شالح بن هادلان ير ثي اخوة الفديع

السلام عليكم ورحمة الله وبركاته
اقدم لكم قصيدتين للشاعر شالح بن هدلان القحطاني رثاء في شقيقه الفديع وابنه ذيب وان كانت القصيدتين مشهورتين الا ان كثرت قصائد الرثاء في المنتدى جعلتني لا احاول الخروج عن المسار

في اخيه الفديع

امس الضحى عديت روس الطويلات ... وهيضت في راس الحجا ماطرالي
وتسابقن دموع عيني غزيرات ... وصفقت بالكف اليمين الشمالي
وجريت من خافي المعاليق ونات ... والقلب من بين الصناديق جالي
واخوي يلي يم قاره خفا فات ... من عاد عقبه بيستر خمالي
ليته كفاني سو بقعا ولا مات ... وانا كفيته سو قبر هيالي
وليته مع الحيين راعي الجمالات ... وانا فدا له من غبون الليالي
واخوي يلي يوم لخوان فلات ... من خلقته ماقال ذا لك وذا لي
تبكيه هجن تالي الليل عجلات ... ترقب وعدها يوم غاب الهلالي
وتبكي على شوفه بني عفيفات ... من عقب فقده حرمن الدلالي
عوق العديم ان جاء نهار المثارات ... والخيل من حسه يجيهن الجفالي

في ابنه ذيب

ياربعنا يلي على الفطر الشيب ... عز الله انه ضاع منكم وداعه
رحتو على الطوعات مثل العياسب ... وجيتو وخليتو لقبي بضاعه
خليتو النادر بدار الاجانيب ... وضاقت بي الافاق عقب اتساعه
تكدرن لي صافيات المشاريب ... وبالعون شفت الذل عقب الشجاعه
ياذيب انا بوصيك لاتاكل الذيب ... كم ليلة عشاك عقب المجاعه
كم ليلة عشاك حرش العراقيب ... وكم شيخ قوم كزته لك ذراعه
كفه بعدوانه شنيع المضاريب ... ويسقي عدوه بالوغى سم ساعه
ويضحك ليا صكت عليه المغاليب ... ويلكد على جمع العدو باندفاعه
وبيته لجيرانه يشيد على الطيب ... والضيف يبني في طويل الرفاعه
جرحي عطيب ولا بقى لي مقاضيب ... وافخت حبل الوصل عقب انقطاعه
كني بعد فقده بحامي اللواهيب ... وكني غريب الدار مالي جماعه
من عقب ذيب الخيل عرج مهاليب ... ياهل الرمك ماعاد فيهن طماعه
قالو تطيب وقلت وش لون ابا طيب ... وطلبت من عند الكريم الشفاعه
انا بنذر اللي من ربوعي يبا الطيب ... لاياخذ الا من بيوت الشجاعه
يجي ولدها مذرب كنه الذيب ... عز لابوه وكل ماقال طاعه
وبنت الردى ياتي ولدها كما الهيب ... غبن لابوه وفاشله بالجماعه
ياكبر زولك عند بيت المعازيب ... متحري متى يقدم متاعه

الله يرحمهم ويغفرلهم ونعم الذكر والسيره

من اجمل القصايد في الرثاء


لاهنت يا حمود جعل ابوك في الجنه

تقديري

الله يرحمهم والقصيدتين تعتبر اسطورة في الرثاء الف شكر

__________________

الله يرحمهم ويغفرلهم ونعم الذكر والسيره

من اجمل القصايد في الرثاء


لاهنت يا حمود جعل ابوك في الجنه

__________________

أرحب يا حمود ..

بيض الله وجهك على الطرح الوافي ..

رحم الله الشيخ الفارس شالح بن هدلان وأخيه الفديع ..

فلهم قصص وتاريخ تكتب بماء الذهب ..

لاهنت وتستاهل سمعة ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ارحب ياوجه ال محمود

الله يعطيك العافيه على الموضوع

والله يرحم الشيخ الفارس شالح بن هدلان واخوه وابنه

سطر التاريخ غفر الله لهم


هذه القصيده صوتيه في رثاء الفديع

اضغط هنا لتحميل الملف

خالص الود

اخوك/عبدالله السحيمي

__________________
سبحان الله وبحمده

سبحان الله العظيم


[COLOR="Red"][SI

انا بنذر اللي من ربوعي يبا الطيب ... لاياخذ الا من بيوت الشجاعه
يجي ولدها مذرب كنه الذيب ... عز لابوه وكل ماقال طاعه
وبنت الردى ياتي ولدها كما الهيب ... غبن لابوه وفاشله بالجماعه
ياكبر زولك عند بيت المعازيب ... متحري متى يقدم متاعه


ارحب ياحمود

والله يرحم شالح ويرحم اخووهـ وولده ذيب

لاهنت ياعلي القصايد

تحياتي لك

__________________

لاهنت ياحمود وتقبل مروري

__________________
ابو نواف ابن جريب

مشكورين على المرور
وبيض الله وجيهكم
اخوكم:حمود



ومشكورين

الله يرحمهم ويغفرلهم ونعم الذكر والسيره

من اجمل القصايد في الرثاء


لاهنت يا حمود جعل ابوك في الجنه