شريان بن حرضان وابن عبود ومعاركهم مع عتيبه

اقتباس:
الكاتب : مشاري بن نملان الحبابي
أرحب يا شارب الفناجيل ..

بيّض الله وجهك على الطرح الوافي ..

وافي وما تجيب إلا السمين كما عهدناك ..

رحم الله الفارسين شريان بن حرضان وجعفر بن عبود وغفر لهما ..

فكما قلت فتاريخهم وعلومهم لم تُنسى وما زالت إلى يومنا هذا حديث المجالس ..

ما زلنا نطمع في المزيد ..





ووجهك ابيض يابن نملان وتسلم ثم تسلم يالقرم ياولد القرم

__________________

اقتباس:
الكاتب : رائد نملان الحبابي
ونعم في من ذكرت اخوي الكريم شارب الفناجيل

والله يرحمم ويسكنهم فسيح جناااااته

ولاهنت ياوااافي




ما عليكم زود يا صبيان الحباب يا وجيه عبدالله ومشكوووووور على المرور

__________________

اقتباس:
الكاتب : خليل بن ظافر بن عبيد
اقتباس:
الكاتب : شارب الفناجيل
نبذه بسيطه عن شيخ من ال عليان وفارس اشترك في حروب من قبل 150 عام ولا يزال صداها موجود ,,,,

اسمه / شريان بن عويضه بن حرضان ال عليان وخواله الخنافر وجده من ناحية امه هو الشيخ مسعود بن مجيديع ال دحله الخنافر

نشأته / نشاء على الفروسيه والكرم وتعلم فنون القتال وعلوم الرجال على يد أبيه عويضه بن حرضان حتى صار فارس وله من الاخوان سبعة كلهم فرسان

عرف عنه الشجاعه فكسب ابل تسمى الحرشا من عتيبه من أسفل أذقان وبعدها كسب العشوى من ابل سبيع الوديان وقد تقاصر مع الشيخ المشهور جعفر بن عبود شيخ ال مسعود وال الجمل كافه
ومن ثم غزواء شمالا على قبيلة عتيبه وبالاخص النفعه وتم كسب حلالا كثير بعدما قتل شريان الفارس القرماني وعبده وكسب ابل حمر من خيرة الابل في نجد وكسبواء ال مسعود ابل كثيره
ورزق في ذاك اليوم الشيخ جعفر بمولود سماه معيض على فارس نفيعي اعجب بفروسيته ودفاعه عن الابل رغم ان الابل تم اخذ أكثرها من النفعه وايضا يرزق الشيخ شريان بمولود وسماه ذيب اعجابا منه بفروسيه الشيخ ذيب بن جعفر بن عبود بالمعركه فقال ذيب يا شريان كسبك اليوم والله ان لك مثله تسماوه مني للولد وقد ظهرواء فيما بعد فارسين عظيمين ذيب بن شريان ومعيض بن عبود وظهرت سمعة ذيب بن شريان عند القبائل وايضا الشيخ معيض بن عبود وماتواء الاثنين ومازالت قصصهم موجود ه ومخلدها التاريخ ,,,,

وقد اشتهر الشيخ شريان ايضا بقيادته ربعه في معركة مخنق الحيران ( أبيرقات الطراد )
بين ال عليان والدواسر وهم غازين يريدون كسب الابل التي لدى شريان ولكن ال عليان في ذاك اليوم استطاعواء صد القوم وحماية ذيدانهم لعظم تطاردهم فيه سميت المعركه ( بأبيرقات الطراد)وأستبسل شريان بن حرضان بالمعركه وهو بوارديا من الدرجه الأولى واستطاع بأصابة فرسان القوم الغازين حتى رجعواء ,,,
ظهر علم شريان بالكرم والطيب رغم ان سنه لم يكن كبيرا ولكن فعله وحده هو من جعله ,,,

يقول الشيخ ذيب بن فالح ال عليان أمام جلاله الملك المغفور له بأذن الله / فيصل بن عبدالعزيز ال سعود في قصيده طويله نكتفي ببعض الأبيات فيها :[


