هذي آخر قصيدة اطرحها هنا
وبعدها نتمنا لكم التوفيق وفي أمان الله.
[poem=font="arial,6,black,bold,normal" bkcolor="transparent" bkimage="" border="double,4,black" type=1 line=0 align=center use=ex num="0,black""]
ستبقى عزّتي هـي رأس مالـي = ولي قدرً مـع زحـول الرجالـي
أكوّن لـي مـع الوافـي صداقـة= واقصّرهـا مـع أقصار الحبالي
ولكن مأستهيـن بـرأي غيـري = له أصغي دام للوضـع احتمالـي
واليا منه انكشف عيبـه وجهلـه= وعرفت إن فكره من العــِرف خالي
تجاوزتـه وحطيته اخلافي = وخلّيـت الهزيـلـة للهزالــي
واليامـن جاتنـي منـه المذمّـة = رفعـت النفـس عنهـا لا أُبالي
علـى الأوراق أدونها كتـابـة= واصفّــطها تحـت وطيـة نعالـي
فهيّـاء أكتبـوا فينـي وذمّــوا = وطولي يرتفـع وأصير عالـي
(واليا حسّيت مـن خلفـي بركلـة= فأنا الأول وأهلهـا فـي التوالـي)
فمن حاول ينقص من مقامي= يموت وغم نفسه لايزالي
ولو هب الهواء بأقـوى هبوبـه = يجـي ويـروح ماهـز الجبالـي
ولوجات البعوضـة للبعوضـة = وغنـت مـا درت عنـها الجمالـي
صدق من قال في الامثال قبلي=وبأستشهد بقوله في مقالي
(إذا الله راد للنمـلـة خــرابٍ = ظهـر فيهـا جناحيـنٍ طـوالـي)
وطـارت مـن مكانـاً يحتميهـا = وتقفتهـا عواصيـف الشمالـي.
يقولون الأقارب كالعقارب= تشيل السم لأعمام وخوالي
وبعضهم يبحث لهفوة رفيقه= يدربي له مع الجرف الهيالي
عسى من حط حفره لأبن عمه = عليه تهال من جال لجالي
وابو وجهين لوكان أبن عمي= بابيعه بيع في سوق الحلالي
وبأنسى رفقته واجوز عنــه=مادامه طول عمره ماصفالي
أبا القاله بديل يوم بعته= وهو يلقا من العالم بدالي
وبأبقى حافظ عرضه وسره=ودونه فالقسا لامن لجا لي
[/poem]
عبدالهادي بن سعيد المسعودي القحطاني.
__________________
[poem=font="Arial,5,black,bold,normal" bkcolor="transparent" bkimage="backgrounds/11.gif" border="outset,4,orange" type=0 line=0 align=center use=ex num="0,black""]
انداري الناس ونحاول نراضيها = وغير المشاريه ما خذنا ولاحاجه
[/poem]الشاعر/ سلطان بن بتلاء
http://www.youtube.com/watch?v=r-Kkc7UfZKc