الموت هّين والبلا...وش ورا الموت

السلام عليكم ورحمه الله وبركاته
هذي قصيدة الشاعر متعب التركي الله يجزاه خير على هالابيات المعبرة التي تحكي عن نفسها والى الابيات

الموت هين والبلا وش ورا الموت ..... عند الحساب يهون سهم المنايا

باكر نموت وتصبح قبورنا بيوت ..... عقب القصور بضيقات الزوايا

في جوف الارض وكل من حولك سكوت ..... وتعاقبن بالقبر عوج الحنايا

يارب يامنجي نبيك من الحوت ..... سترك وعفوك يوم كشف الخفايا

باكر ليا جينا على داعي الصوت ..... شيبان واطفال وشباب وصبايا

ندعي وحنا بين باكي ومبهوت ..... ورحنا لها ننقاد مثل السبايا

يارب تهديني قبل لحظة الفوت ..... وتغفرذنوبي ياكريم العطايا

اشكيك هم داخل الصدر مكبوت ..... وايامي اللي بالخطايا ملايا

أن لاذ بك من كان طايع ومبخوت ..... في من يلوذ المرتكب للخطايا

يارب ياقادر على كل طاغوت ..... لاياقف اللي وحدوبك خزايا

رحماك لامنا صحينا من الموت ..... واليا وقفنا عند بابك عرايا



الشاعر / متعب التركي

عبر الايميل

شيخ المهاديه .........سلمت والله على المشاركه
الطيبه ...من وجهك الطيب ......... للشاعر ...الطيب ....

ومشكور ..ياشيخ ..


اللهم تقبل صيامنا وقيامنا ..اخوك /خالد

__________________
[frame="4 60"]لااله الاانت سبحانك اني كنت من الظالمين [/frame]

الله ايسلمك يا خالد ومشكور على مرورك الرائع...

شيخ المهادية