الشيخ والفارس جديع بن مقبل ال الجرو


مجلس فرسان قحطان يعرض في هذا القسم فرسان قحطان وسيرهم وقصصهم

موضوع مغلق
قديم 26-10-2004, 02:26 AM
  #1
سعيد المهداني
عضو مشارك
تاريخ التسجيل: Sep 2004
الدولة: الدوحه_قطر
المشاركات: 137
سعيد المهداني has a spectacular aura aboutسعيد المهداني has a spectacular aura aboutسعيد المهداني has a spectacular aura about
افتراضي الشيخ والفارس جديع بن مقبل ال الجرو

[frame="9 90"]
هو الشيخ الفارس جديع بن مقبل الحاضر ال جرو _عبيده_قحطان .

زعيم وفارس قبيلة ال جرو،خاله الفارس المعروف ضويحي الجراش،
وقال جديع وهو يرثي نفسه عندما أصيب بمرض الجدري ووضع في
مكان معزول عن الناس :

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
يأهل الخيل الي عصير مروايح = ماترحمون الي بكبده صوالي
ماترقبون الي جراله سواميح = بقي عليه من أربعينه ليالي
محيز في رأس رجم من الريح = جديع حامي الخيل عز التوالي
دنيا كف الله شرها والسواميح = ياما خذت من طيبين العيالي
غارت على فرسان نجد الذوابيح = كسابة الطالات في كل حالي
مرً تماسيهم ومر مصابيح = وامرارتاخذ طيبين الرجالي [/poem]
ومن قصص الجرو قصة حصلت في عهد الشيخ الفارس جديع
والفارس الشهير ضويحي مفادها .

أن ال جرو كانوا على بئر أبالرخم قرب صبحا بنجد وكان يعمل مع
ال جرو رجل من شهران يسمى عكدان ألا ان هذا الرجل تركهم وادعى
أنه يريد الذهاب لاهله في الجنوب وفي الطريق قابل سبيع وهم يبحثون
عن الغنايم ( الكسب) فدلهم على ال جرو وتوجه معهم حسب قول الراوي .

وعندما أقتربوا من أبل ال جرو هرب الرعاة وأستنجدوا بفرسان القبيلة وعلى
راسهم الشيخ جديع بن مقبل وضويحي وغيرهم من فرسان ال جرو الذين
اشتبكوا مع القوم المغيرين على الفور في معركة شرسه أنتهت بأن فك ال جرو
أبلهم، وفي تلك الوقعة يقول شاعر من سبيع ضمن الغزو :

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
البارحه كني على الجمر مجضوع = أبكي خفى ومش بيدي دموعي
لاهمني فقر ولاهمني جوع = ولاهمني يكون فرقا ربوعي
عهدي بهم يوم أول الجيش مقروع = في لقاء قوم ماتعرف المنوعي
معهم حصان هو راعيه قاطوع = خيال حرد ولركايب طموعي
فيده قنا متوق وحذفه يروع = ولو قلت له المنع ماهوب يوعي
وجروية تلبس مجاويخ ودروع = وأفعالهم تذكر على كل نوعي
يوما غزيناهم وذيدانهم ارتوع = ماغيرت منا جنبها الرتوعي
كم واحد في دقلهم طاح مصروع = في دقل قوم ينطحون الجموعي
والي طمع منا فهو صار مطموع = ردوه مروين المغاليب طوعي
منهم دليلتنا ومن غيره اربوع = خلي عليه الطير يكفخ اسبوعي
هذا الذي هيض ضميري بمشروع = وغنيت به يوم الخلايق هجوعي [/poem]

