لمحبين التفحيط

السلام عليكم شباب

هاذي شوارع التفحيط الي في الرياض ونبيكم تكملون ؟؟؟؟؟؟؟؟؟؟؟؟



اولاً للمعلومية:اغلبية التفحيط يكون يوم الأربعاء_والخميس

ويبدأ الساعة الـ12 ومافوق


اولأ: شـــــــــــــارع بحـــــــــــــري

من اشهر شوارع التفحيط ... واكثرها اتساعاً ... يعني العقد فية ما تعوق

التوصيف:له طريقين الطريق الأول

ادخل مع مخرج عشرة .... وكنك متوجة لم العليا

اول كبري يجيك اطلع معة .... ومن عند الإشارة لف يسار

هذا هو الشارع

الطريق الثاني

من عند مخرج سبعة ... طريق عثمان بن عفان

وانت جاي من مخرج ثمانية لف يسار ... وسيد تجيك اول اشارة عدها

وثاني وثالث ورابع اشارة عدها بعد

تلقاك وسط الشارع


ثنياً:شــــــــــــــــارع المطـــــــــــــافـــــــــــي

احسن الشوارع من ناحية شدة العزم لسيارة .... والعطة فية سهلة

مشكلتة فية مطبات ... لكن يصير فية تفحيط دايم


الوصف: تستلم الدائري الشمالي ... لين يجيك مخرج اربعة((مفرق القصيم))

لف يمين كنك رايح لم القصيم .... اطلع من فوق الكبر الأول

وسيد لين يجيك نفق ... ادخل من فوقة واذا جتك اشارةلف يمين

وسيد قدام .... وتلقاك وسط الشارع


ثالثاً: شـــــــــــارع البـــــــــــــراميـــــــــــــــل

شارع عالمي عبارة عن اربع مسارات ... مافية تفحيط ما يمر علية

ويعتبر افضل من شارع بحري .... وبدون مطبات


الوصف: نفس وصف شارع المطافي

لكن بدل ماتطلع من فوق النفق الأول .... اطلع مع النفق الثاني

واذا جتك الإشارة لف يمين .... وسيد قدام

لين تشوف فية مخيم على يدك اليسار .... اذا شفت المخيم

اول لفة تجيك يسار لف معها

وترا هذا هو الشارع


رابعاً:شـــــــــــــارع الجنــــــــــادرية او الفـــــــــروسيــــــــــــة

شارع مشهور جداً ... دايماً يبدا التفحيط من هناك

شارع وسيع .... واشهر المفحطين يجونة


الوصف: تستلم طريق الدمام .... لين ينقطع النور

بيجيك اول مخرج اتركة ... بعدين ثاني مخرج ادخل معة((مخرج الثمامة))

واذا لفين مع المخرج وطلعت على الشارع ((اسمة شارع البعارين))

