% مجاراة لقصيدة الشاعر ///علي البورعي في خاله %
بسم الله والصلاة والسلام على رسول الله..
هذه القصيدة قصيدة مجاراة لقصيدة الشاعر علي البورعي والتي امتدح فيها خاله والحقيقة انني سبق وان جاريتها من ايام ماسمعت بها وكان يخفاني حينها امور منها ان القصيدة لم ياتيني منها الا بيت واحد ولم اسمعها الا مرة وكنت ايضا في حينها لازم الصمت لاسباب ماتخفى عليكم وقبل امس قرأتها في المنتدى ..
فعلى مايقولون عند امعاني فيها جيدا ورجوعي لقصيدتي الاول وجدت ان فيه اشياء ذكرها الشاعر علي وانا لم اتطرق اليها بتاتا ..ويجب ان اعدّل فيها فعلى مايقولون عوّادٍ فالحق ولا ممراقٍ فالباطل...
وكذلك نقول لحق السيل ديم...
وبما أنني اعتبر نفسي طرف في الموضوع قمت بمجاراته. وبما ان الشاعر علي ذكر القصيدة من دون مناسبة فمناسبتها ان اثنين من افراد قبيلة المنادية حضر بينهما الشيطان كما يحضر بين الاخ وأخوه وبين الابن وابوه وقدر الله ان مات احدهما وكان ذلك من دون قصد من الطرف الثاني وما كان من الطرف الثاني الا ان سلّم نفسه الا مركز الامارة التي كان من افرادها خال الشاعر علي اللي هو بو قليل وماكان منه الا ان هبّ واسرع به الى مستشفى سراة عبيدة
لان فيه اثار اطلاق نار من الاول وعندما رآه اخو المتوفي قام بطرده ولكن حكمة الله أولا وشجاعة الثاني ثانياً سلّمت الاثنين من الموقف الخطير ومن ثم سلّم ابو قليل المصاب والخصم في نفس الوقت الحكومة وتولّت امر القضية ..
والحمد لله على كل حال راح اللي راح وانتهت القضية بفضلٍ من الله تعالى وكان الجهد الاكبر ولاكبر لوالدي الطرفين الذان تداركا القضية وذلك لوجه الله تعالى ....
وانا اوردت هذه القصة اولا لاخذ العبرة منها واتخاذ هؤلاء الطرفان قدوة في السماح في الحق الخاص وليس في ما حصل وكما قلت آنف الذكر ان المشاكل في كل مكان ولا أحد على الدنيا مستريح لا والله .......
وانني من هذا المنبر ابيض بوجه ابو قليل واقول الله يكثر من امثاله كما لايفوتني ان ابيض بوجه شيوخ واعيان القبائل
الذين شاركوا في اصلاح ذات البين وتقريب وجهات النظر والشكر موصول للشيخ/ علي ن محمد ال جلاله المنادية شيخ شمل قبائل بني طلق.......
