مشتاق قلبي للوطن والقبيله

للصدرً هيض و غيض يادار برلين
مشتاق قلبي للوطن و القبيله
يا ليل تجار القفا مستمرين
لو كحلنا سد العيون الظليله
عزي لـهـم لانذاع سر المضامين
واصبح عميل الشر يلعن عميله
قـوم البــلاسـه ماتحب البراهين
واللي يبيها بالحيل وا حليله
ماكن فـــالدنيـــا بقابه قــوانين
ســود النـوايـا الوزن دايم تميله
ماصيـــح لو انها على القلب سكين
مـيـر الطعــون بغــاربي واحتمي له
العذر وش هو ؟ دام الاجواد غاديين
وخليف نعرف غايته والوسيلة
لومــي عـلـى العذال واللي مواليين
واهل المصـــالح بالرضا تنثيله
اوكل المعبــــــود دنياي والدين
لو يدفل بلحيته رعا البليله
لو عاقل المره خلاف المجانين
ما كان نسمع بالحكم و المثيله


ناصر ال جمان
برلين
16سبتمبر.

__________________

صح لسانك يابو زياد
و قوودنتاق

الوطن له وحشه غريبه حتى لو يطلع الواحد يومين او ثلاثة


لكن الحياة كذا.....
اقل شي تبعد عن اهل البلاسه والنوايا السود

ترجع بالسلامة ونبي ابيات بالالماني.

__________________
مجموعة من صوري





مدونتي

صح لسانك وان شاء الله ترجع بالسلامه..

صح لسااانك يا ذيبان وااااصل