الصبـي وان طـاب طيبـه مـن خوالـه

أخي العزيز
الابيات أضنها معكوسه
ممكن خطا كتابي
مثل انت كاتب كذا

كلمة يلعبها والبال زيني
قالها بن الذيب من هاجوس باله

الصحيح
قالها ابن الذيب من هاجوس باله
كلمة يلعبها والبال زيني
وهكذا الباقي
لك تحياتي وارجو العذررررررررر

__________________

ارحب اخوي فلاح
يا سلام عليك وعلى مواضيعك
قصيدة تاريخية جزله وقصة رائعة وفقك الله

__________________

قالها بن الذيب من هاجوس باله
كلمة يلعبها والبال زيني

قالها يومه طراله ما طراله
مادرا أن الموت في حبل الوتيني

غرني بعض الرجال بكثر ماله
من هواجيس تشيب المرضعيني


كيف ينفعني وبعض الناس خاله
وما يقوم البيت دام الساس طيني


ناس وين اللي عوايده الشكاله
مثل ابن ظافر حمد ذرب اليميني


الثناء والجود دايم في خياله
علمه ظافرٍ سلوم الطيبيني


جود العليا وقضبها عياله
وادركوا من علمته دنيا وديني



واهني من باع حظه واشتراله
سار في درب النبي واخزا اللعيني


موقفه ما كل رجالٍ يناله
من بغى ممشاه يقعد مرتيني


وكم ذبح من حايل من حر ماله
وعادته لطمة خشوم العايليني


حالف ما أخذ من الطرقي رياله
وبثلاث محرم انها ما تجيني

لا لقيت اللي على السكة لحاله
يلتفت ويقول وين المستحيني

ياقف الموتر حيا وابغي الجماله
يوم ولد اللاش وجه ما يليني

الطمع في كروت الرجلي رذاله
خصبه وانجا مجال الغانميني

والردي في حالة ما هيب حاله
يا عوينه من كلام الطيبيني

والردي كوبان ما يذكر مجاله
ما يعد اللاش مقصور اليميني

أركبه لعيون من زين دلاله
ما تحاكوا في قفاه الرامسيني

ما بغا غيري وانا ما ابغي بداله
قاعد لي بالرجا مدت سنيني

الولد وان طاب قالوا من خواله
وبلخوال يسال قبل الوالديني


واشرب الفنجال واكب البياله
تابع سلمى لسلوم الأوليني

وما قعدنا في العمل نبغي الرزاله
ناخذ العليا طريق الفايزيني

كذا صح

__________________
لله الامر من قبل ومن بعد