حاسب ضميرك قبل حوض المنيه

السلام عليكم ورحمه الله وبركاته
اخواني اعضاء المنتدى هذه مشاركه بسيطة ارجو من المولى عز وجل ان تنال اعجابكم واسمحو لنا على القصور والى المشاركة وهي نصيحة اسأل الله العلي القدير ان ينفع بها ولا يتكل عليها :
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]




صـف النوايـا ياخبيـث النوايـا=كانك تبي الدنيا تجي لـك هنيـه

ومن قبل ذا طاعه ولـي البرايـا=في طاعته مامـون مابـه اذيـه

الله يحب اللـي تحفـظ الوصايـا=اللـي بشـرع الله وسنـه نبيـه

في طاعته مابه همـوم وعنايـا=تعيش في راحه ونفـس رضيـه

من وين ماوجه لسانـه طرايـا=يحرص على الاذكار صبح وعشيه

صار التعب لذه وزيـن السجايـا=قلبـه وفكـره مايحـب الخطيـه

النفس تامـر للـردى والخزايـا=وابليس وياهـا بنفـس القضيـة

غاياتهم حـب البشـر للخطايـا=يخططون شلون يصبـح خويـه

لو صاح باعلى الصوت قال النهايا=قالوا ترى عمرك سنينـه مديـه

ياللـي تـدور للشفـا والدوايـا=لاتصير نفسك بين هـذي وذيـه

اطلب من الله كل صبح ومسايـا=ينجيك من شر النفـوس الشقيـه

لابد من جلسـة بوقـت الخفايـا=حاسب ضميرك قبل حوض المنيه

محاسبـه فيهـا طـوال الحكايـا=لوم وندم لو مت وش صار فيـه

هل انت متجهـز ليـوم الوفايـا=او انت نفسـك لقبوهـا ضحيـه

يوم الحشر والناس عندك عرايـا=عطفك ولطفـك ياعليـم الخفيـه

ماعاد به بشت ٍ ولا بـه عبايـا=ولا عاد به قصر ٍ ولا به سريـه

يـارب تهدينـا طريـق الهدايـا=وجنات عدنـك ياالهـي عطيـه [/poem]
وسلامتكم