مجدد الدعوه...!! بعد غياب

السلام عليكم
بعد غيبه طويله
وشغف لـ دخول مجالس قحطان
مجالس الرجال



القيتها في إجتماع بني تميم
في مدينة تمير
كتبتها في الشيخ المرحوم/ محمد بن عبدالوهاب التميمي
أحد الاثنين الذين بنو مجد المملكة العربية السعودية





يقول




البارحه فكري غدا جيـش سلطـان
فيه الشجاعـه والعـزم والتعابيـر

فيه الجزالـه دوم والشعـر عنـوان
وفيه الشموخ من السراوات والنيـر

فيه الفرزدق وبـن عمـه وحسـان
وبن الربيعه وبـن شـداد والزيـر

في ليلةً راسي من الشعـر طربـان
ماهو طرب خزي وتفاههه وتصوير

الا طرب عـز ومعـزات وإيمـان
وتفكير شاعر مايعـرف التزاويـر

حده على نسج المفاهيـم بـإتقـان
خير الإمام وتضحيـات المغاويـر

مجدد الدعـوه وراعيـن الاحسـان
اللي لهم بصمـه وصيـتً وتقديـر

محمد اللي مـن قديمـات الازمـان
أضفى بـعلمه فوق هاماتنـا كثيـر

من دين احمد ماخذً كـل الامـران
فيه التقى والدين مـن دون تغييـر

شيخً نسل شيخان من روس عدنـان
من هامة المجـد وحفيـد المناعيـر

ثـم أتفـق بالديـن والعهـد إثنـان
وبارك بهم رب السموات والطيـر

والحمـدلله عالـي القـدر والشـان
عد البشر والخير وعـد النواويـر

اللي بخيره صارو النـاس إخـوان
واللي بأمنه طـور الـدار تطويـر

اللي يشوف الحال من عين الاديـان
يدري بـأن الدين عـز الاساطيـر

واللي يشوف الحال من بين الاكوان
يدري بـأن الديـن مبـدأ وتنويـر

واللي يشوف الدين في حال الانسان
يدري بأن الديـن سـاسً وتعميـر

والحمـدلله ديـن راجـح وقـرآن
وسنـة نبـي الله مافيـه تحسيـر

الحمـدلله مـا بهالـديـن خــوّان
الدرب واضح فيه جنـد وطوابيـر

واللي يخون الدين لاشـك خسـران
غيـر مفاهيـم القيـم والتفاكـيـر

والمسلم الصاحي على كيف ماكـان
ماينقض العهـد ويخـون المعاييـر

والحمـدلله كــل مـاحـل الآذان
على نعيم الذات والحسـن والخيـر





وسلامتكم



نظم/ دواس البراهيم التميمي

صح لسانك الله لايهينك

الشاعر :دواس التميمي


صح لسانك



قصيدة جزلة وذات معاني كثيرة ..



لاهنت يالجزل ..


دام حضورك ودمت بخير ..

الشاعر دواس البراهيم

صح لسانك مدد

جزل وابدعت في هذه الرائعه

دام بوحك العذب ولا عدمناك


ودمت بخير

.

السلام عليكم ورحمة الله وبركاته


دواس البراهيم



صح الله لسانك وعلى شانك


.

__________________

دواس البراهيم


صح الله لسااانك وابيض الله وجهك


دام هذا الابداع


تواصلك وتواجدك يشرفنا


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح الله لسانك يادواس وبض الله وجهك

__________________