ويقال أن ال جرو شد أغلبهم من الجنوب طلب للماء والكلاء في نجد،
وعادة مايقود هل الجنوب للشمال أو نجد الربيع أو الوسمي وبينما هم في
الطريق بين سقمان وضمار حسب ما ورد في القصيدة التي ستعقب
القصة ، في مكان يسمى أباالرخم أو الرحل أعترضت لها عتيبه ودارت
مواجهة الطرفين ، ومن ضمن القتلى من الطرفين عيال ابن حميد
بنيه ( ذعار ) وعمر والحشيشي ولا أدري هل هو فهيد أو فهاد وكلهم من
الفرسان المشهورين .
وعرض ال جرو على قائدهم الشيخ جديع بن مقبل دفن أبناء ابن حميد
فقال : جديع دعوهم فأنهم لا يستحقون الدفن .
عند ذلك قال الفارس المشهور ضويحي وهو بالمناسبه خال جديع بن مقبل
بل أن من دفنهم سوف أعطيه ناقتي (فلانه) وكان المنعى (الأسرى)
قد سمعوا مادار من حوار بين جديع وضويحي وجماعتهم . وعندما تم
إطلاق سراحهم نقلوا كل ذلك لابن حميد الذي ثار غضبا وحنقا على الشيخ جديع ،
حتى أنه قال لعتيبه أنا لاأريد خراج ومن حصل شئ فهو له ، كل ما أريد راس الشيخ
جديع حي ا أو ميتا .

يقول ابن شرهه ال مهدي عبيده قحطان في هذه الوقعة :

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
قلبي كما الملواح في كف صقار = الطير حشر والهبايب قويه
على بني عمي مدابيس الأشرار = كل أبلج يروي شبا العولقيه
زاعتهم النيه وحسكات الأوبار = صوب المهامل والديار الخليه
وعلى أبالرحل يذكر لنا صار ماصار = كم حد شلفا راح قد هو حنيه
يوم أشتبك عج الرمك دم وغبار = كم عقيد طاح في الجندليه
ياذيب ياللي بين سقمان وضمار = من راس رمح حويل دونك بنيه
مع الحشيشي قد طوينا به الغار = واللي عطانا أمس لقي مثنويه
وعمر غدا به لابة تكرم الجار = جروية ترد الخطر والمنيه
كله لعينا جل خلفات وعشار = والفاطر اللي جر منها خليه
عيا عليها عزهم للضيف والجار = وحربة جديع حامي الدوبليه
وضويحي اللي له براهين وأذكار = يشهد له التاريخ في كل هيه [/poem]


وقال سياف بن مهوس الفهري يمتدح الجرو وهم أهل للمدح صبيان قحطان .

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
جروية لا لقموها الأعنه = ربع تموج رقابها لتوالي
جروية ضيف الخلا تكرمونه = لا قلصت لاسعار والقوت غالي [/poem]

العوقليه : نوع من أفضل الخناجر.
بنيه : من عيال ابن حميد وقيل من عيال محمد بن هندي وأسمه (ذعار) .
الحشيشي : من فرسان عتيبه البارزين.
عمر : من عيال ابن حميد كذلك .

ونرجو من الأخوان اللي عنده اضافات انه يضيفها


المصدر : السيف والسنان عند فرسان قحطان
الكاتب: علي بن أبراهيم القحطاني

أخوكم
سعيد المهداني

[/frame]
سعيد المهداني غير متواجد حالياً  
قديم 26-10-2004, 03:37 AM
  #2
فارس قحطان
GM
 الصورة الرمزية فارس قحطان
تاريخ التسجيل: Jun 2004
الدولة: في قلب شبكة قحطان
المشاركات: 7,494
فارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond repute
Thumbs

سعيد المهداني

انا اشهد انك ذيبان وعلومك دايم ذربه

وماتجي الا بالعلوم الطيبه

شكرا لك على هذا الموضوع

وبالنسبه لآل جرو فمشرفنا الغالي
خالد

مجهز موضوع كامل عن آل جرو

وعن مقتل ابناء ابن حميد

ولكن فضلنا تأخيرها لعدة أسباب

لكن قريبا سوف يتحفنا بها خالد وبكافة قصص آل جرو



واكرر شكري العميق لك



اخوك
فارس قحطان
__________________
،



«لا إله إلا الله محمد رسول الله»



