معركة [ سر المدبغ ] بين آل عاطف و يام.

02-11-2006, 12:44 AM

أبا الذموم

مراقب أقسام

تاريخ التسجيل: Jun 2006

الدولة: نجد .

المشاركات: 775

معركة [ سر المدبغ ] بين آل عاطف و يام.

إلى جميع الأخوان أررررررررررررررررررررررررررحبوا يا رجال
يسرني ويشرفني في هذا الموضوع أن اتحدث عن إحدى وأهم المعارك التي درات بين قبيلتي قحطان ويام .
بسم الله نبدأ:
## أسم المعركة : [ سر المدبغ ] .
##الطرفان في المعركة : [ قبيلة آل عاطف وقبيلة يام ].
## سبب المعركة : [ أن قبيلة يام خذت حلال لواحد ٍ من الرجبان الدواسر وخذوا ما يواليهم من حلال وابل وعقب ما قفوبها الياميّه ذكر للرجل أن آل عاطف على بعد مسافة يوم من مكانه فذهب لطلب الفزعه منهم ].
## أبرز الفرسان المشاركين في هذه المعركة من قبيلة آل عاطف :
1) الشيخ الفارس هذال بن مسفر بن هادي بن سعيدان شيخ قبيلة آل عاطف .
2) الشيخ الفارس حزام بن مسفر بن هادي بن سعيدان .
3) الشيخ الفارس هادي بن مسفر بن هادي بن سعيدان.
4) الشيخ الفارس سعيدان بن مسفر بن هادي بن سعيدان.
5) الشيخ الفارس عشق بن مسفر بن هادي بن سعيدان .
6) الشيخ الفارس نايف بن مناحي بن جرمان بن عويضه بن سعيدان .
7) الشيخ الفارس عبدالله بن صرير بن مبارك بن سعيدان . المشهور بـ [ معباس ] .
8)العقيد الفارس عاطف بن مبارك بن سعيّد آل سعيّد.
9) الفارس شرثان بن مبارك بن سعيّد آل سعيّد.
10)العقيد الفارس محمد بن ولمه آل شريم .
11) الفارس علي بن مجثل آل رحمان.
12)العقيد الفارس ظافر بن جملا آل جابر .
12) الفارس سعيد بن حزام المشبح آل جابر .
13) الفارس مسفر ( ابن بهيه ) بن جملا آل جابر .
14) الفارس صملول بن مسعود آل شريم.
15) الفارس ضبيب بن جري آل شريم .
16) الفارس شارع بن جملا آل جابر.
17) الفارس سعيد بن جملا آل جابر .
18) الفارس سعيد بن زي آل رحمان.
19) الشيخ الفارس معدي بن مسفر بن هادي بن سعيدان.
20) العقيد الفارس عايض المشبح آل جابر.
وغيرهم من فرسان قبيلة آل عاطف.............................................. .....................
## قايد قبيلة يام ذاك اليوم هو [ الشيخ محمد ابن سجوى بن مجحود شيخ وعقيد آل العرجاء والشيخ بليه بن بدره شيخ آل فهاد والشيخ الفارس ابن مسرع أحد شيوخ يام ] .

