مرثية ابن شفلوت (مصافحة اولى)

[poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="groove,4,gray" type=1 line=0 align=center use=ex num="0,black"]
يالله طلبناك في الاستار ياكافي =ياممن الخايف اللي داره مخيفه
يالواحد المكتمل في كل الاوصافي=يامصرف الكون مايختل تصريفه
من بعدها يالساني دور القافي =من هاجسٍ بالحشا ماهي بتصنيفه
ابغاك تجمل معي وتشد ميقافي=نرثى ابن شفلوت شيخ ٍ فاقده قيفه
أرث الامير ابن ذيب معشي اللافي=شيخ ٍ يمينه لضيفه دايم مريفه
الشايب اللي بدرب الطيب ينشافي=يوم ان بعض المشايخ مالهم شيفه
ياكبرى فقدى الفهر في شيخ وسنافي=وياكبر فقدى عبيده في معاريفه
وياكبر فقدى الكرم في الحيل والصافي=وياكبر فقدى معاميله على ضيفه
وياكبر فقدى المشوره راي عُرافي=الشور من راس اخو رثعا على كيفه
وياكبر فقدى الملافي لبسها الظافي=لانشد وين الأمير يتم تكليفه
وياكبر فقدى المشايخ شيخ الانصافي =لاقيل وين ابن شفلوت ومواقيفه
له سمعة ٍ تنعرف ماغطها السافي=انشد رجال المعرفه عن سواليفه
ريفٍ لربعه عليهم ستر ولحافي =وملجى يتاما مع ام ٍ حالها اسخيفه
عونٍ لمن يزهمه لا لحقه اخلافي=عذقٍ نجاة الفقارى في مخاريفه
وبلسم جروح ٍ وجوده طبها الشافي=تصعب مزاياه ماتحصى تواصيفه
كم خُصمةٍ حلها من بين الاطرافي=لامن سوق الردى كثرت ملاقيفه
لاكن عوضنا محله شايبٍ وافي =في منزلة متركٍ في العرف والشيفه
له في رموز الوفاء ماقف ومشرافي=ذخرٍ لمن جاه لاشحت مصاريفه
والطيب ورثٍ لهم من ماض الاسلافي=احفاد عودٍ شجيع ٍ ملحمٍ سيفه
وصلاة ربي عدد من حج واطافي=على نبي ٍ حباه الله بتشريفه[/poem]

ارحب تراحيب البدو بالحيا يابو علي



شاعر كبير ووجودك مطلب رئيسي


وبيض الله وجهك على القصيدة الجزله اللي ماهي بغريبة منك


والله يرحم ابن شفلوت ويتغمده بواسع رحمته



تحياتي لك


اخوك ابراهيم

__________________

شكراً قصيدة ممتازة وشاعر جيد

والله يغفر لبن شفلوت

اخوي الغالي
مبارك بن علي الكيرعاني
صح لسانك وقصيده رائعه .... ورحم الله الشيخ / مترك بن شفلوت
اخوك
ابو ابراهيم العبيدي

مرثية رااااائعه يابو علي

وبيض الله وجهك والله يرحم ابو ذيب

وترى مطلوب منك التواجد معنا ودنا نشوف قصيدك وعلومك

__________________

كفيت ووفيت يابو علي

كلام طيّب من وجه طيب

والله يرحم الشيخ

سعد بن شفلوت

مـــــــــــــــــــــــــرحبا ياعزوتي وصح لسانك وبيض الله وجهك على القصيد الجميله

__________________
[poem font="Simplified Arabic,4,deeppink,normal,normal" bkcolor="transparent" bkimage="" border="none,4,orange" type=0 line=0 align=center use=ex num="0,black"]
سبحان الله وبحمده[/poem]

صح لسانك يابو علي ... قصيدة وافية من شاعر وافي

والله يرحم فقيد الجميع رحمة واسعة.

__________________
fnace@hotmail.com
aalqahtania@gmail.com

صح السانك يا ابو على مرثية رائعه

والله يرحم فقيدنا الشيخ مترك

صح لسانك يامسندي
وياليت لو تعطينا من قصائدك القديمة جدا
ودمتم

__________________
كفارة المجلس : سبحانك اللهم وبحمدك اشهد ان لا اله الا انت استغفرك واتوب اليك