،
فارس قحطان غير متواجد حالياً  
قديم 26-10-2004, 05:40 AM
  #3
خالد آل مطرف العاطفي
إدارة المجالس
 الصورة الرمزية خالد آل مطرف العاطفي
تاريخ التسجيل: Sep 2004
المشاركات: 1,162
خالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant futureخالد آل مطرف العاطفي has a brilliant future
افتراضي مايجيب السوالف الذربه الا اهلها ...

ارحب ..ارحب ..ياسعيد ...

فعلآ استطعت ياسعيد بخبرتك ووعيك استنتاج مواضيع من العيار الثقيل ومن المواضيع اللي فعلآ يفخر بها
كل قحطاني ..
اما موضوعك ذا المرة ..عزالله انك اختارته بدقه وبمهاره فائقه ..لأنه يتكلم عن احد ابراز واشجع فرسان الجزيرة
العربيه ..اللي هو الفارس الشجاع الشيخ / جديع بن مقبل زعيم وفارس باالفعل ..

اما طال عمرك الموقعه اللي ذبحو فيها الحمده ..فهي ان الحشيشي وهو اسمه زيد بن مناحي الحشيشي من الروسان
عتيبه ..كان جاي للآل الجرو واستضافوه ثلاثة ايام وفي آخر يوم قال الحشيشي اسمعو يا آل الجرو اذا خذيتو ابل عتيبه لا تحطون وسمكم على الحشو اللي ماعليه وسم ويقصد بهذا الكلام علشان اذا اغارت عتيبه ورجعت البل ماتروح
الحشوان على اهلها لأنه لاصار عليها وسم قحطان توزع مع الغنايم ولاترجع لأهلها مع اماتها ...قام واحد من ال الجرو
في المجلس وقال يازيد انت ذبحت ابن عمنا وهو قصيرك وفي وجهك .اللي هو مبارك بن غنيم الخنافر اللي غدرت به وهو
في وجهك ..قال الحشيشي اسمعو يا ال الجرو قولو يالله ان كاني ذابحه ان الله يوليكم ظهري لاايد تمنع ولارجل ترفع
وان كانكم ظالميني ان الله يوليني ظهوركم لاايد تمنع ولا رجل ترفع ..قالو كلهم آمين ..وبعد كذا راح الحشيشي لدياره
وراح لأبن هندي وقال له فيه اهنا ابل تغطي عين الشمس وهي تعتبر مكسب ..وقتها كان ابن هندي عنده عدة غزوات
وهو شيخ وفارس وله الكثير من الغزوات . وقال يازيد بروح معك بنيه اللي هو اسمه الحقيقي نايف وبروح معك عمر ..