## تفاصيل المعركة :
عقب ما أخذت قبيلة يام حلال واحد ٍ من الرجبان الدواسر راح هذا الرجل لطلب الفزعه من آل عاطف لرد حلاله وكان للآل عاطف ثار عند آل العرجاء وعندما دخل ا لرجل الرجباني الدوسري الوادي واجه أل عاطف وهم حايلين صوب نجد وهم يعرفونه وش عندك فعلمهم بما حصل وذكر لهم أن أثاريهم لاعداد ألها ( يعني من كثرهم ) وأنهم خذوا من عينوه في طريقهم فعلموه أنهم مذبحينهم قالوا نبي من الله ثم منكم تخلونا وياهم الذبح علينا والكسب الكم مانبي الامواجهم أندور لهم وجابهم الله القوم بعيد ولاقريب قال اعهدهم مقبلين على سر المدبغ وبعضهم فيه قالوا عليهم بعيد ولا قريب واتجهوا هم وياه لين , قاموا آل عاطف بتجهيز انفسهم للمغزى واللحاق بقبيلة يام المهم قاموا آل عاطف على رأسهم شيخ آل عاطف الشيخ هذال بن مسفر بن هادي بن سعيدان بالتحرك باللحاق بقبيلة يام المهم إنهم لحقوهم ويوم وصلوهم عينوا الياميّه يتغدون وقاموا يسبرون لهم وعينوا قايدهم ابن سجوى جالس تحت شجرة يتغدى ومعه فرسانه الخاصين اما بقية فرسان يام الآخرين عند الحلال يحرسونه لأن المكان اللي هم فيه من ديار قحطان .
المهم ان فرسان آل عاطف هجموا على الياميه و ذبّحوا فيهم وتواجهوا مع بعض ومن شراسة الفرسان طال وقت الطراد والكر والفر المهم إن عددى القتلى من قبيلة يام كبير جداً جداً من أشهرهم الشيخ والفارس ابن مسرع أحد شيوخ قبيلة يام , وكلما ذبحوا ال عاطف من يام قالوا فرسان ال عاطف :
( لعينا مسفر ولعينا ملهي ) .

وقام قايد يام ابن سجوى يوم شاف الوضع ففضل الانهزام ومعه الفرسان الخاصين اللي معه وبقية الفرسان مسكوهم آل عاطف وصاروا منعى ومعنى [المنعى ] أي أسرى
المهم إن آل عاطف رجعوا ومعهم الحلال .
قالواآل عاطف للرجباني الدوسري أخذ حلالك وحلال أقصراك.
بعد هذا المعركة قيلت قصائد كثيره ومن هذه القصائد قصيدة للشاعر معجب بن محمد بن بويريد من الضوره آل عاطف ومنها هذه الأبيات :

[poem=font="Times New Roman,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
ياطير علمني بملحاق آل عاطف = علم الحياء والكاينات جياد
راعي آركٍ جاهم على زلافه = راعي آركٍ في شوره السداد
يوم شار شايرهم وشار أمشيرهم = وما منهم اللي شار بالعوّاد
يتلون هذّاب السرايا مجرّب = هذال حامي وانيات اسناد
ويتلون حزام قوّاد نمرى = دايم على راس الحفيف يذاد
ويتلون عاطف سعد الابل = ليا من ارزمت تبغى المقاد
نشد عليهم نايف ٍ من ذاهبه = وغدالهم في ذكرهم نفاد
طق ابن سجوى يوم سمع اعزاهم = ولابد صيّاد الفهود يصاد
كله لعينا ملهيٍ ومسفر = وجرمان اللي طاح في الميراد
وكله لعينا أهل مخيبيه = اللي مفرشٍ وملحفٍ بوساد
وكله لعينا جادل ٍ طاح سترها = وتقول تكفون يا الاجواد
برى الصدى من كبد كل مجرّب = والكبد طابت واشرعت للزاد [/poem]

