن ضرمان