تسمعواء في لعـــــبة تـــو ما جات ,,,,, لعابها يــــبدع زيـــن القـــــوادي
متهيض في طربـــة عصــرها فــات,,, في وقت ابن سفران هو وابن هادي
وفي وقت ابن عـــبود راع المشارات ,,, يا ويل قــــوم لحـــقهم بالنــفــادي
وفي وقت ابن حرضان راع المثارات ,,, لجاء الكزز بالشلف هي والهـــنادي
راع المهـار الي تخالـــف بقـــوات ,,, لجاء النذر في الليل وقت الهجــادي
تفرح به القطعان لقـــح وخلفات ,,, ولجــــاء نهــار فيــــه كل ينــــــادي

نبذه بسيطه وسيتم طرح القصيده بشكل كامل قريبا بعد تجميعها مع الشكر لكم




أأأأأأرحب يا شارب الفناجيل موضوعك وافي عن فرسان من قحطان يجملون أفعال القبيلة ماضي وحاضر

سلمت ودمت"""""""





سلمههههههه وما عليكم زود ومشكووووور على مرورك

__________________

اقتباس:
الكاتب : رسن بن عبدالله

اسمح لي ابدي اعجابي بموضوعك

والتعم في ابن عبود وابن شريان

لا هنت ياشارب الفناجيل وبانتظار جديدك

ما عليكم زود يا رسن ,,,, ومشكوووووووووور على مرورك

__________________

اقتباس:
الكاتب : حسين آل حمدان الفهري
بيض الله وجهك
دائماً تأتي بكل مفيد ومميز


ووجهك ابيض يا حسين ومشكوووووور على مرورك

__________________

ارحب اخوي الغالي شارب الفناجيل

والحمد لله ان ذريه شريان زعامه وفراسه وكرم

الله يرحم الفارس شريان العليَاني وابن عبود فرسان وروس عرب

اشكرك على الايراد ولاعدمتك

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

اقتباس:
الكاتب : الظور
ارحب اخوي الغالي شارب الفناجيل

والحمد لله ان ذريه شريان زعامه وفراسه وكرم

الله يرحم الفارس شريان العليَاني وابن عبود فرسان وروس عرب

اشكرك على الايراد ولاعدمتك





سلمههههههههههههههه يالظور ,,,,, ومشكووووووور على مشاركتك يالقرم يابن القروم

__________________

سوالف شريان بن حرضان وابن عبود تبيض الوجة اذكر عام 1988في برنامج بادية في الكويت جابو راوية شمري جاب سوالف هل فارسين وكانت الحلقة ممتعة

مشكوووووور على المرور والمعلومه ايضا لا هنت يا ثابت

__________________

حيّـــــــــــــــه وحـــــــــي ما جـــــــاب

أرحـــــــب يالعلياني أرحب يا وجه ال الجمل

أنـــــــــــت عـــــــــلومـــــــــــك واجــــــــــد فـلا تـبـخـل عــلانـا بــمــا تـــعـــرفـــه