المقصود من: [ هذال ] هو الشيخ الفارس هذال بن مسفر بن هادي بن سعيدان شيخ قبيلة آل عاطف.
المقصود من : [ عاطف ] هوالعقيد الفارس عاطف بن مبارك بن سعيّد آل سعيّد .
المقصود من : [ حزام ] هو الشيخ الفارس حزام بن مسفر بن هادي بن سعيدان .
المقصود من : [ نايف ] هو الشيخ الفارس نايف بن مناحي بن جرمان بن بن عويضه بن سعيدان .
المقصود من : [ ابن سجوى ] هو الشيخ الفارس محمد بن سجوى بن مجحود شيخ قبيلة آل العرجاء وقايد قبيلة يام في المعركة .
المقصود من [كله لعينا ملهي ومسفر** وجرمان اللي طاح في الميراد ] المقصود هو الشيخ الفارس مسفر بن هادي بن سعيدان شيخ قبيلة آل عاطف واللي قتل في معركة مخيبيه بين قبيلة آل عاطف وقبيلة آل العرجاء يام سنة 1328هـ وقتل ذاك اليوم أحد شيوخ آل العرجاء يام .
ومعنى البيت أن جميع القتلى اللي قتلوا يوم سر المدبغ ثار في الشيخ الفارس مسفر بن هادي بن سعيدان وولده الشيخ الفارس ملهي بن مسفر بن هادي بن سعيدان والشيخ الفارس جرمان بن هذال بن جرمان بن عويضه بن سعيدان الملقب بـ [ صلف ] قتلوا الشيوخ الثلاثه في معركة وحده في معركة [ مخيبيه ] بين آل عاطف آل العرجاء يام سنة 1328هـ .
وأيضاً هناك قصيدة للشاعر قراش آل فرسان آل عاطف طويله منها :
[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
يا ذيب فحامة مع ذيب قمشان = اعوي لسنح لين تآتي ذيابه
دونك بليه شوق سحّاب الاردان = سعد الرفيق والاجنبي للتوابه
ودونك الكفر في السرب طيحان = والنصر من رب المقادير جابه
طق ابن سجوى وتلا القوم شرثان = مثل البهم لا تلته الذيابه[/poem]

المقصود من[ فحامة وقمشان ] جبال جنوب الوادي جهة المريبخ
المقصود من [ بليه ] هو الشيخ الفارس بليه بن عبدالرحمن بن بدره شيخ آل فهاد يام وكان الشاعر يعتقد أن الشيخ الفارس بليه بن عبدالرحمن بن بدره قد قتل في هذه المعركة .
المقصود من [شرثان ] هو الفارس شرثان بن مبارك بن سعيّد .
وهذا وتقبلوا مني خالص الشكر والتقدير .

__________________

التعديل الأخير تم بواسطة أبا الذموم ; 05-05-2010 الساعة 01:23 PM

02-11-2006, 03:07 AM

سيف السحيمي

عضو متميز

تاريخ التسجيل: Apr 2006

المشاركات: 755

رد : معركة [ سر المدبغ ] بين قحطان و يام.

أرررررحب أبا الذموووووم ... ولاهنت والله على ذالطرح الزين والوافي

والله يرحم اللي ماتوا
تحياتي

02-11-2006, 03:24 AM

أبو عساف

مشرف

تاريخ التسجيل: Feb 2006

الدولة: طريب _ الفهر

المشاركات: 3,208

رد : معركة [ سر المدبغ ] بين قحطان و يام.

لاهنت على الموضوع والله يرحم الشيبان اللي ماتوا رحمة واسعه

أبا الذموم كاتب مميز وبصمتك واضحه جدا في هذا المنتدى

دعواتي لك بكل التوفيق والنجاح

تقبل تحياتي وتقديري

__________________

لاغدا للمدح من بين خلق الله مجال @@@@@ والرجال تعد فعل الرجال وطيبها
قلت أنا لي عزوةٍ راسين مثل الجبال @@@@@ والعلوم الطيبه كلها يحري بها
من رجالن تلطم الضد وتعز الرجال @@@@@ يوم مظلمة الليالي يصوت ذيبها

إهداء للأخ العزيز / سعد القحطاني

02-11-2006, 03:37 AM

متعب الهاجري

عضو فضي

تاريخ التسجيل: Mar 2006

المشاركات: 1,334

متعب الهاجري is a splendid one to behold

رد : معركة [ سر المدبغ ] بين قحطان و يام.