صارت الموقعه اعلاه وقتلو الثلاثه الحشيشي والحمده .. وبعد نهاية المعركه كان القتلى من قحطان ومن عتيبه
في ارض المعركه .. طبعآ كان فيه منعا (اسرى) وفي هذه الأثناء جاء الشيخ الفارس بن شري واعتقد انه مسعود
وعندما رآى المنعا والقتلى ..طاح مغشي ٍ عليه من شدة الحسره لعدم وجوده في هذه المعركه قال احد المنعا الرجال
هذا وشفيه طاح قال ال جرو ..وده انه مواجهكم .. ................
وبعد ذلك قال الفارس ضويحي لأحد الحاضرين قم جب لنا عيال ابن حميد لاتاكلهم الطيور ... ونقلو المنعا عندما اطلقو كما
هو معمول به بين القبائل الصورة لأبن هندي الذي قال اسمعو ترى ضويحي في وجهي ولااحد يتعرض له ..والمطلوب هو جديع .. وحدثت الموقعه الثانيه على البدريه في حصاة قحطان .. ولم تنل عتيبه مرادها اللي هو قتل جديع ..
وقد قال الشاعر ابوسنون من الكوادر عبيده في هذه الموقعه عندما سمع بها وهو في الجنوب . .
قال:
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عندالعشي عديت روس المراقيب=وقلب العنا قامت تهايض عباره
وياونتي والكبد فيها لواهيب= والعين تذري كن فيها ظفاره
ياعايض اركب فوق عوج المصاليب= على عقيلين قطيب وساره
وسرحه من راك عسى فالك الطيب=وعرض على بدوه بتالي نهاره
وحزت صلاةالعصر عند المعازيب= اهل الحصاة اللي سواة النماره
في ديرة ابن حويل تلقى التراحيب=والضيف لاجاهم ثنو في وقاره
والاد صالح في الرمايه معاطيب= خيالة الجدعا مدابيس غاره
وانشدعليهم كلهم من لأجانيب=يوم ٍ على البدري تجينا اخباره
كم سابق ٍ شربت بذود حنازيب=خلي عليه الطير وسط المعاره
وكم كاعب ٍ تبكي على الرجل والصيب=وتلبس على الثوب المجزع غثاره
فيا جعل اخو صهده مع يشيب=وضويحي اللي ردها في الكراره
ماودكم يبزا علىغيرهم صيب= ويستاهلون اللي .......بهاره
جروية ٍ في الهوش تعلق الأصاويب= وتجعل على كبد المعادي مراره
كم واحد ٍ ردوه غصب ٍ بلاطيب= بمزرجات الشلف فيدي نماره
يوم اعتلا البارود روس المراقيب=فضويحي ٍ طب الخطر دون جاره
وجديع في الضيقات يروي المغاليب=كم شيخ قوم ٍ يطفي جديع ناره
حامي عقاب الخيل والفطر الشيب=لاصاح صياح ٍ وجاءيوم غاره
من فعلهم غنى حمام المراقيب= واستر من مثلي وهو في دياره
والعلم لاجابه صدوق المناديب=حقه تراحيب وجزيل البشاره[/poem]
وسلامتكم ...

وفيه المزيد من القصائد في هذه المعركه ..وستكون مع موضوع كامل ومفصل ..

اخوي سعيد ..بيض الله وجهك ويمال العافيه ..
اخوك
خالد
__________________
[frame="4 60"]لااله الاانت سبحانك اني كنت من الظالمين [/frame]

التعديل الأخير تم بواسطة فارس قحطان ; 06-11-2004 الساعة 09:09 PM
خالد آل مطرف العاطفي غير متواجد حالياً  
قديم 26-10-2004, 07:29 PM
  #4
سعيد المهداني
عضو مشارك
تاريخ التسجيل: Sep 2004
الدولة: الدوحه_قطر
المشاركات: 137
سعيد المهداني has a spectacular aura aboutسعيد المهداني has a spectacular aura aboutسعيد المهداني has a spectacular aura about
افتراضي

فارس قحطان يامرحبا بك ..


خالد ياخالد والله ماقصرت على التعقيب المجز والمفيد وننتظر موضوعك بفارغ الصبر ...

سعيد المهداني
سعيد المهداني غير متواجد حالياً  
قديم 26-10-2004, 10:54 PM
  #5
ابن شويه
عضو فعال
 الصورة الرمزية ابن شويه
تاريخ التسجيل: Oct 2004
المشاركات: 562
ابن شويه is a jewel in the roughابن شويه is a jewel in the roughابن شويه is a jewel in the roughابن شويه is a jewel in the rough
افتراضي

