قصيدة لغالب بن فتنان

السلام عليكم ورحمة الله

هذه قصيدة قالها غالب بن فتنان الروقي رثاءا في محبوبته ، وهو من شعراء العصور الماضية ، وانقلها لكم مع عدم احاطتي بالقصة ، ونقلتها من كتاب :

الاتحاف من شعر الاسلاف لجامعه مبارك عمرو العماري .

اترككم مع القصيدة :

[poem=font="Simplified Arabic,4,green,bold,normal" bkcolor="transparent" bkimage="backgrounds/19.gif" border="ridge,4,gray" type=0 line=0 align=center use=ex num="0,black"]
يا مربع جعل السحاب يتقداه=حيث إنها مدهال زين الرقومي

عسى السحاب الغر يمطر على ماه=من مزنة يصبح بردها جثومي

هذي مقاطينه وعرجا مشتاه=إلى انتحى يرعى نبات الوسومي

ونوب على الريان يشرب ركاياه=ونوب على القطعان بالقفر يومي

شربه من ألبان العراب المعدواه=من در نابية السنام الردومي

ياطول ماني قد تمخليت وياه=من بيننا نرمي جديد الهدومي

واليوم كني مثل جربا امطلاه=تصقر إلى هبت عليها السمومي

عشيري اللي مانوى القلب ينساه=ما دامت القبله مغيب النجومي

طول الليالي ما تنسيني إياه=ما زلت حي والقوايم سلومي

مريت قبره.. قلت ياقبر أنا إياه=قال إنقلع .. لياك حولي تحومي

قلت أظهره ياقبر لين أتحلاه=لى صارت الفرقا علينا لزومي

قال إن خلك دامت اليوم فرقاه=من طاح في خرب الجبا مايقومي[/poem]

وسلامتكم

سلمت ياذيبان

صح الله لسان غالب

ولاهنت يابن الاروق

اخوك ابن شويه

__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياطول ماني قـد تمخليـت ويـاه=من بيننا نرمي جديـد الهدومـي

واليوم كني مثـل جربـا امطـلاه=تصقر إلى هبت عليها السمومـي [/poem]

بيض الله وجهك يأبن الأروق

والله قصيده معبره جدا

والله معااااانااااة فعلا

يعطيك العافيه

__________________

ابن الاروق قصيده محزززززززززززززززززززززززززززززنه
والله يرحم قااااايلها

ومشكووررر على النقل

اخوووووووووووووووك ابن عاااااااااااااصم

إبن شويه

فارس قحطان

إبن عاصم


لاهنتوا جميع على مروركم الكريم ، ووجيهكم بيضا وتسلمون