أبيك ولا عليك أمر تنشد شيبانك العارفين من بعض الوقعات اللي جات على ال مسعود وال الجمل ولم يكتب فيها قصائد:
1) عندك ال حسين ال مسعود يوم قالوا لابن عبود حنا بنغزي بلحالنا وبنطلع من ال مسعود وبنكون مستقلين في مغازينا،، وغزو على الدواسر ربع ابن قويد وسحتوهم الدواسر ولا عينوا خير،،، وعرف معيض ابن عبود بالوقعه وتوعد معيض الدواسر،،، فكان الدواسر متوجهين من الوادي يبون يروحون صوب السبعان وكانوا على راس بن قويد فشافوهم ال مسعود على راس معيض بن عبود وكان مع معيض ابن حويزي ال سويدان ووقفوهم وخذوهم ال مسعود كلهم وكان هاذا ثار للي خذوهم الدواسر من ال حسين؟؟؟هل القصه هاذي صحيحه؟؟
2) عندك عتيبة غزة على ال مسعود (الشيابين على راس بن هذال_والنفعه على راس شبيب بن حجنه) وردهم هديف بن عبود لحاله وعقّر 7 خيول كان يركبها فهيد ابن هذال وكل ما عقّر له خيل عطوه ربعه حصان وبعد ماشافو وقع هديف ابن عبود هون ابن هذال من الاقدام على ال مسعود لان هديف كان يبي يذبحه ويعقر خيله في نفس الوقت فعود هذال هو وابن حجنه وعافو المغزى على ال مسعود هل القصه صحيحه؟؟؟
3) عندك أحد ابناء الشيخ ابن محيّا العتيبي غزى على ال مسعود وقابله هديف بن عبود ولا عيّن خير،،، وتقابل جعفر ابن عبود وابن محيّا في أحد المرات وقال ابن محيّا لجعفر بن عبود،،، يا جعفر الطير اللي جاكم هو يحري بها والا ما يحري بها؟ قال جعفر الا يحري بها. فقال بن محيّا: انتم ذبحتوه مقبل والا مدبِّر؟ قال جعفر: الا ذبحناه مقبل هل القصه صحيحه؟؟؟
4) عندك شبعان احد شيوخ المراشدة الروقة عتيبة غزى على ال مسعود وخذاها عقــــــاب بن هــــديف وقالوا فيه:
شبعان جانا طامع بالفيد_____واليوم يحسب من عداد الاموات
* عندك السبعان اللي غزو على ال مسعود ب (7) بيارق وردوهم ال مسعود وهم على 7 خيول كل خيل مردوفه ما فوقها إلا رجالين،، وكان السبعان على راس قايدهم الفديع ابن باحص شيخ السوده؟؟؟؟؟؟؟؟؟؟هل هذا صحيح؟؟؟
* عندك بعد دخول الملك عبدالعزيز الرياض وبدأ في توحيد المملكه جا أحد الامراء واسمه (سعود العرافا) واخوه (محمد العرافا) وقال لقبيلة ال مسعود ابغاكم تغزون معي ضد الملك عبدالعزيز لأنه كان مختلف معه ورفضوا ال مسعود طلبه فقرر إنه يغزي ال مسعود ومعه السبعان ولا عيّن خير وصوبوه ال مسعود وصوبو اخوه محمد وردو غزو السبعان؟؟؟؟؟؟؟؟؟؟صحيح هذا الكلام؟؟؟
4) عندك مطير على راس ابن بصيِّص المطيري جا بينه وبين ذيب ابن عبود طراد واخذ وعطا وصارت مواجهه بينهم وطاح بصيِّص وقال ذيب بن عبود فيها بيتين/
ادنى الحيا خشم ذقان_واقصى الحيا بصيِّص مذبوح
............تشوف فيحان_.........................مطروح هل القصه صحيحه؟؟؟
5) عندك الفارس الدوسري اللي ماقدر احد يطرحه من حصانه تقابل مع جعفر بن عبود في طراد ومع الدوسري سلاح وفكّه على جعفر بن عبود واخطاه وفك عليه جعفر جنبيته المشهوره (الحلوش الذيب الابيض) وطاح الدوسري هل القصه صحيحه؟؟؟
6) عندك الفارس (ونيَّان ابن حميد) اخو تركي ابن حميد،،، خذاه جعفر بن عبود بالحلوش (الذيب الابيض) هل القصه صحيحه؟؟؟ وعند غزية من عتيبة فخيذه يقالهم (الطويلات) تواجهو مع ال مريسن من ال ناجع ال مسعود وكسروهم ال مريسن؟؟؟؟؟؟