سيد لاتلف يمين ولا يسار .... لين يجيك عواميد النور

وهذا يكون نهاية طريق الجنادرية ... يعني العقدة تخلص هناك


هذي هي اشهر شوارع التفحيط ... والباقي عليكم يعني حط رجلك ورى الموكب



ملاحظات للمبتدئين: اذا كان التفحيط يوم الربوع ... فيه تحجير من الدوريات

فأنك يوم الخميس لاتلحق التفحيط ...الا بعد الساعة 3


اذا قام اللي يفحط يجر الموكب مع الدائري ... ويدخل الشوارع حقت التفحيط

ويطلع من دون لايفحط .... اتركة ورح لم بيتكم لأنه بيخلص بنزينك على الفاضي



تقبلوا خالص تحياتي

البحري قفلو الدورات وما يفحطون فيه الا قليل


المطافي فتح جنبه مركز شرطه الصحافة و الناس ما تفحط فيه

البراميل

صار في نهايته مطابات كبييييييييييييرة وجنبه مجمع خوجات وانواع العسكر والقروشه

معلوماتك قديمة الله يسلمك ويعافيك شكل الموضوع مكتبوب قبل عشر سنين



لا تزعل من كلامي ونتشوق لمشاركاتك القادمة

نسيت شااااااااااااااااااااااااااارع المليون

وبعد شااااااااااااااااااااااااااارع المستودعات

وبعد الشاااااااااااااااااااااااارع الاصفر


كلها جنوب الرياض

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

ههههههههههههههههههههه
تفحيط .. الله يجزاك بالجنه يا ال عآصم

فيه البركسآت ما ادري وش اسمه
خخخخخخخخخخخخخخخخخخخخخخ



فيصل الحمآلي

__________________
اذا كنت تركل من الخلف .. فأعلم بأنك في المقدمه


صاحبي
يا اللي على راسي تمون
لايهمك بعد وغياب وجفى
تدري إن
لي قلب"لايمكن يخون
ماربيت الا على طبع الوفا!
من سلايل
(لامن قالو يفعلون )
نجمهم
بالجود عمره ( ما طفى )
دام
بيتك قلب!
وفراشك عيون!
لايهمك يا بعد راسي جفى

الله يهدي الشباب اللي تهوى التفحيط


ياكم نفس راحت في هذه الهواية الخطيرة

__________________

__________________

اخوي نسيم الجنوب كلامك صحيح بس
انا ساكن بالدمام وعندك الشارع الثلاثين باقي يفحطون فيه
وعندك الشارع الاصفر الي في الكورنيش يجي فيه تفحيط كل اربعاء وخميس
وعندك شارع جي تي الي مقابل مخطط 91 هذا معروف دايم يجي فيه تفحيط كل اربعاء وخميس

بس عندك باقي مناطق المملكه مادري عنها وعلى فكره الموضوع هذا منتشر في اكثر المنتديات وصح انه قديم بس
هذا الي لقيته اشكرك نسيم الليل على مرورك

اخي أل عاصم

سلام من الله عليك ورحمته وبركاته

وبعد:

لماذا اخترت هذا الموضوع ؟

هل انتهت جميع المواضيع المجدية؟

ان كنت تريد اثارت الحوار والاخذ والعطاء وبيان مشاكل

التفحيط وما يحصل فيها من كوارث فهذا جيد وان كان العكس

فويل لك من الله !!!!

كيف لو اتى احدهم الى اخيك وابنك وقريبك ودله على طريق غير سوي

هل ستصفق لهم وتمدهم بما يطلبون او تردعهم وتعاقب من دلهم عليه؟

ولا تنسى ان المرء حسيب نفسه

والموضوع عملة لوجه صاحبه وسلوكه

ارجوا قبول وجهة نظري بصدر رحب

اخوك / المكابسي

__________________

بسم الله الرحمن الرحيم
إلى الأخ العزيز ال عاصم
تذكر بأن أي شخص سوف يذهب لهذه الشوارع
عليك وزره ووزر من يتبعه ووزر من يدلهم على هذه الشوارع
الله يهديك

__________________
اللـهـم
اصلـح لي ديـني الذي هـو عصمـة أمـري
واصلح لي دنيـاي الـتي فيـهـا معــاشــي
واصلح لي آخرتي الـتي فيـها مـعـــادي
واجـعل الحيـاة زيـادة لي في كـل خــيــر
واجـعل المــوت راحــة لي مـن كـل شـــر


ازا مر زمان ولم تروني ,,, فهذه رعصاتي على الكيبورد فتذكروني

ال عاصم جزاك الله خير 0


ولكن بدل ما تنقل الموضوع وتدل الناس للشر وغيره ( مع فائق احترامي وعذري للكلمة ) انقل موضوع مفيد دل الناس على مساجد جديدة او محاضرات او ندوات اشياء تفيدك في دينك ودنياك واخرتك 0

كلام جميل اخي /المكابسي 000000 وكلام جميل اخي /ابو سالم