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالسحاب اللي تباريك الرياح الموسمية=فيك رعّادٍ يدنّ وفيك برّاقٍ يلالي
هلّ وبلك لاعدمتك فالصباح وفالعشية=من علا دارٍ ذراها للبعيد وللموالي
اقصد العرقين ديرة محتمين الدوبليّة=لابتي دعوى بني طلقٍ ميتمة العيالي
ديرة من فعل اهلها راوية ماهي سنية=يوم بعض ديار خلق الله مدشٍّ للحلالي
ديرة رجال الشهامة والفعايل والحمية=من عبيدة كاسبين الطايلات اول وتالي
منهم اللي ذابحٍ خاله على سبّة خوية=وسنّ سلمٍ يقتدابه فالجنوب وفالشمالي
فالزمان اللي مضى يشهد لهم حوض المنية=وتشهد الهيّات وتزكي ميادين القتالي
يا قصيدي هاتها والاش لا رحم بو حية=هاتها الا هاتها الا هاتها والراس عالي
هاتها عز وفخر ولاّ حميّة جاهلية=وانت عادتك الوفا يا ربحي ويا راس مالي
والقصيد اللي يجي من دون قصة واقعية=عزتيله والله انه لا حرام ولا حلالي
عقبها قم يانديبي والله الله فالوصية=احذف الغتره على طول ايدك وطش العقالي
قبل حلّ الفجر حرّك من بطن نجد العذية=واتجه صوب الجنوب ديار ذربين الفعالي
مرّ بالوادي مرور وخلّ عندك معنوية=ما يسايرها ضعيف وخل مشيك بالعدالي
انص صبيان ابن مندي محزمي في كلّ هيّه=وانصب البيضا لهم على الطوال من الجبالي
محتمين الماقف الغصّاب لاشبّت ضوية=احتكار الاولة طبع لهم في كل حالي
شالوا الحمل الثقيل اللي مثل هضبة طميّه=وجزعوا ثمّ فزعوا للّي عليه الحمل مالي
اشهد انها ساعةٍ تفطر لها كبد المطية=ساعة ماعاد ينفع لا نقاش ولا جدالي
واشهد ان ماللمواقف غير مزبَنْة الونية=واشهد ان ماللحمول الكايدات الا الجمالي
واشهد ان ماللقضية غير حلال القضية=واشهد انه ماللصعيب الا الزحول من الرجالي
ثم حوّل يا نديبي للرجال الاجودية=ال مقرح زربة الحرّاب كرمان السبالي
واتجه للغول واطو الخط طيه فوق طية=حاول الله لا يهينك تاصله قبل الزوالي
وانشد من البورعي راعي البيوت المقرحية=الصبيّ اللي يقول ان طاب طيبي من خوالي
وان لقيته فاعطه علومك وسلّمه الهديه=وقلّه ان المرّ مرّ وقله ان الحلو حالي
وقلّه انك جبت علم وجايبٍ لك مثنوية=وقلّه انه مادبل كبد المقام الا المقالي
بعدها قله عن اذنك ياعلي وارجع عليه=الرساله في يمينك واقرها يابن الحلالي
يا علي بلّغ سلامي نفسك وخالك تحية=بيض الله وجه ابو ظافر عدد مالسيل سالي
دون وجهه وقف بوقفة وسلّ الحضرمية=قام وادّى واجبه كامل ولله الكمالي
واحتماها لين سلّمها وزير الداخلية=بعدها مايلحقه مايمحقه والشك زالي
وبيض الله وجه من عدّل مسار البندقية=زمّها من طيب راسه قد درا ان الوجه غالي
افتخر يالبورعي في خالك وعينك قويه=افتخر ايه افتخر مادام لك فيها مجالي
وارفع يدك فوق وادع الرب خلاق البرية=انّه يكافيك شرّ الوقت مقصور الحبالي
واعلم ان دنيا البنادم مالها ذمة برية=لا سلم منها سنه عقب السنه يا همّلالي
حكمة الله في عبادة الغبية والذكية=يمتحنها فالدقاق ويمتحنها فالجلالي
ولا على الحكم اعتراض ولو بقى الغاوي بغية=من لبس ثوبٍ جديد يصير بعد ايام بالي
واهون الغلطات يارجّال غلطه مطبعية=واصعب الغلطات كلمة واحدٍ ما هو يبالي
ونحمد الله طبعنا ما نجزي الحسنة بسية=كان ما تدبل عشر ما ضنّتي يرتاح بالي
سلمنا سلم الوفا من خلقة الدنيا الدنية=وسلمنا سلم الوفا فالمقبلات من الليالي
ولا حصل منكم قصور ولا حصل منّا خطية=الرجال اللي تقوله ماني آقوله لحالي
وسوّد الله وجه رجّالٍ ما يحمى في خويّة=وسوّد الله وجه رجّالٍ سهج وجه الرجالي
الشاعر / سعد بن شفلوت[/poem][/poem][/poem][/poem]
التعديل الأخير تم بواسطة عبدالله المهداني ; 07-01-2007 الساعة 10:16 PM
20-01-2005, 01:22 AM
تعليمات المشاركة
المواضيع المتشابهه
العرض العادي
