السيف....والحداد

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قبل سجة الهاجوس يالله يامعبود=تيسر لامر وبدا بذكرك وانا معتاد
أبديك قبل ابداء وذا طبعي المحمود=تفاخرت به والله يفعل بنا ما راد
وباقي السجايا يا مالها في الرجال حدود=أحد ناقصٍ ويزيد واحدٍ نقص ما زاد
وعسى الله ياهدينا وذا غاية المقصود=ومن يعتصم بالله فهذا خظيظ وفاد
ولاباقي إلاّ وجه منهو يمد الجود=سبحانه ويفنا العمر ولا السنين جداد
تغانم حياتك والعمر يا بشر محدود=واترا الآخرة خير لنا والحياة جهاد
عسا الله يرحمنا لجاء يومه الموعود=يوم الزلزلة والّي على الأرض بامره باد
بيومٍ عسيرٍ هوله يشيب المولود= ولاعاد ينفع قول ليت العمر ينعاد
يوم أعضاء البنادم كلبوها عليه شهود=أحد يدخل الجنة واحد للجحيمٍ انقاد
وكلٍ يحاسب بأعماله والأمل ماجود=مادام الرحيم ورحمته وسعها يزداد
بعدها هواجيسي تجيني صدور ورود=توكل على الله ياقصيدي على الميعاد
معا سجه الهاجوس هبت هبوب النود=يعانق صداها لوحة البرق والرعاد
عشقت الظلام أسهر معه والعباد ارقود=معا ذكرياتٍ في الفكر ذكرها ينعاد
وشبيت ضوٍ نورها في الظلام ايقود=عليها الدلال ألصفر للكيف س والبراد
سناها معا الهاجوس كنه بريح العود=يفوح بنسيمه والمشاعر معه تنقاد
أفكر واعبر في الزمن والليالي السود=ولا دامت الدنيات للوط وثمود و عاد
ترا العافية كنز ثمين وفيه الزود=ولاخسر محسودٍ ولايربح الحساد
دروب الوفاء سمحة ودرب الرداء مسدود=على الشرع والسنة مشينا وعشنا أسياد
وترا المسلم المؤمن على عزته محسود=بدين الهدى والحق بين الخلايق ساد
كتاب الله الفرقان نور لنا ممدود=وللحق يهدينا ومن حكمته نزتاد
وترا المسلمين أخوان بنيانهم مشدود=قلوب قريبٍ من بعضها لوانها بعاد
يأمة محمد ناصرو المسلم المضهود=معا الحق قومو صف واحد كفا مقعاد
ترو المسجد الأقصى ينادي شباب وعود=متى ماليهود انطهره والصبر مافاد
يأمة محمد جددو عهدنا المعهود=ونبني لنا مجدٍ على ما ضي الأمجاد
متى نسترد القدس وانحل عنه قيود=متى نسل سيف للجهاد ويثور أزناد
ونعيش بشرف ونبري النفس ما لمنقود=كفا شجب وستنكار كلٍ عليه اعتاد
ياغزه عزانا دونك مفواضه وحدود=وسيف تثلم ما سقل حده الحداد
لكن الرجاء في رحمة الواحد المعبود=عسى الله يعيض بخير في طبعنا المعتاد[/poem]

بيض الله وجهك وصح لسانك كعادتك جزل
مايستغرب الطيب من اهل الطيب

صح والله لسانك يابو دية

وبيض الله وجهك

وأنت شاعر وافي ولا يستغرب منك ماتقدم من شعر جزل وعذب

لك تحياتي
أخوك
أبو صقر الزهيري

__________________

ارررررررررحب يا السنحاني

وصح الله لسانك واعتلاء شانك

وانت شاعر كفو وجزل ولا فيك شكوك


والله ينصر المسلمين في غزه ويحرر القدس من ايدي اليهود الخنازير


ولا هنت يا سمي جعلك في الوجود

اخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

صح الله السانك وعلى شانك ... مواساه ومناشده ..ليست بالغريبه

سلمت ودمت .. ولاخلى ولاعدم