الشيخ الفارس ناصر بن عمر بن هادي بن قرملة و هيّة التنهاه .

الكل يعرف من هو الشيخ الفارس ناصر بن عمر والكل يعرف علومه وفروسيته وشجاعته الكبيرة في العديد من المعارك والوقائع فكم من فارس ذبحه وكم من فارس طيّحه من فرسه وكم من فرس عقرها وكم من حصان عقره وذلك لأنه مقدام لا يخاف وما يهتز في المعركة.
وفي كون دخنه عقر فرس الشيخ مطلق الجبعاء الدويش من شيوخ مطير وبعد كون دخنه قال مطلق الجبعاء الدويش قصيده يذكر أن الشيخ ناصر بن عمر هو اللي عقر فرسه :

[poem=font="Simplified Arabic,4,blue,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
لا واحسايف سابقي ياهل الخيل = يازينها لاجت تباري المطيّه .

ضربت برمح ٍ صاطي له شناشيل = من كف ناصر مهدي به عليّه .[/poem]
ومن شجاعة الشيخ الفارس ناصر بن عمر أنه كان وقت ربيع في التنهاه المعروفه بالربيع في الوقت الحاضر وكان مربع بأبله ولونها مغاتير وهي كثيره وكان معه غنم حاطها عندما يأتيه ضيوف يكرمهم ويذبح لهم وأنتم عارفين كرم العرب المهم ما كان معه إلاّ بناته وأبنائه كانوا صغار مره ومعه ثلاثة من العبيد يخدمونه ويخدموم الأبل
المهم إنه غاروا عليه قوم وكان عددهم كبير جداً طامعين في أبله وهم عارفين إنه ناصر بن عمر في هذا الوقت
كان العبيد يحوشون الغنم على ساقت الأبل ويوم شاف الشيخ ناصر بن عمر الخيل الكثيرة الغازيه عليه و اللي عليها من الفرسان لابسين جوخ عرف إنهم ماهم بسيطين قال للعبيد اتركوا الغنم وحوشوا الأبل لأن عدد الأبل كبير وقام يجهز نفسه لمناطح القوم والدفاع عن نفسه ومحارمه وأبله وركب فرسه وفي هذا الوقت قامت بنت ناصر بن عمر واسمها ساره يوم شافت الخيل المقبلة واجد والفرسان واجد صاحت وقالت : [ يابعد حياتي بعداه ] بمعنى انها بتفقد أبوها و الأبل بتوخذ ويوم سمعها أبوها تشجع أكثر وأقبلت عليه الخيل الكثيره
والقوم الغازين لهم قايد متشطر منهم وبعيد منهم وقايد ثاني من كبار الفرسان فقام القايد وقال للشيخ ناصر بن عمر : [ ياناصر هذا اليوم مالك فيه نصيب ولكن اسلم بنفسك والأبل بينا وبينك بالنصيفه ] ويوم سمع ناصر بن عمر كلام الرجال اللي يهدده اعتزا وقال : [ خيّلا البويضا وأنا أخو منيره ] فكر عليهم لوحده وذبح منهم أكثر من واحد وقلّع عدد من الخيل قاموا الفرسان ولّوا هاربين من الخوف والذل وقام قايد الفرسان راح لكبير القوم اللي متشطر ٍ منهم وماشاركهم في الهيّه فقاله كبير القوم : [ اتركوا ذي الأبل ترى فيها جرب]
فرد عليه قايد الفرسان وقال : [ جربها والله أخو منيره ناصر بن عمر ] .بعد هذه المعركة قام الشيخ الفارس ناصر بن عمر وقال هذه القصيده :
[poem=font="Simplified Arabic,4,blue,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]

وا فرقى اللي راح لقمة قطامي = مع سبعة السلفان و اللي تلاها .

رديتها يوم أشهب الملح حامي =بشلفا تفك أماتها من عداها .

بشلفا وشامان يقص العظامي =ونرمي لجايعة الضواري عشاها .

كله لعين اللي بحسّه نخاني =وتقول حياتي بعيد ٍ مداها .[/poem]
في الختام لكم مني جزيل الشكر والتقدير


أخوكم أبا الذموم

__________________

ارحب يابالذموم وبيض الله وجهك على هذي القصه والقصيده الجميله ولك من جزيل الشكر
وننتظر منك المزيد . اخوك السلعاني

مرااااااااااااااااااااااحب

بيض الله وجهك على القصه والقصيده



نتضر منك الجديد عن الفارس / ناصر بن عمر بن هادي بن قرمله

كفوووو والله كفوووو
سالفة تشوش الراس لا عدمناك يا ابا الذموم

__________________

ابا الذموم

الله يكثر من أمثالك وسالفه تشوش الراس


لاتحرمنا من العلوم الطيبه والسوالف اللي تنومس



تقبل تحياتي يالغالي

__________________



ممصمنا المبدع
تركي العلياني
ألف شكر لك

ما منك الا طيب ياذيبان والله

ولاهي غريبه من فارس معروف مثل بن قرمله وهذا فعل ابوه وجده وهذي فعول عوال الشايب جميع

والامر الاخر من هو قائل البيت في توقيعك مع التحيه لك اخي ابا الذموم

__________________
لي قابلت ضو ابن همدان ضونــــا = حامت طيور العرش تبغي نصيبها
ومـــا بين شهـران ويـام محلنــــــا = وكل يسقي للحيـا مـن شعيبهــــــا
حنا عبيدة من نسـول آل ضيغـــــم = ما حن بجيران تـداري حريبـــهـا
وحنا حرق على حرق من الأوايـل = هل القدى والهينـة مـا نجيبهــــا

الأخوان ذيب محمد عايض آل سعد ، آل عاصم , سنحان بن عامر , ابن غفره , عزران بن حرق
أرحبوا يا رجال والله العظيم إني يوم أشوف ردودكم الطيبه إني أتشجع وأتحمس للكتابه والله لايهينكم على مروركم الجميل وعلى ردكم الأجمل .

بالنسبة لسؤالك أخي عزران بن حرق من هو قائل البيت اللي في توقيعي هو الشاعر الكبير : مرشد البذال من شعراء الكويت المخضرمين توفي قبل أزمة الخليج عام 1410هـ
ليه البيت معجبك وإلاّ لا تحياتي للجميع .


أخوكم أبا الذموم .

__________________

لاهنت على كل حال علومك ياوجه قحطان زينه وانا حقيقه كل ماشوف اسمك في موضوع ادخل فيه لاني متاكد اناالطيب شروك مايجي منه الا العلوم الطيبه والقرمله افعالهم تنومس كل قحطاني وفي الختام تقبل تحياتي

الأخ محمد العرجي أررررررررررررررررررررررررررررحب ياوجه قحطان

الله لايهينك على كلامك الطيب الذي إن دل فهو يدل على كرم أخلاقك وأصلك لك مني خالص الشكر والتقدير.

أخوك أبا الذموم

__________________

السلام عليكم ورحمة الله وبركاته شكراً لك اخي الكريم على هذا المشاركة

__________________