~*¤®§][§][( القمه العربيه والارهاب)][§][~*¤®§]

الـســلام علـيـكـم ورحـمــه الله وبـركـاتـه

كــــل عـــــام وانــتـــو بـخــيــر

مصافحتـي الاولـى ( القمـه العربيـه والارهــاب)

لا آطيـل عليكـم آمــل ان تجملـنـي امامـكـم...

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



بين الرجاءواليأس يوم وليله ..خيل سحاب الصيف يلي تخيله =من فوق تونس والهبوب تزيله ..يسبق سنابرقه على رعاده

قمه عرب يعقد وراها قمه ..ماتبري الذمه ولا به ذمه =وقرارهم عند الختام مطمه ..نشجب ونستنكر قرار العاده

خمسين عام وارضنا محتله .. القدس ينخى واليهود تذله = وقواتنا وجيوشنا منحله ..والغرب يحشد بيننا بعتاده

وين العرب والقمه المسهوجه..عن مذبحه كركوك والفلوجه=وعن الاتئلاف الي طغى وعلوجه..نار القهر في قلوبنا وقاده

امس بفلسطين ابتدو بالجوله ..واليوم في بغدادوالي حوله =وبكره علينا الدور دوله دوله ..والله مايأمن مؤمنًًًًًًًًًًًًًًٍٍٍٍٍٍٍٍٍٍٍٍٍٍٍ في بلاده

وثرواتنا وارزاقنا منهوبه ..واديارنا محتله ومغصوبه =ولعراض تهتك والدمامسكوبه ..ذنب العرب في اعناقكم يالقاده

الحرب حرب ارهاب في الاعلامي ..وبوش الصغير الي نطقها حامي =حرب الصليبين والاسلامي ..اضهر لسانه مايكن فواده

والبيت الابيض منتزه شاروني .. وشيوخه من اللوبي الصهيوني =ملعون ابو من يأمنه ملعوني ..ساسه يهود وقبته وعماده

وهئيه الأمم لو رحتو ولو جيتو ..اصواتهم تصمت لنقض الفيتو =لعبه تسالي بين حلف النيتو ..وضحكه جحابسرداده ومرداده

بكمديفد واسلو لغايه طابه ..لامتشل لشرمك ياشيخ ابقابه =هذا طريق الخرطه الكذابه ..وخطه وعد بلفور وواصى احفاده

قال العرب من بينها متفقه..ماتتفق في الراي لوهي تفقه =فيهم عميل ونشتريه بصفقه ..وفيهم شريف نحاربه بولاده

فرق تسد بين العرب في ساعه ..تكسب حدا الثنتين سمع او طاعه =واللي يعصى وحداني اللو اذراعه ..ابدبعمود البيت ثم اوتاده

بلاش من حرب الدمار الشامل .. النفط في يدين العرب بالكامل =اقوى وسيله ضغط واقوى عامل ..ولا سياسه سيدات الساده

..................... .................................................. .................=............................ وخطط ونفذ خطته ومراده

الاالملك فيصل عساه الجنه ..اخذو الشجاعه والسياسه عنه =هدد مصالحهم وهابو منه ..بالنفط تصديره ولا ستيراده

ضغط عليهم لين قالو دنجر..دنجر خطر والكونقرس جاء منجر =فورد الرئيس وارسلو كيسنجر..اهتزت امريكا سنه وزياده

عهد الملك فيصل وعبد الناصر..وعصر انور السادات ماجاءقاصر=فيها العدو عند الحدود محاصر..لولا جيوش الغرب بيد اباده

يالله تبدل ضعفنا بالقوه ..وتلم شمل فرقوه اللوه = حتى ننول الغايه الــــــمرجوه.. يالله بيوم نحــــتفل بعياده

يالله يارب اليتماء الرضع ..ورب الارامل والشيوخ الركع =ورب التقاه الي لوجهك خشع..يالله بيوم ..نفتخر بمجاده

يالله بيوم ماتطير طيوره ..فيه اليهود وجندها محشوره =واتباعها واذنابها مبتوره ..يوم مثل غزوه بدر ميعاده

انا لامطرف ولا ارهابي ..مسلم سعودي معرب الاانسابي =اصدع بكلمه حق لا ماهابي ..الموت واحد كلنا وراده

والله لاقول الحق لو وحداني ..والله لا جاهدهم ولو بالساني =ولا فلاني محمد القحطاني ..ولا همني عاذل ولا نقاده

وعندي نصيحه للشباب المسلم ..لاتنجرف بسم الجهاد وتضلم =ولاتنخدع وتقول مالا تعلم ..ماكل من يقتل شهيد جهاده

الي بيجاهد فيي الكفايه فرضه ..عن نفسه وعن ماله وعن عرضه =وعن معتقده ودينه وعن ارضه ..لابد يضمن صحه استشهاده

من يقتل المسلم ويهدر دمه ..ومن خان في معاهد ماعنده ذمه =هذا انحرف عن مذهب الائمه..وخالف نصوص الشرع حسب افساده

ايه جهاد صار واي مجاهد..يقتل اخوه ويستبيح معاهد=الدين حرمها بحديث وشاهد..خاب وخسر من فعلته وعناده

هذا هو الارهابي المتلبس..بثوب الجهاد وينضبط متدبس =يقطع وجيه بالضلاله عبس..المبتدع في الدين حنا اضداده

من شذ عنا وابتدع له بدعه..الواجب نعالج وندرس وضعه =بالنصح والارشاد ولا ردعه..لابد نقصر خطوته وقياده

حنا على نور الكتاب المنزل .. وهدي الرساله والرسول المرسل =محجه بيضاوشرع ومنهل ..من ضل عنها ماهتداءفي عباده

حنا هل التوحيد شعب وحاكم..وطاعه ولاه الأمر ماتخفاكم =فيه الله وفيها الرسول اوصاكم ..في غير معصيته وغير الحاده

وبين الرجاواليأس يوم وليله ..خيل سحاب الصيف يالي تخيله =من فوق تونس والهبوب تزيله ..يسبق سنا برقه على رعاده[/poem]

__________________
قلت انا عضم النحر راس البعير ***من بني قحطان بن هود ومجار