[- افارس الحرف + الرحال -]

[frame="10 50"][poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

فـــــــارس الــــحــــرف=
"
سلام تسليمه لها قيمـه ومعنـى واحتـرام=نعدها واللـي عقـد روس الحبـال يحلهـا
مادمت يالرحال راحل لا تجي في حد يـام=اللي يجي في حد يام اتمـوت ربعـه كلهـا
"
الـــــــــرحـــــــــال=
"
يامرحبا طيب ونبا يااللـي بدانـا بالسـلام=يابوسعـد واهـل الدلايـل ماتغيـر دلهـا
نرحل ونرجع والفعول شهود ماهي بالكـلام=دامك تكلم باسم يـام ارجـع ليـام وقلهـا
"
فـــــــارس الــــحــــرف=
"
دام البقا لله واللـي فالمواقـف مـا تظـام=والحمله اللي جايـره نـوخ لهـا وشتلهـا
اللي نضج قرصه معاد الا يحضر فاليـدام=لاكن دوّر شجرة ترتـاح بطـرّف ظلهـا
"
الـــــــــرحـــــــــال=
"
أثّر علاك اللي يـحللها ولوكانـت حـرام=بالك تبا تخشـر معـه لكـن هـذي زلّهـا
لن جاد حب السنبلة جيناه في يوم الصـرام=أناوكيـل القـوم فـي دقّ العلـوم وجلّهـا
"
فـــــــارس الــــحــــرف=
"
ماتدري ان العيد يلفي بعد شهر من الصيام=تلبس به الناس الجديـد وكـل كبـد يبلهـا
لن جاد حب السنبلة مالك شراب ولا طعـام=تمسح دموعك والسيوف المرهفـات انسلـه
"
الـــــــــرحـــــــــال=
"
عيدي سنة والاّ انت عيدك يوم تحلم به حلام=واصل صيامك والحلوم اوهام ماتاصل لهـا
ياكثر هدرك ياجملنا وانت راسك فالخطـام=عشرين سيف مسلّطة فوقك ولاتفطـن لهـا
"
فـــــــارس الــــحــــرف=
"
انتـه تباهـا فاللحـم ولا تباهـا فالعظـام=معاد تنفعك الجمـوع اللـي تبـا ترسلهـا
مار افرحي يا ام القيود اللي لها 50 عـام=ام الزميم غطرفـت تسمـع حدايـة خلهـا
"
الـــــــــرحـــــــــال=
"
هذي سواليف السعة لاانتـه ولاقايـم مقـام=لاثارت الهيجا وعجّ غبارهـا ينـزل لهـا
إقبل عزانا فامّ قيد وداو جـرح ام الزمـام=والكلمة اللـي مثـل هـذي لاتزيـد تعلّهـا
"
فـــــــارس الــــحــــرف=
"
انته علومك تصغر وتكبر كبر بيض النعـام=احرس عمامك لاتضيّع ضانهـا مـع بلهـا
ام الكبايرفعلها جاير تحـت جنـح الظـلام=ون ما أفجعتك ام الكباير فاعجتك اخت الها
"
الـــــــــرحـــــــــال=
"
العام سدّيت الدروب اللـي تبلغـك المـرام=واليوم لاصعبت عليك احفر لها وادفن لهـا
يابدو سيل الضلع لايقتـش سكـان الخيـام=بعض العرب ماميّزت في عزها من ذلّهـا
"
فـــــــارس الــــحــــرف=
"
السبع ماترقد عيونه وانتـه عيونـك تنـام=في نومة النايم سبـاع الليـل تبـرد غلهـا
يالشاعر الرحال طاب الفال ونقول الختـام=عندك وانا وياك سمحـات الـدرب اندلهـا
"
الـــــــــرحـــــــــال=
"
يااللي تركت الفرض وتصحي الخلايق للقيام=ليتك تفقّد مابقي لك مـن صـلاة وصلهـا
العذر منكـم والسموحـة لاتلـوم ولاتـلام=واصحابنا لوطال مشـوار السفـر مااملّهـا [/poem][/frame]

__________________

صح لسانكم

وبيض الله وجهيكم علي المحاوره


تحياااااااااااااااااااااااااااااتي لكم

__________________

ارررررررررررررررحب يا وجه محلف

وصح الله ألسنتكم ياشعار وبيض الله وجيهكم

عز الله طاروق كايف ... امتعتنا عسى الله يمتعك بطولة العمر


ولا تحرمنا من مشاركاتك وجديدكـ

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

لاهنت يعطيك العافيه





تحياتي

__________________