ابن هادي وابن شفلوت وذيب بن شالح

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله يجملني يانايف على الطيب=عند اقرب العربان وعند القصاوي
والله يجنبني دروب العذاريب=ويسوق رجلي للحرار النداوي
بعض العرب دايم وعينه على الجيب=ان كثر مالك قال هذا دهاوي
وبعض العرب قبل الحليله هو الذيب=ومن بعدها اصبح قريب الهقاوي
وبعض العرب نفسة سريعه على العيب=هذي حياته ياحياة الشقاوي
وبعض العرب دايم يشذب العراقيب=واليا بحثته لاهو اكبر دناوي
وبعض العرب يرقى بعال المراقيب=للمرجله حواش ماهوب واوي
ولايدور من وراها مكاسيب= ولاهمته بقعا زبون الجلاوي
امثال اخو رثعا وابن هادي وذيب=ياليت سد بقبرهم كل غاوي
ماشاقهم شوف البنات الرعابيب=ويحرم عليهم رفقة اهل الخناوي
يانايف قنيفذ كسى راسي الشيب= ماهوب سبت لابسات الغطاوي
لاوالله الا تاركين المواجيب=احبالهم عند الشدايد رخاوي
اليا غشى وجهك سموم ولواهيب=والهم يسرح في ضميرك وضاوي
نطحك لمواج الخطر والمصاعيب=كنه على طحيتك شفق وشفاوي
لوكان في شوفك يسوق التراحيب=لكن قلبة للضغينه غناوي
وش فايدة الاطناب دون المناسيب=ولولا الدكاتر ماعرفنا التدواي
قلته واشوف الوقت كاثر به الريب=والبوم اشوفه في مكان النداوي[/poem]