قــصــة و قــصــــيده

في اواخر القرن الثاني عشر الهجري كان الشاعر / عبد الرحمن بن خربوش ال سبعان الخنافر يعمل في البحر سيب مع اهل الغوص كغيره من الكثير من اهل نجد في سنوات الفقر والقحط ويغربون من اهلهم للبحث عن مايستر احوالهم ويسد وجيههم ومعه رفيق له مونسه في غربته ومضى عليهم سنه تقريبا فخبره رفيقه ويقال له (ابن سهيل ) من ال عيينان الخنافر قال انا بسند لنجد مبطي من الاهل فتهيض ابن خربوش وده يروح معه لاهله بس مابعد سد حاجته اللي جاء من اجلها وقال الابيات التاليه/


يالله ياعالم خفيات الاسرار ************وان صكت البيبان ماصك بابه

ابرج لمن كنه على واهج النار**********الصدر محشاد وحل البلابه

لاوهني من هو مع الموج عبار*********من فوق ماشور جداد ثيابه

لامن ضرب صدره عذيات الابرار*********جيت العقير اللي تخالف ركابه

فدنو لنا اللي كنه الصيد لاذار **********تقطع بنا جو تزامى سرابه

ركابه ابن سهيل حيث انه خيار********حيثه دليل وافي في جوابه

لاجيت يابن سهيل عزازة الجار********سلم عليهم عد وبل السحابه

تلقى عربنا من شفى العرض ويسار*****ذيدانهم ترعى الخطر والمهابه

خنافر تركض على الكبس لاثار********طريحهم داجت عليه الذيابه

ياليتني معهم على الكيف مختار*****لانيب مطلوب ولالي طلابه


ارجو ان تنال اعجابكم

سالفه وقصيده ولا اجمل


صح لسان ابن خربوش


ولاهنت يابن سبعان على النقل


لاعدمناك ،،،،،،،،،،،


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

أرحب أرحب أرحب

شرفت الموضوع اخوي / سعد والله يقدرنا على تقديم المفيد دائما
وياهلالالالالالالالالالالالالالابك

تصحيح الشطر الاول من القصيده :

يالله ياعالم خفيات الاسرار ******** وان صكت البيبان ماصك بابه

آل سبعان

لاهنت يالوافي وبيض الله وجهك على القصه والقصيده ،،


موضوع رائع كروعة حضورك يالغالي


في إنتظار جديدك ،،

أخوووووك

ارررررررررررحب يابن غفره
اخي /عبدالله شرفتنا بمرورك الكريم وشكرا على الاطراء

تسلم يمينك ولا هنت على القصة والقصيدة 000

وطمع بكثر منك ياذيبان

__________________
انا حنيشي وبعشيتي ماتنعمت
ورمز العرب سيف والكيف دله
محبوبتي الجزعه في حبها همت
أعشق سهلها والرجوم المطله
يكفينــي من ربعــي اني تعلمت
إن الركوع لغيــر ربـي مذلـــه

تسلم يمينك ولا هنت على القصة والقصيدة 0000

ونطمع منك بكثر وسلمت يالذيب

__________________
انا حنيشي وبعشيتي ماتنعمت
ورمز العرب سيف والكيف دله
محبوبتي الجزعه في حبها همت
أعشق سهلها والرجوم المطله
يكفينــي من ربعــي اني تعلمت
إن الركوع لغيــر ربـي مذلـــه

اررررحب يابن حنيش

ومن قال ماهان ابشر بعزك ان شاء الله

لاهنت يابن سبعان على هذه القصيده ونحن في انتظار المزيد ياطويل العمر