7) عندك الشيابين عتيبه كانوا غازين على مطير وعودو بكسبهم لديارهم وفي طريقهم طاحو في ال مسعود وخذو ال مسعود جميع كسبهم اللي خذوه من مطير ولكن ذبح في المعركه فارس من فرسان ال مسعود (ابن دعلوج)؟؟؟ واللي ذبحه هذال الشيباني هل القصه صحيحه؟؟؟
8) عندك عرار بن عبود (راعي الباروده) وكان يوم الغزو (ذيب بن عبود وعرار بن عبود مصوبين في معارك سابقه) وكتفو بأن عرار بن عبود يرمي بالبندق لانه كان من امهر بالبندق في نجد فرد غزو عتيبه كامله (الشيابين ومعهم النفعه) رمي بالبندق ويوم خلص منهم حولو عليهم ال مسعود وجعلو عليهم يوم اغبر؟؟؟
9) عندك قبيلة الخلاوي خذو 8 نوقات من إبل ال عبود ولا كان عندها إلا راعية بنت وخذو البل وتبعتهم البنت وقالت "على هونكم على هونكم،، البل وراها رياجيل بيردونها" ولا ردو علاها ولا خلت البل قامت تتبعها وما وعو إلا ال عبود واصلينهم وكسروهم من أولهم لاخرهم وبعد الكسره علموهم إنهم قحاطين من الخلاوي (الظاهر الحباب)،،، إن كان شيبانك عندهم معلومه عنها انشدهم؟؟؟
10) عندك ال الجمل قحطان معروف أنه بعد مناخ صبحا مع الدوشان مطير قامت مطير تغزي على قحطان نجد وفي نفس الوقت كان الاتراك يكثرون الغزوات على نجد وانقسمت الجحادر إلى قسمين:
ال محمد ضد الاتراك وانكسرو الاتراك
وال الجمل ضد مطير وانكسرت مطير
ويقولون أن بيت القصيد مويضي البرزانيه اللي يقول:
ياراكبـن فتانـة العـيـن حـايـل = من الخفس تمسي بك على جال تبراك
تلفـي لشغمـوم ايـداوي الغلايـل = قل ياحامـي الـذلان صـلال يفـداك
نجـد حميناهـا مـن اولاد وايــل = واليوم عدونـا سكـن وادي الـراك
أمـا احتمينـا هـا بحـد السلايـل = والا عطيـنـا الـشـاه ذولا وذولاك
ذولا وذولاك=تقصد ال الجمل وال محمد الجحادر
قصيدة مريط بن رايعه المسعودي/
عدا العقيلي براس الرجم ويويق && يشوف له بوش تزاعج صوب مضماه
وغرنا على البل ورمينا المعاليق && والكل منهم للجنب راح ينخاه
ولحقوا مطير على طوال السماحيق && معهم دويش على صفرا محلاه
ولحق المريخي وسوق البر غدا ضيق && والجيش عيا وسيع البر يبزاه
وقال المبندق عندكم يالمطاليق && اخذوا هدومه وخلوا الشمس تنداه
وغدا الرمك نطله سوات الجواليق&& يوخذ رسن هاذي والاخرى مخلاه
ويومن حدونا على كره المضاييق && للخيل حول مثل جفران وحلياه
حبيت استفسر من الابيات اللي قالها مريط ابن رايعه وش مناسبتها؟ والدويش اللي فيها هو نفسه وطبان الدويش اللي ذبحه ابيض المشعاب والبندقاني؟ والا دويش ثاني،،،والدوشان كثار ويعتبرون قبيله كامله لكثرة اعدادهم. وفيه قصيده قديمة جدا تثبت أن ال الجمل وحدهم هم اللي كسرو مطير في نجد وانا سمعتها قديم من شيبانا الاولين ولكن ماكتبتها،،،إن كان شيبانك يعرفونها جبها لنا لا هنت.
11) عندك ال مريتع لهم فعل مشهود في نجد،،، ومن فرسانهم (عيد الخيل) ولهم سوالف مع الدوشان كثيره؟؟؟
12) عندك سلم (حقيب) ال عاطف لا شك أنه اشهر سلم عند الجحادر،،، ولكن معروف بأن ال الجمل لهم سلم خاص أقدم منه (سلم جمل)؟؟؟؟؟؟؟