سعيد

اتحفتنا بهالموضوع الله يبيض وجهك

والشكر موصول لخالدنا على اضافتة الطيبة

لاهنتوا يارجااااااااال

اخوكم / ابن شويه
__________________


[frame="1 80"]][][§¤°^°¤§][][استغفر الله][][§¤°^°¤§][][[/frame]
ابن شويه غير متواجد حالياً  
قديم 27-10-2004, 09:14 PM
  #6
السيف النادر
عضو متميز
تاريخ التسجيل: Sep 2004
المشاركات: 816
السيف النادر is a jewel in the roughالسيف النادر is a jewel in the roughالسيف النادر is a jewel in the roughالسيف النادر is a jewel in the rough
افتراضي

سعيد المهداني : بيض الله وجهك على هالموضوع اللي يزيد في معلزماتنا عن قبيلتنا ، لأانك تعرف ان قبيلة قحطان ليست عدة فخوذ وبس بل عدة قبائل كاملة لكثرتهم وكثرة اشعارهم وسوالفهم ، وانا شخصيا بدون كذب ، معلوماتي عن ال الجرو شحيحة جدا ومثل هذه المواضيع لها فائدة للجميــــع بإذن الله .واضافة لمعلوماتي .
والله لا يهينك مـــــــرة أخرى .



خالد : لا هنت وبيض الله وجهك ، وترانا ننتظر بحثك عن هذه القبيلة العريقة بفارغ الصبر .



أخـــــ السيف النادر ــــــوكم
__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]
السيف النادر غير متواجد حالياً  
قديم 28-10-2004, 08:24 AM
  #7
سعيد المهداني
عضو مشارك
تاريخ التسجيل: Sep 2004
الدولة: الدوحه_قطر
المشاركات: 137
سعيد المهداني has a spectacular aura aboutسعيد المهداني has a spectacular aura aboutسعيد المهداني has a spectacular aura about
افتراضي

ابن شويه ....

ووجهك وأشكرك على ردك الرائع ......

__________________________________________________ _

السيف النادر .....
ووجهك وهذا واجب علينا وأشكرك على مرورك ....


أخوكم
سعيد المهداني
سعيد المهداني غير متواجد حالياً  
قديم 28-10-2004, 09:04 AM
  #8
أبن كدم
عضو جديد
 الصورة الرمزية أبن كدم
تاريخ التسجيل: Oct 2004
المشاركات: 12
أبن كدم is on a distinguished road
افتراضي

لا هنت يا سعيد وعوايدك الجميل
أبن كدم غير متواجد حالياً  
قديم 28-10-2004, 10:08 AM
  #9
سعيد المهداني
عضو مشارك
تاريخ التسجيل: Sep 2004
الدولة: الدوحه_قطر
المشاركات: 137
سعيد المهداني has a spectacular aura aboutسعيد المهداني has a spectacular aura aboutسعيد المهداني has a spectacular aura about
افتراضي



أبن كدم .....

ومن قال ما يهون ... ... ... وأشكرك على مرورك الرائع


أخوك
سعيد المهداني
سعيد المهداني غير متواجد حالياً  
قديم 28-10-2004, 02:41 PM
  #10
ابن قحطان
عضو فعال
تاريخ التسجيل: Sep 2004
المشاركات: 546
ابن قحطان is a glorious beacon of lightابن قحطان is a glorious beacon of lightابن قحطان is a glorious beacon of lightابن قحطان is a glorious beacon of lightابن قحطان is a glorious beacon of light
افتراضي

لاهنت ياسعيد على هذا الموضوع
__________________
ابن قحطان غير متواجد حالياً  
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قبيلة الحباب .... انسابها,,, وديارها الحميداني الحبابي مجلس الأنساب 74 08-04-2009 09:11 PM
بيان من ؟؟؟ الأصيل مجلس الإسلام والحياة 2 14-07-2005 01:39 PM
مجموعة ارقام هواتف المشايخ والدعاه والايميلات .. عبيدي الدمام/ابوزياد مجلس الإسلام والحياة 3 09-02-2005 11:56 AM


الساعة الآن 06:38 PM

سناب المشاهير