الرد على الشاعر الحربي الذي مدح عتيبه بعد تأهل الشاعر يوسف العتيبي

بسم الله الرحمن الرحيم ...

البارحه الفجر جاتني قصيده يفتخر فيها الشعر / عبد الرحمن الحربي (عن طريق اخوه الصغير ).. بعتيبه ووقفتهم البطوليه بتأهيل ابنهم الشاعر العصيمي ... والصراحه بعدها ركبتني السكون ومقدرت اسكت ونا جاني العلم ...
ماني بشاعر يوم ارد عليه .. بس هذا اللي قدرت عليه واعذرونا على القصور ..

ببدا بقصيدته :


[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الا ياحرف شعري قوم وانهض=ولاتجزع ولا ابيك انهزامي

يشيب الراس من شي نشوفه=ولانجزع ولا منه نظامي

سمعت الحق يصرخ ياجماعه=وفزعوا له هل الفزعا الكرامي

بعد وقفة عتيبه مع ولدهم=عرفت الحق سلوا له حسامي

حسام من عتيبه ضد منهو=يحاول يطمس النور بظلامي

عتيبه ياعتيبه ياعتيبه=انا اشهد فزتوا بكل احترامي

حلفتوا ولد عاصم مايطلع=ووفيتوا ولا حل الصيامي

ولاهي وقفة منكم غريبه=مواقفكم من عصور قدامي

ولاجحد وقفه لكل القبايل=بهم ناس كريمين حشامي

صريحه معلنه في وجه حاقد=يحسب العز في فعل النعامي

يخبي وجهه بنبز ومعرف=وعلى اهل العز يرمي هالسهامي

سهام الحقد من هرجه يبين=خبيث الطبع حصل لنهزامي

وانا من حرب ساقتني حميه=شبابه عزوتي وايضا حزامي

ابارك ياعتيبه فوز يوسف =ابارك فوز ذا الحر القطامي[/poem]



الشاعر/عبدالرحمن السعير


وكان ردي له بكم بيت واعذرونا اذا فيها كسور او شيء منذا .. كتبتها بسرعه ,,,
وخاصه بعد تدخل خلف بن هذال في رفع نسبته للاطلاع على موضوع مبارك جعني افداه اضغط هنا

[poem=font="Simplified Arabic,4,green,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
بابدا باسم ربي والتحيه = معا الرحمه وتعظيمت سلامي
وخذ قافي ياسلفر وانتبهله = وعاطه خوك مع جل احترامي
سمعن هرج في قافن كتبته = وهرجن قلت ما وافق نظامي
ترى علمن وصلنا يا بو داحم = مصيبه كان مضمونه نظامي
سمعته من مبارك يوم قاله = بغيت اموت يوم قاله امامي
يقول الذيب انه ما تاهل = ولد برقا مشبعت السهامي
ترى فوزه يعور قلب عاقل = اذا كان انتصاره في ظلامي
ترى اكل الفقيّر ون تواضع = اشرف من ذبيحه مع حرامي
وطلق العين في جون يهول = مهو مثل المناظر في الغمامي
وصيد الحر في وضعن تكانه = مهو مثل المطارد والحمامي
ابن هذال حلف انه يؤهل = عقب ماشاف ظلمن وانظلامي
انا اعجبني يوم انه تدخل = وافخر فيه وسجّل انضمامي
اذا كان العتبي شد وزره = وقال الحق وقبت بحتدامي
نقد خمسه وسفلهم تسفل = عسى لسانه يزين ومايظامي
يباريهم بقاف زاد وزنه = وفهاجو فيه جعلها في العظامي
وشانت نسبته وزانت علومه = وبان الحق يوم جاه القرامي
من العشرين رفعها لاربعيني =وذي النسبه مفيها انهزامي
يا ليته يوم تدخل كان اعلن = بانه جاء لقول الحق حامي
تساسر من وراء البيبان شينن= يشين العلم وما زانه غلامي
و اذا كانه تاهل عن ولدنا = ولدنا الذيب الحر الهمامي
جعل تفداه كل حره ابيه = يعله يدوم ذا القرم القرامي
ترى حنا اذا هجنا نخوف = وذبح الذيب مثل عض البهامي
وخذ قافي وبلغ طير شلوى = ترى علمي من عوال العمامي
مبارك بن سعيّد راس مالي = عسى افداه في طول الدوامي
وبختم في القصيده ذكر ربي = وذكر الله يزينه من ختامي
وصلى الله على محمد نبينا = وخذ قافي مع جل احترامي [/poem]

وسلامتكم جميييع ,,,

اررررررررررحب يابو عايض...

العرب خذوها فشيله .. اما انا ماني مقتنع فيها نفدا راسك
واشك انها منافسه شريفه طال عمرك ,,,

ولاهنت عمومن وبيض الله وجهك

ارررررررررررحب يا عايذ ..

والتعليق لك ولابو عايض,,,


والظاهر انه يقصد في البيت حلف عتيبه مع حرب ( حلف الشبابه)
طبعن ماذكرت حلف يام وقحطان وافتخر بفوز ابن فطيس .. ومابغيت ادخل القبايل في الشعر زي ما دخلوها غيرنا ,,,


أتمنى اني وجه نظري وصلت لكم نفداكم