أ ح ب 666

[frame="9 80"][poem=font="Simplified Arabic,5,black,bold,normal" bkcolor="transparent" bkimage="backgrounds/4.gif" border="double,thick,black" type=4 line=0 align=center use=ex num="0,black"]
لا والله جهلتو قيمة المال يا هل المـال =ولا حد(ن) درا منكم بقـدره ومصلوحـه
لون الجهل ما هو مخيـم علـى الجهـال = ما سقتو عبث خمسه مليين فـي لوحـه
ما خفتو من الله عالم الغيـب والاحـوال = ما ربيتو أنفوس(ن) على النقص مشفوحه
لونكم دخلتو فالحـواري يميـن أشمـال = من الصالحيـه لا اعليشـه لا منفوحـه
تشوفون ما يثـر علـى دمعـة الرجـال = وندمتو على غلطـات يـارب مصفوحـه
بعضكـم يـدوج فالمطـارات بالبـطـال = من اسبانيا لاالصين لاجنيـف لا الدوحـه
يدور علـى عقـدة خنـا مالهـا حـلال = ما دور على الفنجال الاشقـر ولا فوحـه
وبعضكم صرفها فـي جمـال ورا جمـال = وهو ماعرفها العام لـو جتـه ممنوحـه
تقولون نبحـث للتميـز بـدون اشكـال = ونا اقول ظاقت منكم اقلـوب مجروحـه
فقـارا يلوعهـم دهـر والدهـر مـيـال = وثورة غلا تقفل بهـا ابيـوت مفتوحـه
يا كم واحد تمضي أشهور مامعه أريـال = ولا يعـرف الجيـه ولا يعـرف الروحـه
يكيلـون لـه جمعيـة البـر بالمكـيـال = وفراشه لا جاه القيض مفروش بسطوحه
ولا في أصبعه خاتم ولا في يـده جـوال = ولا كرشته من زبدة السـوق مطروحـه
يحده صلف دنياه يمشـي بـدون إنعـال = ويحده على بعض الجرايم شقـا روحـه
لونكم أهل خير واعزوم وقـدر واجـلال = بذلتوه بمـا يخـدم المجـد واصروحـه
مساجد مدارس سوق في قبضة البنقـال = وشباب قطاعات الفشل تقتـل أطموحـه
ومساكن تشيد لجل محـروم وأم أعيـال = ومواقع تغـذي واعـي الفكـر بطروحـه
هنا تهدمون الفقـر والجهـل والاخـلال = وهنا تكبرون بعين مـن يبعـد الشوحـه
تخيل يابو عقـل مغفـل وشوفـة حـال = لاجاك القدر والنفس ما هـي بمكبوحـه
وحطوك في قبر(ن) ترابه عليـك يهـال = سألك الملك عما صرفتـه علـى اللوحـه [/poem][/frame]

__________________

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]

صح السانك يابو علي

قصيدة بمستوى متميز تعطي القارى

الرغبه في تكرار تصفحها لسمو هدفها

تقبل مروري

__________________

للتـــــــــواصل

fmaf121@hotmail.com

السلام عليكم


صح لسااانك وعلى شاانك يابو علي

__________________
سبحان الله وبحمد سبحان الله العظيم

صح لسانك يابوعلي

وجعلك تبيع لوحة الفكسار بـ 5000000

قل آمين

مبدع دائماً لاعدمناك

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

اررررررررررررررررررررحب يابوعلي ملالاييين

وصح الله لسانك يابوعلي كما عودتنا علي الجزاله والابداع والتالق


وقصائدك الذي تعالج مواضيع مهمه بيض الله وجهك

ولاتبخل علينا بقصائدك الشامخه


لكن عندي سوال لوحه الفكسار


مميزه جدا بكم شريتها والا جاتك هديه

ههههههههههههههه

__________________

الأخ والغالي الشاعر القدير / سعيد بن علي الفهري



صح الله لسانك وجمل الله حالك


قصيدة سامية في فكرتها وذات هدف جميل جداً

تحتاج القصيدة للقراءة عدة مرات ليتم الأستمتاع بالمفردات الجميلة والمعاني الرائعه


تطرقت لموضوع جديد على الساحة
قمت بتوظيف عدد كبير من الكلمات في أماكنها الصحيحه
أضفت لنص لمسة فنية خاصه بسعيد الفهري

بيض الله وجهك وصح الله لسانك
وشكراً لك على هذا التواجد الجميل والرائع

ونطمع في مزيد من التواصل


أخوووووك

ياسلام يابوعلي ياسلام ..


مايحتاج تعليق .. يكفي انها لسعيد الفهري ..



بيض الله وجهك

__________________

لسماع قصائد الشاعر : سعيد بن مانع
اضغط هنا

يعطيك العافية أخوي
قصيدة جزلة وذات معاني نبيلة وهادفة
وفقك الله وننتظر جديدك

__________________

صح لسانك يابو علي ؟