هية ( مخش ) بين ال عاطف و ال رشيد يام

السلام عليكم ورحمة الله وبركاته وبعد
صبحكم الله بالخير
يسرني في هذا الموضوع اتحدث عن احدى الهيات بين ال عاطف ويام
غزو فرسان من ال رشيد يام بقيادة العقيدالفارس ( مسدر) احد عقداء يام على ابل العطافا ال شريم ال عاطف وهم على (مخش) قرب مريغان جنوب وادي الدواسر وخذوا الابل جاء العلم إن يام خذوا الابل فلحقهم العقيدالفارس الشجاع علي بن راجح بن القينه العطافا ال شريم ال عاطف ودخل وسط الابل وماكان معه الا ثنين من ( العبيد ) ويوم احتدم الوضع الفرسان واجد وهو لحاله يرد الخيل ويحتمي الابل من المغيرين قال للعبيد :
( ازهموا الربع وبني هادي )
فجاه الفارسين اخوه الفارس الشجاع هادي ابن راجح ابن القينه العطافا ال شريم ال عاطف وولد عمه والفارس الشجاع هادي بن غريب العطافا ال شريم ال عاطف وتداوسوا هم ويا ال رشيد يام وفي هذه الاثناء كسرت رجل العقيد الفارس علي بن راجح بن القينه ( لا هي تلوح ) من صواب من بندق ومنعوا ابلهم الثلاثه فقط من فرسان ال رشيد يام الشجعان بعد مقتل شيخهم مسدر في هذه الهية.
وكانوا الثلاثه يسوقون ابلهم على مخش قرب مريغان وهم يسوقون الابل قال العقيد الفارس علي بن راجح للفارسين اللي معه :
( وقفوا بي خلوني اغني والا مت )
قاموا اخوياه وشلوه واحد من يمين وواحد من يسار وقام يغني وهم يرزفون معه يقول :


ياسلامي على ستة بدود
عد وبل(ن) تحدّر في المداير
وانتحى فيه طراد الهوى

ياوجودي على رجلي وجود
وجد من طاح من زفق الذخاير
وألتهم صيحة(ن) عند الضحى

ارزمت فاطري تبغى الردود
وحنّت الجذع وصخاف العشاير
فان بني هادي فيهم وحى

## بعض التعليقات :
( ستة بدود ) : يقصد بهم العطافا ال شريم ال عاطف .
( يا وجودي على رجلي وجود ) : يقصد رجله لتي انكسرت في الهية.
( بني هادي ) : يقصد بهم اخوه الفارس هادي بن راجح وولد عمه هادي بن غريب العطافا ال شريم ال عاطف .
وللمعلومية الفارس هادي بن غريب العطافا ال شريم ال عاطف من شجعان ال عاطف المعدودين المشهورين بالفروسية والشجاعة وهو جد كل من :
الشيخ الفارس ملهي بن مسفر بن هادي بن سعيدان
والشيخ الفارس سعيدان بن مسفر بن هادي بن سعيدان
والشيخ الفارس هادي بن مسفر بن هادي بن سعيدان
والشيخ الفارس جعفر بن مسفر بن هادي بن سعيدان


فهو جدهم من الام ( ابو امهم )


تقبلوا فائق الاحترام

المشاركة الأصلية كتبت بواسطة سالم بن نديل أرحب يا أبا الذموم .. ومليون نعم بصبيان آل عاطف .. بالنسبة لمخش المذكورة اعتقد انها الآن لاشريم وياليت توضح لنا يا ابا الذموم اذا كان فية مكان اخر في نجد بنفس الأسم تذكره لنا للأستفاده لأني اسمع ان فيه عد اسمه مخش بنجد .

المشاركة الأصلية كتبت بواسطة شامانـ العاطفي ارحب يابا الذموم والله يبيض وجهك على توثيق العلوم وسوالف ربعنا الأولية والله يرحمهم برحمته وعلى طاري الشيخ مسفر بن هادي اعتقد احدى زوجاته من قبيلة الدواسر ايضا . ولك كل التقدير على هذا الأبداع .