مساجله بين محمد ابن هادي وشافي بن شبعان شيخ بني هاجر

يروى في كتاب (من ادابنا الشعبيه في الجزيره العربيه )لمنديل بن محمد بن منديل الفهيد مايلي:
انه حصل خلاف بين بني هاجر والعجمان قام شيخ بني هاجر شافي بن شبعان وأركب لابن هادي شيخ قحطان يطلبه النجده ومقلد الذلول(همل)وهو نوع من الهرس تستعمله الباديه بينهم اذا حصل عندهم شدة حرب يرسلونها لاقرب مالهم لطلب النجده فبقول ابن شبعان :
ياراكب حمراء بلونه ســــــحامه ترعا الزهر لين الشحم فوقها زام
فوقه صبي ماتغير كلامــــــــــه يدي الخبر يم الرفاقه بالاولام
ياجنب تركو الرثا والحمامـــــــه احمو لنا من قبل حل التندام
صبيان قحطان غشاهم ملامـــــه والها على صبيان جنب تلملام
حنا كما مايح ثمانين قامــــــــه هيما وفي جيلانها تسعة اهيام
مايظهر المايح من اقصى غمامه خطر على جيلانها بالتهدام
حنا شوي وحاميتنا القرامـــــــه قطاعة تنطح ولو كملو يام
ارماحنا وسط المدينه علامـــــــه مع الصحابه قاتلو ذيك الايام

يقصد جدهم سلطان العبيدي اللي قاتل مع الصحابه وذريته ال محمد والمخضبه.

ورد الشيخ ابن هادي عليه يقول :
ياسابقي تستاهليــــن السلامــــــه الله يجيرك من بلا سو الايام
لابد من يوم نطـــــــــــير قتامـــــــه اما على المطران ولا على يام
ياذا البهم والله تباري الجهامــــــــه لما تجي من بين صفوه والاوجام
لي لابة حولتهم من تهامـــــــــــــــه سلاحهم مخ الفرنجي والاورام
حنا كما سيل يطـــم العدامــــــــــــه حول على طاش البحر له تلطام
وان كان عندك للمســـير كرامـــــــه عجل ترا ربعك مشافيق وحيام
كرامـــــة ترث عليكـــــــم ندامــــــه تصبح ذراريكم مراميل وايتام
كم كان شيخ قوم مطلقين حزامـــــه من عقب لبس الجوخ قدو له الخام
وان كان تطري السيف تفضح لحامه ولو هو على الدوشان ماكان تندام

صح لسانك وابيض وجه وماشاء الله عليك نشيط وحار
لكن وش قصد ابن هادي يوم يذكر المطران

ابن هادي يمكن يكون قاصد المطران لما كان بين قحطان والمطران من غارات ومعارك وسط وشرق نجد في تلك الفتره حيث ان المطران كانت من اكبر القبائل المنافسه لقحطان في تلك الفتره.

قبيله مطير كانت تحكم نجد قبل قحطان وبعدها نزل الشيخ عثفر العماج وقحطان وخذو نجد وقتلوا الشيخ وطبان الدويش وهذي قصيده
ياحسفتي ياذبحة الشيخ وطبان عند ابيض المشعاب والبندقاني



وباقي القصيده لايحضرني

صح السانك ولاهنت على نقل المساجله


وبيض الله وجهك


ولاعدمت يمناااك يالذيب


أخوووكم \ كحـــــــــــيلان

__________________

بسم الله الرحمن الرحيم السلام عليكم ورحمة الله وبركاته شكراً لك اخي الكريم على هذا المشاركة وبيض الله وجهك انت وكل من اجتهد في الرقي بهذاالمنتدا

اخواني اعتذراذاحصل اغلاط املائيه اولغويه لاني جديد على النت وشايب والمعلومات 0000000000000ماتحصى اقدم لكم تحياتي للامام ياعوال الشايب وان الله احياني شاركت بمايفيد لكن بعد الالمام