بسم الله الرحمن الرحيم
السلام عليكم ورحمة الله

أحبتي أقدم لكم هذه القصيدة التي حقيقةٍ أعجبتني وهي مسماه " الإستغاثة " التي أتمنى من الله عز وجل أن يتقبلها ويرزقنا الخير

مع بداية الموسم الجديد

يالله يـا رب يـا رحمـن يـا والـي
يا باسط الرزق من مقامـك العالـي

أسألك باسماءك وبصفاتـك الحسنـى
من ما تجود به عن ضيقـة أحوالـي

جيتك وانا يا إلآهـي منكسـر باكـي
طالب نعيمك قبل لا أشوف الأهوالـي

لني أنا معتـرف فالحـال و امقصّـر
ما أبغاك تكتب نصيبي من جزا أعمالي

نلجأ بك اليوم عن مـا فـات ياربـي
ولا تمنع الخير .. فال الله ولا فالـي

نرجوك نو المطـر لا تخّـر قدومـه
بأسباب ذنبي انا .. واللي من اشكالي

الوسم اشوفه لمع وسط السما نجمه
وانا اخيله وألآآآلي .. مثل ما يلاالـي

واطبلك يا مصرّف النـو ومراهيشـه
خير ٍ يعـم البـلاد ويحيّـي البالـي

غيثاً هنيئـاً مريئـاً طيـب ٍ طاهـر
من مزنة ٍ وبلهااا شهريـن همالـي

تحيا به النـاس وتخضّـر مرابعهـم
وتسيّل الوادي اللي دهر مـا سالـي

شفقان اشوف الربيع بديرتي عامـر
الشيح والنفـل والاعشـاب تختالـي

وودي أمـد النظـر فالخيـر وأيامـه
البل منـا .. ومنّـا أبـوي وعيالـي

وأزهـب الجيـب واكمّـل معاميلـي
واخاوي القرم واظرب فيـه الأمثالـي

اللي ليا قلت يالله ، قال يا عووونـك
رابي على الأوله ما عـاش للتالـي

ذيبان لا جاء معي في مجلس ٍ طيّـب
يبيّض الوجه في قولـه و الأفعالـي

واطلبك يالله في عيش ٍ رغيـد ٍ لـي
في جنة رزقهااا مـن غيـر مكيالـي

و حرم علينا انا واللي قراء شعـري
نار ٍ تلضّى وقود .. وحرهـا صالـي


وسلامتكم جميعا
القصيدة لشخص ملقب نفسه " حضري وبس "
منـقول

أخوكم أبومصعب
__________________

مشكور أخوي مصعب على هذه القصيدة الرائعة والجزلة ...

ويسرني مشاركتك معنا بإستمرار ...

ننتظر جديدك