تسلم والف شكر لك

ونعم ملايييين يا ال عاطف ولاتكفيهم

ونعم يايام

02-11-2006, 04:20 AM

عاشق السروات

عضو

تاريخ التسجيل: Nov 2005

الدولة: الرياض

المشاركات: 67

عاشق السروات has a spectacular aura about

رد : معركة [ سر المدبغ ] بين قحطان و يام.

أرحب أرحب أرحب أباا لذموم الوقعة مثبوته مافيه شك واللة لايهينك علي جميع سوالفك الطيبه ولك دوام التوفيق أنشالله اخوك الوعيلي

__________________
ارحبوا يارجال

02-11-2006, 10:53 AM

عبدالله بن غفره

إدارة المجالس

تاريخ التسجيل: Nov 2005

الدولة: مامن بعد

المشاركات: 8,733

عبدالله بن غفره has a reputation beyond repute

رد : معركة [ سر المدبغ ] بين قحطان و يام.

أبا الذموم

أرررررررحب وبيض الله وجهك على الموضوع يالوافي

سالفه تنوس وقصيده في غاية الروعه

ولاهنت وجمل الله حالك يالوافي

أخووووووووووك

بن غفره

__________________

ممصمنا المبدع
تركي العلياني
ألف شكر لك

02-11-2006, 03:14 PM

جبل بن زيد

عضو فضي

تاريخ التسجيل: Mar 2006

المشاركات: 2,585

جبل بن زيد is a glorious beacon of light

رد : معركة [ سر المدبغ ] بين قحطان و يام.

اررررررررررررررررحب يا أبا الذمووم

حيه وحي ماجاب

بيض الله وجهك على ايراد هذا الهية

ونعممممممممم والله بآآآآل عااااااطف

وبيام

وسوالفك لها طراه أتلذذ بها

وهي عوايد الرجال في مجالسهم

تذكر العلوم الي تنومس وترفع الراس

تقبل احترامي في كل ماتكتب

__________________
00000000

02-11-2006, 06:55 PM

ابوخالدالجحدري

عضو

تاريخ التسجيل: Feb 2006

المشاركات: 79

ابوخالدالجحدري is on a distinguished road

رد : معركة [ سر المدبغ ] بين قحطان و يام.

اباالذموم انت دائمآ رائع بيض الله وجهك على سرد هذه القصه الرائعه والله والنعم بآل عاطف .

تقبل تحياتي واحترامي .............

02-11-2006, 09:33 PM

عبدالله ابن طرخم

.: مشرف ســـابق :.

تاريخ التسجيل: Aug 2006

الدولة: عــ السحب ـالي

المشاركات: 1,615

رد : معركة [ سر المدبغ ] بين قحطان و يام.

بيض الله وجهك يالغالي

__________________

(( مجالس قحطان . . . الحاضر . . الماضي . . المستقبل ))

qht505@hotmail.com

ABDULLAH ALQAHTANI

03-11-2006, 03:39 PM

#10

أبا الذموم

مراقب أقسام

تاريخ التسجيل: Jun 2006

الدولة: نجد .

المشاركات: 775

رد : معركة [ سر المدبغ ] بين قحطان و يام.

اقتباس:

المشاركة الأصلية كتبت بواسطة سيف السحيمي

أرررررحب أبا الذموووووم ... ولاهنت والله على ذالطرح الزين والوافي

والله يرحم اللي ماتوا
تحياتي

الأخ سيف السحيمي أررررررررررررررررحب
لك مني جزيل الشكر والتقدير على مرورك على الموضوع لاهنت يا ذيبان .

__________________

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قبيلة عبيدة قحطان	ابن شويه	مجلس الأنساب	21	06-11-2004 02:31 PM
نسب قبيلة قحطان	عبيدي الدمام/ابوزياد	مجلس الأنساب	9	15-10-2004 03:32 PM

سناب المشاهير

روابط سريعه

الذين يشاهدون محتوى الموضوع الآن : 5 ( الأعضاء 0 والزوار 5)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى