[[أدى بصدري عبرتي وبكائي ]]

بسم الله الرحمن الرحيم

قصيدة الشاعر والفارس المشهورالغيهبان المري ,,


[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
دارٍ عفت من دار ساكن حيها=أدى بصدري عبرتي وبكائي
دارٍلصافية الجبين محلها=دارٍ تبوج حنادس الظلمائي
أخوي يقول انك تشوف حليلتي=حاشا ولا لدتَ لها عينائي
تكرم من الهرج الخبيث لحانا=وفروجنا تكرم من الفحشائي
ياعم لاترضى علي بقلَه=بالكثر ياعمي وحن اشوائي
ترى الحرار عيالها ثلاثه=وترى الدجاج يكثر الاضنائي
انشد عني ناصر بن مقرب=راعي الغيان وراعي الصفرائي
يومٍ لحقته في المضيق فقال لي=يأمن وياسر ان بغيت جزائي
عدلت راس الرمح ثم ركزته=في راعي المجبوبة الحمرائي
ياالله يالمطلوب ياجزل العطا=اللي بغيت الكامتين ادرائي
اللي الى من قال كن كان الحيا=محيي العضات البايده بالمائي
انا بليت بغلمةٍ لم يفهموا=الا بكثرة شقوتي وعنائي
ابليس والدنيا ونفسي والهوى=كيف النجاة وكلهن اعدائي
ابليس يوزي بي لدرب مهونتي=والنفس توزي بي على البلوائي
قال الشبيبي والذي له سابق=من خيل نجدٍ مهرةٍ شعوائي
ابرَها ولابعد ركبتَها=الا نهار ورودنا لطوائي
كودٍ على الرجل القصير يعنها=الا يعرضها شبه سندائي
سميَت بالرحمن ثم ركبتها=بسيف هو والجوخة الحمرائي
يوم جيت لاذي كاعبي مسلوبه=تذرف بدمعة عينها النجلائي
بيضا وخالطة البياض بحمره=مثل الذهب في الفضة البيضائي
ثم قلت يابيضا عليك بسترك=الستر تحت البيضة النصبائي
كاني لحقت البل ولا رديتها=فانا رقيد القينة السودائي
لحقت كبير القوم ثم قضعته=قضع الجمال السود في الظلمائي
ذبحت منهم سبعةٍ مع ثمانيه=ورديت جزلاهم على الهزلائي
ذا قول منهو ما غدا في زله=عند الرفاقه كلهم طرقائي
الا ورا بدوان يام شالح=بمسلهب وطويلة العلبائي
قلته وانا من راس غلبا لابه=ماهم بقصار البتوع اشوائي
اهل تطاليع القفور ليا وزى=في القيظ راعي الفرقة المعزائي [/poem]

__________________

لاهنت يابو فيصل

الله يغضي ابصارنا ويستر عوراتنا ويقيل عثراتنا

تحياتي

أستاذنا أبو فيصل بيض الله وجهك وما قصرت وإختيار موفق بس عندي ملاحظه هذه القصيده موضع جدل

بين الغيهبان المري وأحد الأدباء والأرجح أنها للغيهبان ولكن عليها جدل كبير مشكور لاهنت,,,,,,,

صح الله لسان الناقل

ورحمة الله على القايل


لاهنت يا ابو فيصل اختيار موفق يالقرم وهي عادتك

شكرا بارك الله فيك

لك مني اجمل تحية

لاهنت



يعطيك العافيه



تحياتي

__________________

لاهنت على القصيده الجزله

ولاهي غريبه عليك يالذيب

لاهنت

__________________

سلمت اخي الظور بيض الله وجهك............

__________________

مشكور يابندر لاهنت..........

__________________

أخي الكريم إبراهيم شرفتني شرفك مولااك جعل عمرك طويل لاهنت..........

__________________